Isaiah 27:3 - Tedim Bible

³ Keimah, Topa in tua lo hongpa ka hi a, a hun hunin tui ka buak hi. Khatpeuh in a suksiat loh nadingin sun leh zan-in ka hong a,

Tedim Bible Revision 2017

³ Keimah, Topa, tua lo a hong pa ka hi a, a hunhunin tui ka buak hi. Khatpeuh in a suksiat loh nadingin sun le zanin ka hong ding hi.

Isaiah 27:3 Referans Kwoze

Isaiah 58:11

Tua ciangin note lam kong lak tawntung ding a, ni tangin a kap leitangah na kisapnate uh kong lungkim sak ding hi. A cidam a thahatin kong om sak ding hi. Tui tampi a ngah tawntung huan, a kang ngei lo ciktui tawh na kibang ding uh hi.

1 SAMUEL MASA 2:9

“Amah in a thuman ama mite kalsuanna cing ding a, ahih hangin migilote khuamialna sungah kikhiasuk ding hi; bang hang hiam cih leh thatang hatna tawh mi gualzo lo ding hi.

Ezekiel 34:11

“Topa Pasian keimah in note kiangah kong genin ah: Keimahmah in ka tuute ka zong ding a, ka kem ding hi.

Ezekiel 37:14

Note sungah keima kha kong guan ding a, note hong hingsak kikin, na gam uhah kong teengsak kik ding hi. Tua ciangin Topa ka hihna thu nong thei ding uh hi. Hih bangin kong hih nading thu ka kiciam zo a, ka kiciam bangin kong hih ding hi. Topa ahi keimah in hih thu ka gen khin zo hi, ci-in gen in,” hong ci hi.

Ezekiel 34:24

Topa ahi keimah in amaute’ Pasian ka hi ding a, ka nasempa David in amaute a ukpa hi ding hi. Topa ahi keimah in hih thu ka gen khin hi.

Isaiah 60:16

Nupi khat in a ta nawi pia-in limtakin a kep bangin, ninamte leh kumpite in nang hong vakin hong kem ding uh hi. Tua ciangin kei pen Topa, nangmah Honpa, nangmah Tankhiapa, Jakob’ Vanglian Pa ka hihna na thei ding hi.

Isaiah 46:9

Hun lui nate phawk un; bang hang hiam cih leh keimah in Pasian ka hi a, a dang om lo hi; keimah in Pasian ka hi a, kei tawh a kibang a dang om lo hi.

Isaiah 46:4

na tek dongun keimah in Amah ka hi a, na sam uh a kan hun dongin note kong kem ding hi. Ka bawl khin a, ka don ding hi; keimah in hong tawi-in kong honkhia ding hi.

Isaiah 5:6

Lo khul-in ka bawl ding hi; kipuah loin, kikho lo ding a, lingkung leh lingte khang ding hi; ama tungah meiite in zong guah a zuksak loh nadingin thu ka pia ding hi.

Late 46:11

Mi honte’ Topa in ei tawh omkhawm a, Jakob' Pasian in eima belh ahi hi.

Late 46:5

Ama laizangah Pasian om a, amah a kiliing kei ding hi; Pasian in phalvak tungin amah huh ding hi.

Piancilna 6:17

Bang hang hiam cih leh, en in, vantung nuai-a om nuntak husan’na a nei khempeuh susia dingin leitungah tuiciin ka tungsak ding hi; leitunga om khempeuh si ding hi.

Ezekiel 37:28

Amaute lakah a om tawntung dingin ka biakinnpi ka koih ciangin, Topa ahi keimah in keima mi dingin Israel mite ka bawl khitna thu, minam dangte khempeuh in thei ding uh hi,” hong ci hi.

Piancilna 9:9

“En un, note leh note’ khit-a na suan-le-khakte uh leh,

Isaiah 31:5

A kot lamlam vasate bangin Vanglianpen Topa in Jerusalem dal ding hi; amah in dalin khahkhia ding a, amah in khengsuakin, suakta sak ding hi.

Isaiah 42:6

“Keimah in Topa ka hi a, thumanna tawh nangmah hong samin, ka khut tawh nang hong lenin kong kem hi; mittawte a vaksak ding, leinuai thong sung panin thongkiate a lakhia ding, thong sung a mialna mun a, a tu mite a lakhia dingin, mite tungah thuciamna ahi ding, Gentailte tungah khuavak ahi dingin nang kong koih khin hi.

Isaiah 49:8

Topa in ama mite kiangah, “Note hotkhiat ding hun a tun ciangin maipha kong pia ding a, huhna nong ngetna uh kong pia ding hi. Note hong kemin kong hu ding a, note tung tawnin mi khempeuh tawh thuciamna ka bawl ding hi. A kinusia na gam puahpha in a sung uhah, note a luah dingin kong teengsak kik ding hi.

1 KUMPI MASATE 8:59

Topa mai-ah ka thuumna ka kammalte sun leh zanin Topa i Pasian nai-ah om hen la, ni simin a kisam bangin a nasempa’ vai leh ama mi Israel’ vai hong huh hen;

Isaiah 44:3

Bang hang hiam cih leh a dangtak leitang tungah tui ka sung ding a, leikeu tungah lui tui ka luangsak ding hi; na suan leh khakte tungah ka Kha ka pia ding a, na tu na tate tungah ka thupha ka pia ding hi.