Isaiah 27:5 - Tedim Bible

⁵ Tua ahih kei leh keima hutna sungah amaute om hen la, amaute in kei tawh kilemna bawl-in, amaute kei tawh kilem ta uh hen.”

Tedim Bible Revision 2017

⁵ Tua ahih kei leh keima hutna sungah amaute hong om henla, amaute in kei tawh kilemna hong bawlin keimah tawh amaute hong kilem ta uh hen,” Topa in ci ding hi.

Isaiah 27:5 Referans Kwoze

Isaiah 25:4

Bang hang hiam cih leh nang pen mizawngte’ adingin mun muanhuai, a cimawh mi’ adingin a lungkhamna ah mun muanhuai, huihpi panin bukna leh nisa panin nilim na hi hi; bang hang hiam cih leh thukhual lo mite’ hihna pen huihpi in kulh a nawk tawh kibang a,

JOB (Job) 22:21

“Job aw, tu-in Pasian tawh kilem in la, amah galbawl nawn kei in; tua hi leh amah in nang thupha hong pia ding hi.

Hebru 6:18

Bang hang hiam na cih uh leh, Pasian in zuauthu a zang zo lo thu nih hangin eite mai-ah hong kikoih lametna len a, a beel dinga tai eite in hansuahna khauh i ngah nading ahi hi.

Isaiah 57:19

Nopsakna, nopsakna, a gamla leh a nai mi khempeuh tungah om ta hen; keimah in amaute ka damsak ding hi, Topa in ci hi.

Isaiah 56:2

Hih banga a gamta mite, hih thu a lenkip mihingte, sabbath tangin a siasak lote, siatna bawl nading panin a kikemte in thupha ngah mi ahi hi,” a ci hi.

Isaiah 45:24

“Topa’ hang bekin dikna leh thahatna kingah hi, hong kici ding hi; kei hong mudahte khempeuh mindai-in maizum ding uh hi.

Joshua 10:6

Tua ciangin Gibeon mite Gilgal-a giahphual-a Joshua kiangah kamtai sawl-in, “Na nasemte hong nusia kei in; manlang takin ko kiangah hong paito-in, kote hong hon in la, hong huh in; bang hang hiam cih leh mualtung gam-a teeng Amor kumpite khempeuh kote lang pangin kikhawm uh hi,” a ci uh hi.

Luka 19:42

“Nang in tu lai taka nopsakna tawh kipawl nate thei lecin nang ading a pha ding hi. Tu-in ahih leh, na mittang pan a kiseel hi.

Isaiah 64:7

Tua ahih ciangin nangmah hong pom dingin a hanciam tawm, nangma min a lo kuamah om lo hi; bang hang hiam cih leh kote kiang panin nang in na maitang na seel a, mawhna khut sungah kote nong pia hi.

Luka 14:32

A zawh kei ding leh, adang kumpipa gamla-ah a om lai takin upa sawl a, gal kilem nading thu a ngen ding hi.

Luka 13:34

“Pasian’ kamsangte that a, na kiangah hong kisawlte zong suang tawh a deeng Jerusalem, Jerusalem khuapi aw, akpi in a nongeekte a kha nuai-ah a khop bangin, na tate tamveipi ka khawm nuam zo a; nang na ut kei hi.

Isaiah 12:2

“En in, Pasian in keima kihotkhiatna ahi hi; amah ka muang ding a, ka lau kei ding hi; bang hang hiam cih leh Topa Pasian in thahatna leh vangliatna hong pia a, amah in keimah hong honkhiapa ahi hi,” a cih hun uh hong tung ding hi.

Isaiah 26:12

Topa aw, kote’ tungah daihna hong pia in. Kote’ matut zawhna khempeuh, nangma hong sepsakna hang ahi hi.

Isaiah 42:19

Ka nasempa bangin kua a mit taw a, keima sawl ka kamtaipa bangin kua a bil ngong ahi hiam? Keima thuciampihpa bangin kua a mit taw a, Topa’ nasempa bangin kua a mit taw ahi hiam?