Isaiah 26:21 - Tedim Bible

²¹ Bang hang hiam cih leh en un, amau’ mawhna hangin leitung a, teeng mite daan pia dingin ama omna panin Topa hong paikhia a, leitung in ama tunga a luang sisante laakkhia ding a, a kithat ama mite sincip nawn lo ding hi.

Tedim Bible Revision 2017

²¹ Bang hang hiam cih leh en un, amauʼ mawhna hangin leitungah a teeng mite gim a pia dingin ama omna panin Topa hong paikhia a, leitung in ama tunga a kithat mite lak khia dinga, a kithat ama mite sincip nawn lo ding hi.

Isaiah 26:21 Referans Kwoze

Isaiah 18:4

Bang hang hiam cih leh Topa in kei tungah, “Nitaang sunga nisa silsel, anlak nisa sunga meiizun bangin, ka omna panin daitakin ka en ding hi” hong ci hi.

Isaiah 13:11

Leitung mite a tatsiatna hangin, migilote a mawhna hangin daan ka pia ding hi; mi kihisakte’ kiphatsakna bei sakin, a kisatheite’ kiliatsakna ka niamkhiat ding hi.

JOB (Job) 16:18

“Leitung aw, a man lo-a kei hong kibawlna seelcip kei in! Thuman deih-a ka kikona aw daicip sak kei in.

Mangmuhna 16:6

Bang hang hiam na cih leh, amaute in misiangthote’ sisan leh kamsangte’ sisan a bua uh a, amaute sisan na dawnsak zo hi. Amaute zong a dawn dingun kilawm hi,” a cihna ka za hi.

Luka 11:50

Tua ahih ciangin Abel’ si akipan biakna tau leh biakna innpi kikal a, kithat Zekhariah’ si dongin, leitung pian’ akipan a kibuasa Pasian’ kamsangte khempeuh’ si in hih khang mite tungah a kingen ding hi.

Luka 11:40

No mi pilote aw, a pualam a bawlpa in a sunglam zong bawl hilo ahi hiam?

Ezekiel 8:6

Tua ciangin amah in, “Ezekiel aw, amaute’ gamtatnate na mu hiam? Israel mite in a bawl uh a muhdahhuai gamtatnate, ka mun siangtho panin a gamla semsem-ah kei hong nawhkhiatnate en in . Hihte sangin a mindaihuai zaw nangawn na mu lai ding hi,” hong ci hi.

Mangmuhna 18:24

Kamsangte leh misiangthote’ sisan leh leitungah thahna a thuak mi khempeuh’ sisan tua khua-ah kimu zo hi,” a ci hi.

JOB (Job) 20:27

Vantungte in hih mipa’ mawhna pholak a, leitung in ama langah teci pang hi.

Isaiah 10:3

Dan piak ni hun, gamlapi panin siatna hong pai ciangin note in bang cih ding na hi uh hiam! Huhna ngenin kua kiangah tai ding a, na neihsa uh koi-ah koih ding na hi uh hiam?

Isaiah 22:14

Vanglianpen Topa in kazakna ah thu hong gen a, “Na sih matengun hih mawhna hong kimaisak lo taktak ding hi,” Vanglianpen Topa Pasian in hong ci hi.

Isaiah 29:6

Vanglianpen Topa in vanging, zinliing, a ging lianpi, pingpei leh huihpi, leh a kangtum thei meikuang tawh hong pai ding hi.

Isaiah 65:6

En un, amaute daan piak ding ka khentat khin a, amaute’ thuak dingte lai sungah kiciamteh khin hi. Amau’ mawhnate mawk koih in, ka dai om kei ding a, a bit-in ka thukkik ding hi. Amau’ mawhna leh a pu a pate’ mawhnate a phei tungah ka thukkik ding hi; amaute in mual liante tungah paknamtui hal-in mual neute tungah kei hong simmawh uh ahih ciangin amau’ gamtatna tawh kizui-in a bit-in ka thuk ding hi, ci hi.

Isaiah 66:6

Ngai un, khuapi sunga gamlumna! Biakinn sunga aw ging! Topa in a galte a daanpia a, a thukkikna huging ahi hi.