Isaiah 27:12 - Tedim Bible

¹² Israel mite aw, tua ni ciangin Eufrates gunpi panin Izipt Luipi dongin Topa in tuancil ding a, note khat khatin hong kikaikhawm ding hi.

Tedim Bible Revision 2017

¹² Israel mite aw, tua ni ciangin Eufratis gunpi panin Egypt luipi dongin Topa in thu hong khen dinga, note khatkhatin hong kikaikhawm ding hi.

Isaiah 27:12 Referans Kwoze

Piancilna 15:18

Tua ni-in Topa in Abram tawh thuciamna khat bawl a, “Na suan-le-khakte tungah hih leitang, Izipt gun panin a lian gunpi ahi Eufrates gun ciang dong,

Isaiah 56:8

Israel a kikhenthangte a kaikhawm Topa Pasian in, a kikaikhawmsa mite banah midangte ama kiangah ka kaikhawm lai ding hi, ci hi,” a ci hi.

Nehemiah 1:9

ahi zongin kei kiangah hong ciahkikin ka thupiaknate zui-in na sep uh leh leimong dongah a kithehthangsa na mite uh kaikhawmin keima min om nadingin ka telnasa munah amaute ka ciahpih ding hi,’ ci-a na thugen hong phawkkik in.

Johan 10:16

Hih tuukhumna sunga om lo tuute zong ka nei lai hi. Tua tuute zong ka hong paipih lai ding hi. Amaute in ka aw a ngai ding uh a, amaute hon’ khat suakin tuucing khat a om ding hi.

Johan 6:37

Pa in kei hong piakte khempeuh kei kiangah hong pai ding uh hi. Ka kiangah hong pai mite ka hawlkhia ngei kei ding hi.

Luka 15:4

“Mi khat in tuu zakhat nei a, tuu khat a man’sak leh, tuu sawmkua leh kua gam lakah nusia-in a mang tuu khat a muh matengin a zong lo ding note lakah kua ahi hiam?

Amos 9:9

Keimah in thu ka pia ding a, anhaihna ciang tawh an a kihaih mah bangin keimah in Israel mite ka lok niloh ding hi. A hoih lo teng a kipaihkhiat theih nadingin minam dangte lakah ka haih ding hi.

Jeremiah 3:14

Hong kilehkik un, a zulhzau ka tate aw, Topa in kong ci hi; bang hang hiam na cih uh leh keimah in note’ Topa ka hi a, khuapi khat panin mi khat ta leh beh khat sung panin nih ta hong la-in, Zion khua-ah kong puak ding hi.

Isaiah 17:6

Oliv kung a kisin’ ciangin a hiang sang pen dawnah pumnih pumthum, singkung hiang dawnah pumli pumnga a om lai tawh kibang ding hi, Israelte’ Topa Pasian in ci hi.

Late 72:8

Ama ukna in tuipi khat pan tuipi khat, Gunpi panin leimong dongin om ta hen!

Late 68:22

Topa in, “Note in sisan sungah na khe uh sil-in, na uite un, galte si a liak theih nadingin Bashan mual panin galte lakhia kikin, tuipi thuk sung panin ka kaikhia kik ding hi,” a ci hi.

Isaiah 49:5

Ama kiangah Jakob paipih kik a, ama kiangah Israelte a kikaihkhop theih nadingin, Topa’ mai-ah kei hong kipahtawi a, Pasian pen keima thahatna suak-in, ama nasem dingin ka nu gilsung panin keimah hong piangsak Topa in tu-in thu hong gen a—

Jeremiah 44:28

Namsau tawh thahna a thuak kha lo, mi tawmkhate in Izipt gam panin Judah gama teeng dingin a pai a nungta lai sunte in kei’ kammal leh amau’ kammal koi zaw, a manin tung cih a thei ding uh hi.

Ezekiel 20:34

Gam khempeuh-a note kong thehthangna panin kong kaihkhop kik ciangin note tungah ka vangliatna leh ka hehna kong lak ding hi.

Ezekiel 20:41

Na kithehthangna uh gam tuamtuam panin note kong kaihkhop khit ciangin a namtui na biak piaknate uh kong sang ding hi. Note in kei nong biak manun minam dangte in a siangtho ka hihna hong thei ding uh hi.

Ezekiel 39:25

Topa Pasian in kei kiangah, “Tu-in Jakob suan leh khakte saltan’na panin ka pikhia kik ding a, Israelte khempeuh ka hehpih ding a, amaute a cithei-in ka bawl kik ding hi. Keima min siangtho ka hu ta ding hi.

Ezekiel 47:19

“Leitaw lam gamgi pen, Tamar khuapi panin hong kipanin Meribathkadesh bual hong nawk a, tua panin sak nitumna lam manawhin Izipt gamgi zui toin Mediterranean Tuipi sun ding hi.

Zekhariah 8:7

Nisuahna leh nitumna gamte panin ka mite ka honkhia ding a,

Joshua 15:4

Azmon ciang dong pai-in Izipt lui-ah suakkhia a, tuipi-ah a mong bei hi. Hih in amau’ leitaw lam gamgi hi ding hi.

1 KUMPI MASATE 8:65

Tua ahih ciangin tua hunin Solomon leh amah tawh a om Israel khempeuh in Topa i Pasian mai-ah ni sagih sung, Hamath lutna panin Izipt Lui dong kikhopna lianpi khat bawlin pawi khat kham uh hi.