Isaiah 3:1 - Tedim Bible

¹ Bang hang hiam cih leh, en un, Topa, Vanglianpen Topa in Jerusalem khua leh Judah gam panin nuntakna leh lu hin’na, nuntakna an khempeuh leh nuntakna tui khempeuh;

Tedim Bible Revision 2017

¹ Topa, Vanglian Topa in Jerusalem khua le Judah gam panin nuntakna le luhinna, nuntakna an khempeuh le nuntakna tui khempeuh;

Isaiah 3:1 Referans Kwoze

Siampi Laibu 26:26

Keimah in note’ nuntakna an ka suksiat ciangin, nupi sawm in meibung khat sungah na anlum uh em ding a, na anlum uh a tawi tehin hong pia kik ding hi; note in na ne ding uh a, na kham zo kei ding uh hi.

Ezekiel 14:13

“Ezekiel aw, gam khatpeuh peuh in khialhna bawlin kei tungah hong thuman kei leh keimah in a annek ding teng uh ka susia ding hi. Kialpi tungsakin a mihing a ganhing-in ka siasak ding hi.

Isaiah 1:24

Tua ahih ciangin, Topa, Vanglianpen Topa, Israelte’ Vanglian Pa in hih bangin ci hi: “Ah, ka lang ahi note tungah ka hehna kong khahkhia ding a, ka gal ahi note tungah keimah in kong thuk ding hi.

Jeremiah 38:9

“Ka Topa kumpipa aw, hih mite in kamsangpa Jeremiah, tuikhuk sungah a khiatsuk uh a khial uh hi. Bang hang hiam cih leh khua sungah anlum om nawn lo ahih manin anngawlin a puk si ding hi,” a ci hi.

Jeremiah 37:21

Tua ahih manin kumpipa Zedekiah in kumpi thonginn sungah a kiat zawk nading thu pia a, khua sunga anlum a bei matengin anlum sai panin ni simin anlum khat ta a piasak den hi. Tua ahih manin kumpipa’ thong sungah Jeremiah a om suak hi.

Isaiah 51:22

Ama mite’ a hu Topa, Topa ahi, na Pasian in hih bangin ci hi: “En un, note’ khut sung panin hoina hai ka lakhia khin hi; ka hehna haipi na dawn nawn kei ding uh hi;

Isaiah 36:12

Ahih hangin a ulianpa in, “Hih thute na topa uh leh note tung bekah gen ding a, amau’ ek mah ne-in amau’ zun mah dawnin note tawh a siakhawm ding kulh tunga tu mite tungah a gen lo dingin ka topa in hong sawl sa na hi hiam?” a ci hi.

Isaiah 5:13

Tua ahih ciangin thu theihlohna hangin ka mite sal suak uh hi; amau’ mi liante gilkialin si dek uh a, a mihonte uh dangtakin keu uh hi.

Isaiah 2:22

Ama’ nakvang sungah husan’na a om mipa muang kei in; Ama’ husanna pen banga sim tham ding ahi hiam?

Late 105:16

Amah in leitungah kialpi tungsakin, an khempeuh a siatsak ciangin,

Isaiah 3:16

Topa in hih bangin ci hi: Jerusalem numeite kiphasakin ngawng doksa-in lam pai a, kiphatsakna tawh a mit uh hei pampam-in hi tuihtuihsa-in pai uh a, a khe uh tawh gingsak sualsual ahih uh ciangin;

Isaiah 9:20

Amaute in taklam-a omte ne uh a, ahih hangin gilkial lai uh hi, amaute in veilam-a omte ne uh a, ahih hangin kham nai lo uh hi; mite in amau’ vengte’ sa ne ciat uh hi,

Jeremiah 52:3

Topa in Jerusalem khua leh Judah mite ama’ kiang panin a hawlkhiatna zah ding dongin a hehna a lian hi. Zedekiah kumpipa in Babilon kumpipa a langpan’ hi.

Jeremiah 52:6

A kha lina, a ni kua ni ciangin khuapi sungah kial nasia lua ahih manin, mite in an nek ding nei nawn lo uh hi.

Kah la 5:4

Ka tuidawn ding uh lei ding kul a, ka sing cih ding uh lei ding a kul hi.

Amos 4:6

Na khuapi khempeuh uhah kial tungsakin, an nek ding nei loin note a hong koihpa in keimah hi napi-in, keima lamah nong kihei tuan kei uh hi, Topa in ci hi.

Micah 4:9

Bang hangin tu-in nakpi-in kap a, numei nausuak ding bangin na sa na hi hiam? Kumpi nei lo a, na thulamlakte si ahi hiam?

2 KUMPI NIHNATE 25:3

A kha lina a ni kua ni-in tua khuapi sungah kialpi nasia mahmah ahih manin tua gam mite’ ading an om lo hi.