Isaiah 3:11 - Tedim Bible

¹¹ Mi gilo in gimna ngah ta hen! Ama khut in a hihsate ama tung mah ah kithukkik ding ahih manin ama tungah thu sia ding hi.

Tedim Bible Revision 2017

¹¹ Migilo in gimna ngah tahen! Midang tungah a gitloh gamtatna tawh kizui-in ama tungah kithukkik ding ahih manin ama tungah thu sia ding hi.

Isaiah 3:11 Referans Kwoze

Thuhilh-sia 8:13

Migilote’ adingin, thu nuam lo ding a, amaute in Pasian zahtak lo uh ahih manin, a nuntak hun uh nilim bangin bei pak ding a, khan’sih ding uh hi,” kici hi.

Jeim 2:13

Bang hang hiam na cih uh leh, hehpihna a nei lo mi in, hehpihna ngah loin thukhenna a thuak ding hi. Hehpihna in thukhenna zoin a kisathei thei hi.

Late 62:12

Topa aw, itna kip in nangma aa hi. Bang hang hiam cih leh mite ama sepna bangin na thukkik hi.

Late 28:4

Amau sepna leh amau gamtat siatnate bangin amaute thukkik in; amau khut sepna tawh kizui-in thuk in la, amau ngah dinga kilawm thaman pia in.

Isaiah 65:20

Naupangte a ngeek sih om lo ding a,, puteek khat in sauveipi nungta ding hi. Kumza bek a nungtate a khan’ sihin kingaihsun ding a,, kumza cing loin a site, hamsiatna ngahin kiciamteh ding hi.

Isaiah 48:22

“Tua ahih ciangin mi gilote’ adingin nopna om lo hi,” Topa in ci hi.

Paunak 1:31

na gamtatna bangun na thuak ding uh a, nomau’ gamtatna mah in note hong gimsak ding hi.

2 KORIN NIHNA 5:10

Bang hang hiam na cih uh leh, eite khempeuh in pumpi-ah i gamtatna ahoih ahoih lo bangin thukhenna ngah ciat dingin Khazih’ tokhom mai-ah i tung tek ding hi.

Piancilna 18:25

Thuman mite in mi gilote tawh a kibat nadingin mi gilote tawh thuman mite thah khawm ding, hi thei ahi hiam? Tua pen hi thei lo ding hi. Leitung khempeuh Thukhenpa a manin gamta lo ding ahi hiam?” ci hi.

2 KHANG TANGTHU NIHNATE 6:23

vantung panin za-in gamta in la, na nasemte thukhenin, a mawh mi a gamtatna ama lu tung mah-ah tusakin thuk in la, a thuman mi a thumanna tawh kizui-in thaman piakna tawh langsak in.

JOB (Job) 10:15

Ka khialh phetin gimna nong pia a, ka gamtat hoih ciangin nong pakta tuan kei hi. Keimah in mindaina leh maizumna tawh ka kidim hi.

Paunak 12:14

Mite in kamhoih pauna hangin thaman ngah a, a sepna bangun zong thaman ngah hi.

Isaiah 13:11

Leitung mite a tatsiatna hangin, migilote a mawhna hangin daan ka pia ding hi; mi kihisakte’ kiphatsakna bei sakin, a kisatheite’ kiliatsakna ka niamkhiat ding hi.

Isaiah 65:6

En un, amaute daan piak ding ka khentat khin a, amaute’ thuak dingte lai sungah kiciamteh khin hi. Amau’ mawhnate mawk koih in, ka dai om kei ding a, a bit-in ka thukkik ding hi. Amau’ mawhna leh a pu a pate’ mawhnate a phei tungah ka thukkik ding hi; amaute in mual liante tungah paknamtui hal-in mual neute tungah kei hong simmawh uh ahih ciangin amau’ gamtatna tawh kizui-in a bit-in ka thuk ding hi, ci hi.

Jeremiah 21:14

Na nasepna gahte tawh kituakin nang kong daantat ding hi, Topa in kong ci hi. Tuulak-a sing hoihte tawh a kilam na kumpi innte uh mei tawh kihal ding a, a kimkot khempeuh ka kangtum sak ding hi,” a ci hi.

Jeremiah 31:30

Mi khempeuh in amau’ mawhna ciat uh hang bekin a si ding uh hi. Leenggah thuk a nete’ ha bek a kim ding hi.

Ezekiel 2:10

Tua ciangin tua khut in tua lai kizial hong phel a, a lang nih tuakah lai kigelhin, dahna kahna thu leh thuumna tauna thute vive a kigelh ka mu hi.

Ezekiel 18:20

A si dingpa pen a mawh mipa ahi hi. Ta in pa’ mawhna thuak lo ding a, tua mah bangin pa in ta mawhna thuak lo ding hi. Mi hoihpa in a hoihna thaman ngah ding a, mi gilopa in a gitlohna thaman thuak ding hi.

Ezekiel 24:14

Topa ahi keimah in thu ka gen khin hi. Tu-in ka gamtat hun ding hong tung ta hi. Kong kiphawkmawh bawl nawn kei ding a, ki-ip nawn loin, zong kong khasiat ngaihsut kei ding hi. Na gamtatna bangin daan hong kipia ding hi, Topa Pasian in ci hi,” hong ci hi.

Ezekiel 33:8

‘Mi gilopa khat pen si ding hi,’ ci-in kong gen ciangin amah a nuntak theihna dingin a gamtatna a khel nading na hilh kei leh, tua mipa pen a mawhnei-in si ding a, ahi zongin ama sihna sisan nang kong ngawh ding hi.

Micah 3:4

Topa tungah huhna ngenin na kiko hun uh hong tung ding a, ahi zongin amah in note hong dawng lo ding hi. Note gamtatsia na hih manun, na ngetna uh hong ngai lo ding hi.

Micah 7:13

Ahi zongin a tunga teeng mite’ gitlohna hangin, leitung in sehnel gamkhing suak ding hi.

Gamlak-vakna 32:23

Ahih hangin note tua bangin na gamtat kei uh leh, en un, Topa’ tungah a khial khin na hi uh hi; na khialhna un note hong sulzuih ding thei tel ta un.

Thukhente 9:57

Pasian in Shekhem mite khempeuh’ gitlohna amau’ lu tungah tusak kik hi; tua bangin Jerubbaal’ tapa Jotham’ samsiatnate amau tungah a tung hi.

2 SAMUEL NIHNA 3:39

Sathau kinilh kumpipa hi napi-in tu ni-in ka thaneem hi; hih Zeruiah’ tapate kei adingin haksa lua hi. Gamtat siapa a gitlohna bangin Topa in thuk ta hen!” a ci hi.

1 KUMPI MASATE 21:21

Topa in hih bangin ci hi: Nangma tungah siatna kong tungsak ding hi; nang kong phiatkhia siang ding a, Israel sungah nangma mi sal leh a suakta mi pasal khempeuh, ka susia ding hi;

Paunak 11:31

Mihoihte, hih leitungah thaman kipia ahih leh, migilo leh mawhneite, gimna kipiazaw kan ding hi.

Paunak 26:27

Mi siahna-in gum a tote, ama gum tawhna sung mah-ah amah leh kiat zawsop a, mi a deng kha dinga suang a khukte, ama suang khuk mah in amah leh khak zaw hi.

Ezekiel 16:59

“Topa Pasian in hih bangin ci hi. Nang in i kamciamna leh i thuciamna don lo na hih manin nangma gamtatna bangin nang tungah kong gamta hi.