Isaiah 26:8 - Tedim Bible

⁸ Topa aw, nangma thukham deihna kong zui uh a, nang kong ngak uh hi; nangmah in kote’ deih kicin’na na hi hi.

Tedim Bible Revision 2017

⁸ Topa aw, nangma deihna kong zui uh a, nang kong ngak uh hi. Nang pen koteʼ deih kicinna na hi hi.

Isaiah 26:8 Referans Kwoze

Isaiah 33:2

Topa aw, kote hong hehpih in; nang kong muang uh hi. Zing simin kote hatna hong hi in la, lungkham hunin hong honkhia in.

Late 65:6

nangma thahatna tawh mualte a bawl, vangliatna tawh a kidim,

Paikhiatna 3:15

Pasian in zong Moses' kiangah, “'Hih thu Israel mihingte' tungah gen in, "Topa, na pate’ Pasian, Abraham’ Pasian, Isaak’ Pasian, leh Jokob’ Pasian in note' kiangah kei hong sawl hi," ci in: hih in keima' min hi tawntung a, tua ahih manin keimah in khang tawntunga phawk ding ka hi hi.

2 THESALONIKA NIHNA 3:5

Pasian it nading ahi zongin, Khazih bangin thuak zawh nading ahi zongin Topa in note lungsim hong hilh ta hen.

ROM (Romans) 8:25

I muh loh nate i lamet leh, tuate lungnemna tawh ngakin i om hi.

Sawltak 1:4

Tua sawltakte tawh a omkhawm lai takin, Jerusalem khuapi panin paikhia loin, “Keimah kiangah na zaksa uh Pa’ kamciamna letsong na ngak un.

Isaiah 56:1

Topa in hih bangin ci hi: “Sawt loin note hong honkhia ding a, ka dikna hong lakkhia ding ka hih manin thutang un la, thumanin gamta un.

Isaiah 25:9

Tua ni ciangin, “En un, amah in eima Pasian hi; eite hong hon dingin amah i muang hi. Amah in eima Topa hi; amah i ngak hi; amah in eite hong gumkhia ahih manin lungdamin kipak ni,” kici ding hi.

Isaiah 12:4

Ni khat ni ciangin mite in, “Topa’ tungah lungdamna ko un la, a min lo-in, ama hong huh ding ngen un; minamte khempeuh lakah ama septe kitheisak un la, ama min kiliansak hi, ci-in gen un.

Solomon la 5:8

Kong thuum hi, Jerusalem nungakte aw, ka ngaihno na muh uh leh, lungzuangin ka sih dekna, na gensak un. Nungak in a Lawmpa Phat Nungak dangte:

Late 106:3

Thutang a zui, a tawntunga thuman-a gamta mite in mi nuamsa ahi hi!

Late 84:2

Ke’n ka lunggulh mahmah hi, hi taktak hi, Topa’ huang sung ka lunggulh mahmah a, ka lungsim leh ka pumpi in a nungta Pasian tungah lungdamin la a sa hi.

Late 73:25

Nang sim loh vantungah kua nei ka hi hiam? Nang sim loh ka deih ding leitungah kuamah om lo hi.

Late 18:23

Ama mai-ah kawkbang loin, kisuan’ nadingte panin ka kikem hi.

2 SAMUEL NIHNA 23:5

Hi hi, ka innkuan zong Pasian tawh tua bangmah hilo ahi hiam? Bang hang hiam cih leh amah in tawntung thuciamna kei tawh hong bawl a, na khempeuh a hoih a kipin hih hi. Bang hang hiam cih leh keimah hong huhin, ka deihna khempeuh tangtungsak ding hilo ahi hiam?

Gamlak-vakna 36:13

Hihte in Jerikho nai Jordan kiang Moab leizangah Israel mite tungah Moses tung tawnin Topa in a piak thupiaknate leh ngeina kipte ahi hi.

Luka 1:6

Tua tegel in Pasian’ thukham khempeuh leh Pasian’ ngeina khempeuh zui uh a, mawhsak na’ng om loin Pasian mai-ah mipha ahi uh hi.

Malakhi 4:4

“Israel mite khempeuh in a zuih dingin Horeb Mual panin ka nasem Moses tungah ka piak ahi, Moses’ thukhamte, ngeinate, leh biakna ngeina kipte khempeuh lim takin phawk un.

Micah 7:7

Ahi zongin kei ka hih leh Topa ka en ding a, kei hong suaktasak Pasian ka ngak ding hi. Ka Pasian in ka thu hong ngai ding hi.

Isaiah 30:18

Tua ahih ciangin note hehpih nuamin Topa in hong ngak hi; note tungah hehpihna hong lah ding amah kipakta hi. Bang hang hiam cih leh Topa pen a thutang Pasian ahi hi; amah a muangte khempeuh thupha ngah ahi hi.

Late 130:5

Topa’ hong huh ding lawpna tawh ka ngak a, ama thugen ka muang hi.

Isaiah 24:15

Nisuahna lama, om mite in Topa phat ding uh hi. Tuipi dunga a teeng mite in Topa, Israelte’ Pasian’ min phat ding uh hi.

Isaiah 25:1

Topa aw, nang in keima Pasian na hi hi; nangmah kong liansak ding a, nangma min ka phat ding hi; bang hang hiam cih leh nang in a lamdang nate na semkhin a, tanglai pek a, na geelnate a kip a thumaan takpi ahi hi.

Isaiah 26:13

Topa kote’ Pasian aw, nang ahi lo to dangte in ko tungah hong uk hangin, nangmah min bek mah kote in ka zahtak uh hi.

Isaiah 49:23

Kumpite pen nang hong kem pate hi ding a, kumpinute pen nang hong khoi na nute hi ding hi. Amaute in a maitang uh lei lak ngatin nang kiangah hong kun ding uh a, na khe-a leivuite liak ding uh hi. Tua ciangin keimah in Topa ka hihna na thei ding hi; kei sungah a lamente maizum lo ding hi,” a ci hi.

Isaiah 51:4

“Ka mite aw, ka thugen hong ngai un. Minamte tungah thukham ka hilh a, keima thutan’na in amaute tungah khuavak tun ding hi.

Micah 4:5

Bang hang hiam cih leh mi khempeuh in, amau’ pasian ciat bia-in a thu mang ding uh a, ahi zongin eite in i hih leh i Topa Pasian a tawntungin bia-in a thu i mang ding hi.

Late 42:2

A nungta Pasian kong deih hi. Cik ciangin keimah hong pai-in Pasian’ maitang en ding ka hi hiam?