Isaiah 28:7 - Tedim Bible

⁷ Hih mite zong leenggahzu tawh hoi-in kham theih zu tawh awn uh hi: siampite leh kamsangte nangawn zu khamin hoi uh hi. Kamsangte in zu kham lua ahih manin Pasian’ muhsak mangmuhnate thei thei lo uh a, siampite in zong zu kham lua uh ahih manin a thukhen dingte uh khen thei lo uh hi.

Tedim Bible Revision 2017

⁷ Hih mite zong leenggahzu tawh hoi-in khamtheih zu tawh awn uh hi. Siampite le kamsangte nangawn zukhamin hoi uh hi. Kamsangte in zu kham lua uh ahih manin Pasianʼ muhsak maangmuhnate theithei lo uh a, siampite in zong zu kham lua uh ahih manin a thukhen dingte uh khen thei lo uh hi.

Isaiah 28:7 Referans Kwoze

Luka 21:34

“Note na kikeem ta un. Ahih kei leh, annek tuidawn hih nuntakna leh lungman’na hangin na lungsim uh a gim lai takin, tua Ni in thang kisai bangin note tungah a hong tung ding hi.

Mattiu 24:29

“Tua gimna ni khit ciangin thakhatin ni hong mial ding a; kha a hong taang nawn kei ding hi; aksite hong kia ding uh a, vanah a om vangliatnate a kiliing ding uh hi.

Isaiah 19:14

Topa in amaute lungsim kitukalhsak khin zo hi; zukhampa pen ama luak sung mahah a puk bangin Izipt gam mite’ hihna khempeuh khialin hoi mang khin hi.

Thuhilh-sia 10:17

A kumpipa in lungsim khentatna nei thei a, a makaite in annek tuidawn a hun thei a, amau ki-uk thei-in zu a kham lo makai a nei, gam khat peuhpeuh, a hampha gam ahi hi.

Paunak 20:1

Leenggahzu in kam tam sakin, khamtheih zu in kitawngsak a, zu khamna in haina ahi hi.

Micah 2:11

Zuau genin khemna tawh thu gen kawikawi a, “Note adingin leenggahzu leh kham theih zu tampi tak hong om ding hi,” a hong ci kamsangte pawl note’ deih kamsangte ahi hi.

Jeremiah 23:16

A vanglian Topa in, “Note kiangah thu hong hilh a, a hong lamen khialsak kamsangte’ thu gennate ngai kei un. Amaute in a lungsim sung uh-a a geltawm uh hong gen uh ahi a, keima kiang pana hong pai thu ahi kei hi.

Jeremiah 14:14

Tua ciangin Topa in, “Tua kamsangte in kei’ min suang-in zuauthu hong gen uh hi. Amaute ka sawl kei a, thu ka pia kei a, zong ka hopih kei hi. Note kianga hong gen uh thute a manlo mangmuhna, bangmah kimang lo aisanna leh amau leh amau’ lungsim kikhem tawmna thute ahi hi.

Isaiah 3:12

Keima mite ahih leh—khangnote in bawlsia uh a, numeite in zong uk uh hi. Ka mite aw, na makaite un note lam hong lak khial a, note’ lampi zuih pen hong siasak hi.

Late 107:27

amaute zukham bangin hoisuk hoito uh a, a cih nading mel uh thei nawn lo uh hi.

Efesa 5:28

Tua mah bangin pasalte in zong amau pumpi uh a it uh mah bangin a zite uh a it ding uh kilawm hi. A zi a it mi in ama pumpi a it mi ahi hi.

Ezekiel 44:21

Biakinntual sungnung ah a lut ma-un siampite in leenggahzu ne lo ding uh hi.

Ezekiel 13:7

Tua ahih manin amaute kiangah ka gen thu in: ‘Na maangmuhnate uh zuaupi hi a, na thugen kholhte uh thu zuau ahi hi. Note kiangah keimah in thu hong gen lo napi-in keima gen bangin na gen uh hi,’ ka ci hi,’ hong ci hi.

Kah la 2:4

Amah in galte bangin a thalpi tawh hong ngim a, i lungdamna teng leh i kisak theihpih teng a hong thah khit sak hi. I inn sung tekah a hehna meikuang i mu thei hi.

Jeremiah 23:13

Samaria kamsangte’ sungah, a muhthadah huai khat ka mu hi; Baal min suangin thu a hilh uh a, Israel ka mite lam a pialpih uh hi.

Isaiah 29:11

Hih mangmuhnate khempeuh pen note’ adingin ahih leh a kimatcip laibu sunga thu om tawh a kibang suak hi. Mite in lai a sim theipa khat tungah, “Hih lai sim dih in,” a cih ciangin amah in, “Kimatcip ahih manin ka sim thei kei hi,” ci hi.

Isaiah 24:2

Mi khempeuhte’ thuakna kibang kim ding hi. Siampite leh mi mawkmawkte, silate leh a tote, vanleite leh van zuakte, sum neite leh leibate, ahau azawng, a thuakna uh kibang ding hi.

Isaiah 22:13

ahih hangin note in lungdamna leh kipahna, bawngtalte leh tuute gawhna, sa nekna leh leenggahzu nekna na nei zawsop uh a, “Zing ciangin si ding i hih ciangin ne-in dawn ni” na ci uh hi.

Isaiah 5:22

Leenggahzu tampi a dawnte, kham theih zu nek a hatte,

Isaiah 5:11

Zingsang tungin tho-in, kham theih zu delhin, leenggah zu in amaute a satsak pialpual matengin nitakin a tut kho mite in gimna ngah ta hen!

Paunak 23:30

Zu ne-a a tut khote, zu a ne nete ahi hi.

Isaiah 24:20

Leitung pumpi zukham bangin hoi ding a, huihpi in a mut buk bangin awn ding hi. Ama mawhnate in nengcip gawp ding a, amah pukin thokik zo nawn ngei lo ding hi.

Isaiah 28:1

Efraim minam zukhamte’ kisaktheihna leihoih zangkuam i lutunga kisuang, a vulgawp paak ahi, a vanglian ama hoihna tawh zukham a, a pukte’ kisak theihna tua kumpi lukhu in gim ngah ta hen!

Isaiah 43:27

Na pu na pa masate khial a, na makaite uh zong kei tungah hong khial hi.

Hosea 7:5

I kumpipa in pawi a bawl ni-in amaute in uliante zu kham sakin haisak uh a, amau’ ngimna thei lopi-in kumpipa zong tua lakah hong kihel hi.

Habakkuk 2:15

Na hehna uh tawh na gam vengte uh niamkhiatin na mindaisak uh a, zukham bangin amaute hoisak na hih manun, gimna na ngah ding uh hi.

Habakkuk 2:16

Tua ahih manin note in zong minthan’na ngah loin, maizumin mindaina tawh na kidiah ding uh hi. Note mahmah in na hoi dongun na dawn ding uh hi. Topa in daanpiakna hai, note hong dawnsak ding a, na minthan’na uh mindaina suak ding hi.

Isaiah 5:23

mimawhte sumgolh tawh khah a, midikte a mawhsakte in gimna ngah ta hen!