Isaiah 26:5 - Tedim Bible

⁵ Bang hang hiam cih leh amah in a kiphasak mite niamkhiat hi. Amau’ teen’na khuapi muanhuai suksiat sak a, a kulhpite den’ khapsakin leivui suah hi.

Tedim Bible Revision 2017

⁵ Bang hang hiam cih leh amah in a kiphasak mite niamkhiat suk hi. Amauʼ teenna khuapi muanhuai suksiatsak a, a kulhpite den khap sakin leivui a suah hi.

Isaiah 26:5 Referans Kwoze

Mangmuhna 18:2

Amah in, “Babilon khuapi a cim hi, a cim hi! Dawigilote’ omna, kihhuai kha khempeuh kikhumna, kihhuai leh gilo vasate kikhumna a suak zo hi.

Jeremiah 51:37

Tua ciangin Babilon khuapi pen innsia losia suak ding a, se-alte’ teen’na mun suakin, a lipkhaphuai, simmawhna tawh a kiphitsan, kuama’ teen’ lohna mun a suak ding hi.

Jeremiah 51:64

‘Babilon khuapi’ gitlohna hangin a tungah gimna ka tung sak ding a, tu-a bangin Babilon khuapi zong tum sukin a hong dawkto kik nawn kei ding hi,’ ci-in gen in” a ci hi. Jeremiah’ thugenna tu-a ciang ahi hi.

Isaiah 13:11

Leitung mite a tatsiatna hangin, migilote a mawhna hangin daan ka pia ding hi; mi kihisakte’ kiphatsakna bei sakin, a kisatheite’ kiliatsakna ka niamkhiat ding hi.

Isaiah 47:1

Nungak a bang Babilon aw, hong paisuk in la, leivui lakah tu in; nungak a bang Khaldea aw, tokhom om lohna lei lakah hong tusuk in! Bang hang hiam cih leh nang pen, a moi milmel, a ngeek dikdek, hong kici nawn lo ding hi.

Isaiah 32:19

(Tua ciangin gial in tulak kolh siangsak ding a, a khuapi pen cimzan ding hi.)

Isaiah 14:13

Nang in na lungsim sungah, ‘Van tungah ka kahto ding hi; a sangna mun, Pasian’ aksite’ tung pekah ka kumpi tokhom ka koih ding a, leilu lam pek a, kikhopna mual tungah a sang pen mual siangtho tungah ka tu ding hi;

Isaiah 2:12

Bang hang hiam cih leh Vanglianpen Topa in a sehsa ni nei hi, a kiphasak leh a kiliansak khempeuh, a kisangsak leh a sangte khempeuh niamkhiat suk ding hi;

Late 79:8

Ka pu ka pate uh mawhna hangin kote hong lang ngaihsut kei in la, kote hong kiniam koih mahmah ahih manin, kote hong dawntuah dingin na hehpihna hong paisak mengmeng in.

Isaiah 25:2

Bang hang hiam cih leh nang in khuapi pen ninbulomtang na suah a, a muanhuai khuapi a sia na suaksak hi; mi kiphasakte’ mun muanhuai pen khua hi nawn lo a, cik mah hunin kilam nawn lo ding hi.

Kah la 2:2

Topa in Judah gama khuate khempeuh hehpih loin a susia hi. Amah in a galdalna kulhpite khempeuh balzan gawpin a gam leh a gam ukte a maizumsak hi.

Ezekiel 26:11

Sakol galkapte in kongzing khempeuh tuancil gawp ding uh a, namsau tawh mi khempeuh vatlum ding uh hi. Innkhuam lianpipite leilak kiden’ nading hi.

Isaiah 24:10

Khuapi hawm suak pen kisiacip suk a, kuamah a tum theih loh nadingin inn khempeuh kikhakcip hi.

Ezekiel 28:17

Na mel hoihna na kisaktheihpih kha a, na minthan’na in hong hai tatsak hi. Leilak ka hong den’na a, kumpi dangte hilhkholhna-in nang ka hong koih hi.