Isaiah 26:18 - Tedim Bible

¹⁸ kote in numei naupaii-in nausuak ding a, kithawi bang ka hi uh a, huih bek a hingkhia tawh ka kibang uh hi. Kote in leitung mite ading bangmah ka suakkhia sak kei uh a, leitunga teeng ding kuamah ka hingkhia kei uh hi.

Tedim Bible Revision 2017

¹⁸ Kote in naupaii-in ka kiheekheek uh a, huih bek a hing khia tawh ka kibang uh hi. Kote in ka gam uh ading bangmah ka suakkhiasak kei uh a, leitungah a teeng ding mi kuamah ka hing khia kei uh hi.

Isaiah 26:18 Referans Kwoze

Hosea 13:13

Israel mite, naungeek bangin a suah khiat hun tung khin napi-in, a hai luat manin suak khia loin a nu sung mahah omom lai hi.

Isaiah 59:4

Kuamah in thutang tawh thu na nei kei uh a, thuman tak tawh kuamah thukhen zumah na pai kei uh hi; note in bangmah lopi suan’in nei-in zuau thu na gen uh a, siat nading thu ngaihsunin, gitlohna na piangsak uh hi.

Isaiah 37:3

Amaute in ama kiangah, “Hezekiah in, ‘Tu ni pen lungkham ni, tai ngah ni, mindai ni ahi hi; naungeek a suah hun tung napi-in a hingkhia zo lo nupi tawh i kibang hi.

2 KUMPI NIHNATE 19:3

Amaute in ama kiangah, “Hezekiah in hih bangin ci hi: Tu ni in lungkham ni, hong kitai ni, min dai ni ahi hi; naungekte a suah hun tung a, amaute hin’ khiatna ding thatang om lo hi.

Isaiah 33:11

Lopa keu na paii-a buhkung na suaksak hi. Na husan in nang hong kangtum mei ahi hi.

1 SAMUEL MASA 14:45

Tua ciangin mite in Saul kiangah, “Israelte sungah hih gualzawhna lian a piangsak Jonathan si ding ahi hiam? Hi dek peuhmah lo ding! Topa a nuntak mah bangin, a lu tunga sam khat zong lei lakah kia lo ding hi; bang hang hiam cih leh amah in Pasian tawh tu ni-in tua thu piangsak hi,” a ci uh hi. Tua ahih ciangin mite in Jonathan tankhia uh a, amah si lo hi.

1 SAMUEL MASA 11:13

Ahih hangin Saul in, “Tu ni-in mi khat zong kithat lo ding hi; bang hang hiam cih leh tu ni-in Topa in Israelte sungah hotkhiatna na sem hi,” a ci hi.

1 JOHAN MASA 5:19

Eite in Pasian’ tate i hi hi cih thu i thei hi, leitung khempeuh in a gilo mi’ khut sungah a om thu zong i thei hi.

Johan 7:7

Leitung mite in no hong mudah thei kei uh hi. Kei hong mudah uh hi. Bang hang hiam na cih uh leh, amau’ gamtatna a hoih kei ci-in teci ka pang hi.