Isaiah 3:12 - Tedim Bible

¹² Keima mite ahih leh—khangnote in bawlsia uh a, numeite in zong uk uh hi. Ka mite aw, na makaite un note lam hong lak khial a, note’ lampi zuih pen hong siasak hi.

Tedim Bible Revision 2017

¹² Keima mite ahihleh naupangte in bawlsia uh a, numeite in zong uk uh hi. Ka mite aw, na makaite un note lam hong lakkhial a, noteʼ lampi zuih pen hong siasak hi.

Isaiah 3:12 Referans Kwoze

Isaiah 3:4

Amaute’ ulian dingin naupangte ka bawl ding a, naungeekte in amau uk ding uh hi.

Nahum 3:13

Na galkapte, numei bang hi lel ding a, na galte a lut zawh lohna dingin, na gamsung kihu zo lo ding hi. Mei in na kulh kongpi zawlte kangtum ding hi.

Mattiu 15:14

Tua mite amau ut bangin om sak un. Amau in mittaw lamhilhte ahi uh hi. Mittaw leh mittaw lam kihilh leh, a nih un leihawm sungah a kiakhawm ding uh hi,” a ci hi.

Jeremiah 5:31

Kamsangte in thuman gen lo uh a, siampite in amau’ ut bangun a uk uh hi; ka mite in phamawh a sa kei sawnsawn uh hi, a tawpna hun hong tun’ ciangin bang na cih ding uh hiam?

2 KUMPI NIHNATE 11:1

Tu-in Ahaziah’ nu Athaliah in a tapa a sihna a theih ciangin amah kipanin kumpi innkuan khempeuh susia hi.

Mattiu 23:13

“A simtat laitheite leh Farisaite aw, note in gimna na thuak ding uh hi. Bang hang hiam na cih uh leh, Vantung Gam kongkhak mi mai-ah na khak uh hi. No lah lut loin, a lut nuamte zong na kham uh hi.”

JOB (Job) 30:13

Ka suahtak theih nading lampi khaktan uh a, keimah suksiat ding hanciam uh hi; amaute a kho ding kuamah om lo hi.

Paunak 28:16

Ngaihsut siamna a nei lo gam ukpa in a gilo kumpi hi ding a, thuman lo-a ngahna a deih lo mipa in sau veipi uk ding hi.

Thuhilh-sia 10:16

A kumpipa mite’ cih bang bangin gamta lel a, zan khuavakin zu ne makai a nei, gam khatpeuh in lungkhamna thuak hi.

Isaiah 19:14

Topa in amaute lungsim kitukalhsak khin zo hi; zukhampa pen ama luak sung mahah a puk bangin Izipt gam mite’ hihna khempeuh khialin hoi mang khin hi.

Isaiah 51:22

Ama mite’ a hu Topa, Topa ahi, na Pasian in hih bangin ci hi: “En un, note’ khut sung panin hoina hai ka lakhia khin hi; ka hehna haipi na dawn nawn kei ding uh hi;

Micah 3:5

Sum a pia zo mite kiangah thunuam gen a, a pia lo mite kiangah, gal tuah ding a gen, kamsangte in mite lam khialsak uh hi. Topa in tua bang kamsangte kiangah,