Isaiah 26:6 - Tedim Bible

⁶ A zawng, a cimawh, a kinengniam mite in tu-in tua khua tuancil uh hi.”

Tedim Bible Revision 2017

⁶ A zawng a cimawh a kinengniam mite in tu-in tua khua tuancil uh hi.

Isaiah 26:6 Referans Kwoze

ROM (Romans) 16:20

Nopna hong pia Pasian in a sawt loin note khe nuai uh ah Satan a bawlsia ding hi. Eite Topa Zeisu Khazih’ hehpihna thupha in note tungah om ta hen.

Luka 10:19

En un, note in gul gilote leh aikamte na sikgawp nading uh leh na galte’ vangliatna khempeuh na zawh nadingun thu ke’n kong pia hi.

Joshua 10:24

Amaute in Joshua kiangah tua kumpi ngate a pai khiatpih uh ciangin, Joshua in Israel mi khempeuh samin, amah tawh a kuan khawm galkap mangte kiangah, “A nai-ah hong pai un la, hih kumpite ngawngah na khe uh nga un,” a ci hi. Tua ciangin amaute a nai-ah hong pai-in, a khe uh amaute ngawng tungah nga uh hi.

Mangmuhna 2:26

Zo-in, keima deihnate a tawp dongin a zui mi, mipawlte tungah ukna aana ka pia ding a,

Jeim 2:5

Ka it ka u ka naute aw, ngai un. Leitung mite mai-ah mizawngte in upna tawh a dim nading ahi zongin, Pasian in a it mite a thuciamna gam a luah nading ahi zongin, tua mite a teel hilo ahi hiam?

1 KORIN MASA 1:26

Ute naute aw, note hong sapna thu na ngaihsun un. A hong sap mite lakah leitung pilna a nei mi tampi a om kei uh hi; minthan’na a nei tampi a om kei uh hi; a nam liante tampi a om kei uh hi.

Malakhi 4:3

Keimah in na kong sep ni ciangin, migilote nuaisiahin, leivui bangin na tuancil ding uh hi,” ci hi.

Zefaniah 3:11

Tua hun ciangin, ka mite in kei nong lehdona hangun, maizumna ding bangmah om nawn lo ding hi. Note’ lak panin a kiphasak a kihisak mite ka hawlkhia ding a, Jerusalem khua a, ka mual siangtho tungah kei nong lehdo nawn kei ding uh hi.

Daniel 7:27

Hih leitung kumpigam leh, vangliatna leh liatna khempeuh Sangpen Pasian mite tungah a kipia ding hi. Amau’ kumpi za in cikmah hunin bei ngeilo ding a, leitung ukna za a nei khempeuhte in a thu uh mangin amau’ na a sem ding uh hi.

Jeremiah 50:45

Tua ahih manin Babilon khuapi’ thuak nading leh Khaldea gam’ gim nading a, Topa’ geelna leh ngimnate ngai dih un, A tangeekte nangawn uh kikaikhia takpi ding a, mi khempeuh a lau taktak ding uh hi.

Isaiah 60:14

Nangmah hong nengniamte’ tate nangma mai-ah kunsa-in hong pai ding uh a, nangmah hong simmawh mi khempeuh na khe mai-ah hong bok ding uh hi; amaute in nang pen Topa’ Khuapi, Israelte’ Siangtho Pa’ Zion, hong ci ding uh hi.

Isaiah 37:25

Tuikhuk to-in, tui ka dawn a, Izipt lui tuite khempeuh ka galkapte’ khe nuai tawh ka keusak hi, na ci hi.

Isaiah 25:10

Bang hang hiam cih leh Topa in hih Zion Mual hu ding a, ahi zongin Moab mite ahih leh ninkholna dum sungah buhkungte a kisikcip bangin kisikcip gawp ding hi.

Isaiah 3:15

Ka mite sucip-in, mi zawngte na gawina uh, bang na cih nopna uh ahi hiam? Vanglianpen Topa Pasian in ci hi.

Mangmuhna 3:9

En in, ‘Judah mipawl khat ka hi uh,’ a ci zuau thu a gen mipawl ahi, Satan pawlte ahi mite kong pia a, amau in nang khe kiangah bia-in, nang kong it, ci-in amaute ka theisak ding hi.

Isaiah 3:14

Topa in, upate leh ama mite’ uliante tawh thukhen dingin kipan a; “Leenggui lo a ne tumte pen note na hi uh a, mizawngte’ na a kisutte note’ inn sungah om hi.

Isaiah 11:4

a kitangsam mite thumanna tawh thukhensak ding a,, mizawngte’ thu a tangin khensak ding hi; ama kam pan a, molhtum tawh leitung mite daan kitat ding a, a muk pan a, a husan’na tawh mi gilote si ding uh hi.

Isaiah 28:3

Efraim zukhamte’ kisaktheihpih ahi tua kumpi lukhu kituancil ding hi. Leihoih zangkuam’ lutung a, a kisuang a vulgawp paak ahi a vanglian ama hoihna in anlak hun ma-a a min theithekgah tawh kibangin, mi khatpeuh in a muhphetin lo in, a khut sungah tawi-in, a valh bangin maimang ding hi.

Isaiah 29:19

Lungniamkhiat mite in Topa sungah lungdamna thak ngah ding uh a, Israelte’ Siangtho Pa’ sungah mizawngte lungdam ding uh hi.

2 KUMPI NIHNATE 9:33

Jehu in, “Amah hong lawnsuk un,” a ci hi. Tua ahih ciangin amaute in Jezebel lawnsuk uh hi; a sisan pawlkhat kulh tung leh sakolte tungah kitheh a, tua ciangin amaute in amah tuancil uh hi.