Isaiah 26:2 - Tedim Bible

² Upna ah a kip thuman minamte a lut theih nadingin kulh kongpite hong ta un.

Tedim Bible Revision 2017

² Upna ah a kip thuman minamte a lut theih nadingin kulh kongpite hong ta un.

Isaiah 26:2 Referans Kwoze

Mangmuhna 5:9

“Nangmah in laibu la-in, ciamtehnate hong dingin na kilawm hi. Bang hang hiam na cih leh, thahna na thuak khit ciangin mi nam khempeuh, kam khempeuh, pawl khempeuh, gam khempeuhte sung panin, Pasian ading na sisan tawh lei-in,

Late 118:20

Hih in Topa’ kongpi ahi hi; thuman mi bek hih kongpi-ah lut ding hi.

1 PETER MASA 2:9

Note na hih uh leh, khuamial sung pan a lamdang khuavak sungah a hong sampa’ vanglian hehpihna na lahkhiat nadingun, a hong teel mi pawl, man’na nuam a nei siampi pawl, mi siangtho pawl, Pasian in a uk, a neih mi pawlte na hi uh hi.

Isaiah 60:11

Kigual diudeu-a paina ah a kumpite un hong makai-in, mite in minamte’ hauhna nang kiangah hong paipih theih nadingin na kulh kongpite kihong tawntung ding hi; a sun a zanin kikhak lo ding hi.

Isaiah 62:10

Jerusalem mite aw, kulh kongpite panin paikhia un la, hong ciahkik na mipihte’ adingin lampi bawlkhol un; zik un, lam lianpi zik-in, suangtumte paikhia un la, mite’ muh dingin lim khat khaito un.

Isaiah 62:2

Minamte in nangma gualzawhna mu ding uh a, kumpi khempeuh in nangma minthan’na mu ding uh hi; Topa in nang hong phuah min thak tawh nang hong kisam ding hi.

Sawltak 2:47

Mi khempeuh mai-ah maipha a ngah uh hi. Gupna a ngah mite zong ni simin Pasian in a kibehlapsak hi.

Isaiah 60:21

Na mihingte khempeuh thuman ding hi; keima min a than’ nadingin keima suansa kung, ka khut tawh ka sepsa ahi gam pen amaute in nei pai suak ding uh hi.

Isaiah 54:14

Thumanna tawh nang hong kikipsak ding hi; nenniamna tawh na kigamla ding a, nang na lau kei ding hi; kihtakna tawh na kigamla ding a, nang nai-ah hong pai lo ding hi.

Paikhiatna 19:6

Note in keima' siampi nasep a sem minam, leh minam siangtho na hi ding uh hi. Israel mite' tungah na gen ding in hih thute ahi hi,” a ci hi.

Mangmuhna 21:24

Mipawl pawl khempeuh in tua khuavak tawh lam pai-in leitung kumpite in tua khuapi sungah amaute vangliatna pua-in a tung uh hi.

Zekhariah 8:20

Vanglianpen Topa in hih bangin ci hi: “Minam liante leh khuapi liante panin Jerusalem ah mi hong pai hun hong tung ding hi.

Isaiah 58:8

Tua ciangin ka maipha pen phalvak tung bangin note tungah hong taang khia ding a, manlang takin na liamnate uh hong dam ding hi. Note dikna na mai uh ah om ding a, note hong honin, na nung uh kong dal ding hi.

Juda 1:3

Ka itte aw, eite in i ngah khawm gupna thu tawh kizomin note kiangah ka hong gelh thu hahkat a, ka bawl lai takin, misiangthote kiangah khatvei bek a piaksa upna thu ading, lungsim khauhin na do nadingun hansuahin ka hong gelh hi.

2 PETER NIHNA 3:13

Ama thuciamna bangin dikna a om van thak leh lei thak eite in i lamen hi.

Late 24:7

Minthang Kumpipa hong tum theih nadingin, khua kongpite aw, na lute uh sangsak un! Taanglai kong khakte aw, kilaamto un!

Late 118:19

Topa tungah lungdamna ko-in ka lut theih nadingin thumanna kongpite kei hong hon in.

Isaiah 45:25

Israel suan leh khakte khempeuh in Topa’ hangin midik tangin a kisial ding uh hi.”

Isaiah 54:17

nangmah do nading a, a kibawl hiam peuhmah mavang lo ding a, thukhenna sungah nangma langa a pang mi khempeuh na nial gawp zo ding hi. Hih in, Topa’ nasemte’ gamluah leh keima kiang pan-in amaute’ dikna a kilahna ahi hi, Topa in ci hi.”

Isaiah 60:18

Na gam sungah ngongtatna kiza nawn lo ding a, na gam sungah siatmai-na leh suksiatna om nawn lo ding hi; nangmah in na kulhte pen Hotkhiatna, na kulh kongpite pen Phatna, na ci ding hi.

Isaiah 61:3

amaute pen a thuman mite kici-in, amah a kiminthan’sak theih nadingin Topa’ suan kungte a kicih theih nadingin, Zion ah a om a dah mite tungah vut tawh kibuak a, lukhu khuk tangin a hoih kumpi lukhu khuksak nading, tauna tangin lungdamna sathau nilhsak theih nading, a lunggimna tangin Pasian phatna puan a silh theih nadingun amah in kei hong sawl zo hi.

Isaiah 62:1

Zion a kihotkhiatna thu meilah kuang bangin a taan’ khiat mateng, ama dikna thu zing khuavak bangin a taan’ khiat matengin, Zion ka ngaihsutna-in gamdai-in ka om mawk kei ding a, Jerusalem ka ngaihsutna-in ka khawl mawk kei ding hi.