Isaiah 27:9 - Tedim Bible

⁹ Amah in suang tawh kibawl biakna tau khempeuh suangkang satvui a bat sak ciangin Asherah milimte leh paknamtui taute a ding lai om nawn lo hi; hih thu hangin Jakob’ mawhna kimaisakin, a mawhna kilakkhiat sak hi.

Tedim Bible Revision 2017

⁹ Israel in suang tawh a kibawl biakna tau khempeuh suangkang satvui a batsak ciangin Asherah milimte le paknamtui taute a ding lai om nawn lo hi. Hih thu hangin Jakobʼ mawhna kimaisakin a mawhna kilak khiatsak hi.

Isaiah 27:9 Referans Kwoze

ROM (Romans) 11:27

Amaute mawhna ke’n ka lakkhiat khit ciangin, Amau tungah ka piak thuciamna in, tua thu ahi ding hi” a ci hi.

Isaiah 48:10

En un, meikhuk sungah ngun a kisian’sak bangin, gimna meikhuk sungah note kong ze-et hi. Ahi zongin note pen bangmah-a kimang lo na hihna uh hong kimu khia hi.

Daniel 11:35

Mi pawlkhat in thahna a thuak ding uh hi. Tua banga a pian’na thu in, beina a tun’ mateng sian’tho sakna leh mipha leh misia khentelna, Pasian’ sehsa hun a tun’na ahi hi.

Isaiah 17:8

amaute in ama’ khut tawh a bawlsa uh biakna taute don lo ding uh a, amau’ khutme tawh a bawlsa uh Asherah milimte hita leh paknamtui halna biakna taute hita leh suang ding uh hi.

Hebru 12:6

Bang hang hiam na cih uh leh, Pasian in a itte thu a hilh thei hi, a san’ a tate khempeuh a sat thei hi,” ci-in tate kiangah a cih bangin note hong kigen thuhilhna kam na mangngilh zo uh hi.

1 KORIN MASA 11:32

Thukhenna i thuak ciangin leitungmite tawh mawhsakna i thuakkhawm loh nadingin Topa’ hilhna a thuak i hi hi.

Zekhariah 13:2

Tua ni ciangin gam sung panin milim khempeuh ka phiatsiang ding a, kuamah in a milim min nangawn phawk kha nawn lo ding uh hi. Kamsang zuautheite zong phiatin, milim biak nopna lungsim ka beisak ding hi.

Hosea 14:8

Israel mite in milim bia kha nawn lo ding uh hi. Amaute’ thungetna pia-in amaute ka kem ding hi. Amaute, a hing tawntung singkung kep bangin ka kem ding a, amaute’ thupha ngah khempeuh keima kiang pan ahi hi.

Ezekiel 20:38

Note lak panin a lehdo thei mite leh kei tungah hong mawh mite ka la khia ding hi. Tu lai takin a om pakna uh gam panin ka la khia ding a, ahi zongin Israel gamah ka ciahsak kik kei ding hi. Tua ciangin Topa ka hihna thu na thei ding hi,” hong ci hi.

Ezekiel 11:18

Amaute hong ciahkik ciangin a nin nate khempeuh leh a muhdahhuai milimte khempeuh a nilkhia ding ahi uh hi.

Isaiah 1:29

Bang hang hiam cih leh tawsaw kungte na biakna hangun note na maizum ding uh a, biakna huan na bawlna hangun zahhuai-in na mai uh san ding hi.

Paunak 20:30

Nakpi tak-a satna in misia kimlai a pha hong suah a, nakpi tak-a vuakna in i sung tawng hoih lohna teng siangsak hi.

Late 119:71

Nangma ngeina kipte ka sin theih nadingin gimna ka thuak pen kei’ adingin hoih mahmah hi.

Late 119:67

Dan nong piak ma-in lam ka pial thei zel-a, ahih hangin tu-in na thu ka zui hi.

2 KHANG TANGTHU NIHNATE 36:19

Tua ciangin amaute in Pasian’ inn halin Jerusalem kulh nusia uh a, a kumpi inn khempeuh mei tawh halin a um-le-beel manpha khempeuh susia uh hi.

2 KHANG TANGTHU NIHNATE 34:4

Tua ciangin amah in Baalte’ biakna taute ama muhna ah supai sak hi; tua ciangin amah in tuate tungah a om paknamtui biakna taute phuk hi; tua ciangin amah in Asherah milimte, leh a kiseek leh a kisung milimte sukhamin gawivui a, tuate tungah biakna a pia mite’ han tungah theh hi.

2 KHANG TANGTHU NIHNATE 14:5

Amah in Judah khuapi khempeuh panin mual dawn a, biakpiakna munte leh paknamtui biaknataute zong la khia hi. Tua ciangin ama nuai-ah kumpi gam sung gal dai hi.

2 KUMPI NIHNATE 25:9

Amah in Topa’ inn, kumpipa’ inn leh Jerusalem khua sung inn khempeuh hal hi; inn lian khempeuh amah in haltum hi.

Paikhiatna 34:13

Nangmah in amau’ biakna taute phelin, amau’ khuamte kuaitanin, amau’ Asherah milimte na phukpai ding hi.

Siampi Laibu 26:30

Keimah in mual dawn-a na biaknate uh susia-in, na paknamtui biakna taute uh phukin, na milim’ siluang hawmte uh tungah na luanghawmte uh ka paii ding hi; keimah in note kong kih ding hi.

Thu-hilhkikna 12:3

amaute’ biakna taute phel khia-in, a khuampite deeng zanin, amaute’ Asherah milimte mei tawh na hal ding uh hi; a kiseek amau’ pasiante’ limte na phukpai ding uh a, tua mun panin amau’ min na maimangsak ding uh hi.

2 KUMPI NIHNATE 10:26

Baal inn sunga a om khuampi paikhiatpihin hal uh hi.

Ezekiel 6:4

Biakna taute kiphelkeek ding a, paknamtui taute kisatkham ding hi. Tua lai-a om mi khempeuh kithatin, a milimte uh mai-ah kipaithang gawp ding hi.

2 KUMPI NIHNATE 23:14

Tua ciangin amah in a khuampite satkhamin, Asherah milimte phuk a, mihing guh tawh a dim tua munte a vuk hi.

Isaiah 30:22

Tua ciangin note in ngun tawh a kizut na milimte uh leh kham a kiluan’ a kisung na milimte uh numei nindalna puan bang hi. Nin bangin tuate na thehthang ding uh a, tuate tungah, “Bei mang un!” na ci ding uh hi.

Isaiah 40:2

Dam takin Jerusalem hopih un. Ama gimna hun bei ta a, ama mawhna kimaisakin, ama khialhnate khempeuh hangin Topa in a zah nih in daantat khin zo hi, ci-in ama tungah gen un.

Micah 5:11

Na gam sung uh-a khuapite susia-in, na galpan’na munte uh ka phelkhia ding hi.