Isaiah 26:17 - Tedim Bible

¹⁷ Topa aw, nangma hangin kote pen naupaii numei a hun a nai ciangin na sa-in kiheek a, a kap tawh ka kibang uh hi;

Tedim Bible Revision 2017

¹⁷ Topa aw, nangma hangin kote pen naupaii numei a hun a nai ciangin na sa-in kiheek a, a kap tawh ka kibang uh hi.

Isaiah 26:17 Referans Kwoze

Johan 16:21

Numei in ta a suah lai takin a hun tung ahih ciangin a dah hi. Ahih hangin ta a suah khit ciangin leitungah mi khat suak ahih ciangin lungdam a, a gimna a phawk nawn kei hi.

Isaiah 13:8

amaute lau ding uh hi. Amaute in gim mahmahna leh nat velvalna thuak ding uh a, numei nausuak ding bangin na sa ding uh hi. Amaute khat leh khat lamdang sakna tawh ki-en ding uh a, a maitangte uh meikuang bang ding hi.

1 THESALONIKA MASA 5:3

Amaute in, “Nopsakna a om hi, launa om lo hi,” ci-in a gen lai takun, ta gai numei tungah ta suah hun gimna a tun’ bangin amaute tungah kisiatna gal in thakhatin tung ding a, suahtakna neukha beek a ngah kei ding uh hi.

Isaiah 21:3

Tua ahih ciangin ka pumpi na hi; nausuak numei in na a sak bangin na ka sa hi; khuaza thei lo zah dongin a kuncip-in ka om a, ka muh nate hangin lamdang sa in ka om hi. khua mu thei lo zah dongin lungkia-in ka om hi.

Jeremiah 30:6

Tu-in ngaihsun dih un. Pasalte nau a suak ngei uh hiam? Tua ahih leh bang hangin pasal khempeuh in numei nausuak dingte bangin, a taai uh hum ahi hiam? Bang hangin a mai uhah si teeng lo ahi hiam?

Jeremiah 6:24

Tua thu i za khin zo a, bangmah i cih thei kei hi. Lungkhamna in hong hencip a, nupi nau suak ding bangin na i sa hi.

Jeremiah 4:31

Nau suak ding numei kiko bang khat ka za hi, tacil a suak numei khat’ tauna tawh kibang hi. Zion’ tanu husam liang-a a kikona aw hi a, a khut tegel zakin, “Gimna ka thuak ding hi! Kei hong that ding uh hi!” a ci hi.

Late 48:6

numei nausuak na a sa bangin amaute liinggawp uh hi.

Mangmuhna 12:2

Tua numei in tagai-in om a, tasuah ding natna nakpi-in tung a, kiko-in a om hi.

Isaiah 37:3

Amaute in ama kiangah, “Hezekiah in, ‘Tu ni pen lungkham ni, tai ngah ni, mindai ni ahi hi; naungeek a suah hun tung napi-in a hingkhia zo lo nupi tawh i kibang hi.

Piancilna 3:16

Tua ciangin numei' kiangah, “Naupaina-ah na gimna nakpi takin ka khangsak ding a, gimna tawh nau na suak ding hi. Ahi zongin na pasal mah na deih ding a, amah in nang' tungah hong uk ding hi,” ci hi.