Isaiah 3:13 - Tedim Bible

¹³ Topa in, thu pang dingin thukhenna munah ama panmun hong la a, ama mite thukhen dingin a ding hi.

Tedim Bible Revision 2017

¹³ Topa in thupang dingin ama panmun hong la a, ama miteʼ thu a khen dingin a ding hi.

Isaiah 3:13 Referans Kwoze

Micah 6:2

No mual liante leh a kip tawntung leitung bulpite aw, Topa a kinialna thu ngai un. Topa in ama mite tawh thu nei a, Israel tawh thu kisel ding hi.

Late 12:5

Topa in, “Mizawng mi a neihsa kihawkkhia a, mi cimawh mi thuum ahih ciangin, tu’n ding-in, ama lunggulh lungmuan’na munah amah ka koih ding hi,” ci hi.

Late 74:22

Pasian aw, tho in la, nangma thu-ah hong pang in; dawi bia mite in sun tawntungin nangmah hong thusim lohna phawk ta in!

Late 82:1

Pasian in thu vaihawm kikhopna sungah ama panmun hong len a, amah in pasiante lakah thu a khen hi.

Isaiah 51:22

Ama mite’ a hu Topa, Topa ahi, na Pasian in hih bangin ci hi: “En un, note’ khut sung panin hoina hai ka lakhia khin hi; ka hehna haipi na dawn nawn kei ding uh hi;

Isaiah 66:16

Bang hang hiam cih leh Topa in mei tawh thukhenna sem ding a, a mawh mi khempeuh tungah a namsau tawh thukhen ding hi; Topa in a thah mite tam mahmah ding hi.

Joel 3:12

Minamte hong kithawi hen la, Jehoshafat Kuam-ah hong kuansuk uh hen. Kiimkot-a om minam khempeuhte’ thu khen dingin, Topa ahi keimah, tua munah ka tu ding hi.

Isaiah 1:18

Topa in hih bangin ci hi: “Tu-in hong pai un la, thu kikum khawm ni; na mawhnate uh puansan a bat hangin vuuk bangin hong ngo ding hi; na mawhnate uh si bangin a san hangin tuumul bangin hong kaang ding hi.

Micah 6:1

Topa leh Israel a kitotna ngai un. Topa aw, kipan in la, mual liante leh mual neute mai-ah, na thu sung in.