Isaiah 26:15 - Tedim Bible

¹⁵ Ahih hangin nangmah in ko minam nong khangsak hi, Topa aw, nangmah in minam na khangsak a, gamgi khempeuh na keeksak khin hi. Hih thu hangin nangma min a thang hi.

Tedim Bible Revision 2017

¹⁵ Ahih hangin nangmah in ko minam nong khangsak hi. Topa aw, nangmah in ko minam nong khangsak a, gamgi khempeuh na hong keeksak khin hi. Hih thu hangin nangma min a thang hi.

Isaiah 26:15 Referans Kwoze

Isaiah 9:3

Nangmah in amaute na pung sak a, a lungdamna uh na khang sak hi; anlak hun ciang-a lungdamna leh mite in vankisutte a hawm ciangun a lungdam bangun, nangma mai-ah amaute lungdam uh hi.

Johan 17:1

Zeisu in hih thute a gen khit ciangin vantung lam ento a, “Pa aw, ahun a tung zo hi. Tapa in nang hong minthan’sak nadingin, na Tapa hong minthangsak in.

Johan 15:8

Note in tampi na gah uh leh, ka Pa’ minthan’na na kilangsak ding uh a, note in ka nungzuite na hi takpi ding uh hi.

Ezekiel 36:24

Gam khempeuh leh minam khempeuhte lak panin note hong kaikhawm kikin na gam uhah kong tun’pih kik ding hi.

Ezekiel 5:12

Note seh thum suah seh khat pen cina leh gilkialin khuapi sungah na si ding uh hi. Seh thum suah seh khat, khuapi kiim-ah namsau-in na si ding uh hi. A om lai seh thum suah seh khat ahih leh mun khempeuh ah hong thehthangin namsau tawh kong delh ding hi.

Jeremiah 32:37

En in, Ka hehna, ka thangpaihna leh ka lungkimlohna lianpi tawh ka hawlkhiatna gam khempeuh panin amaute ka kaikhawm ding a, hih munah tun’pih kikin, lungmuang takin ka teengsak ding hi.

Jeremiah 30:19

Tuate sung panin lungdamna la kisa ding a, gualnopna aw kiza ding hi. Amaute ka pungsak ding a, tawmkha bek a hi kei ding uh hi. Amaute ka kipahtawi sak ding a, ka neusak kei ding hi.

Isaiah 60:21

Na mihingte khempeuh thuman ding hi; keima min a than’ nadingin keima suansa kung, ka khut tawh ka sepsa ahi gam pen amaute in nei pai suak ding uh hi.

Isaiah 44:23

Vantungte aw, Topa in tua thu sem khin ahih manin lungdam in la sa un; Anuai-a om leitung aw, awng un; mualte aw, la sa-in awng khia un, tulak leh a sunga sing om khempeuh aw, awng un! Bang hang hiam cih leh Topa in Jakob tankhia khin a, Israel sungah amah kiminthangsak ding hi.

Isaiah 33:17

Tua ciangin a hoih kumpipa na mu ding uh a, a zai mahmah a gam zong na en ding uh hi.

Nehemiah 9:23

Nangmah in amau’ suan leh khakte van-a aksi zahin sim zawh lohin na tamsak a, a pu a pate un a luah dingin piak dingin na ciamsa gamah amaute na paipih hi.

Thu-hilhkikna 10:22

Na pu na pate uh mihing sawmsagih Izipt ah paisuk uh hi; tu-in Topa na Pasian un vantung aksi zah-in note hong tamsak hi.

Gamlak-vakna 23:10

Kua in Leivui banga a tam Jakob mite a mal sim zo ding a, Israel sehli suah sehkhat a mal sim zo ding ahi hiam? Mi thumanpa’ sihna bangin hong si sak in la, ka mailam thu ama’ aa bang hi sak in!” a ci hi.

Piancilna 12:2

Thupha a ngah dingin minam lian khatin nang hong bawlin, thupha hong pia-in, na min kong liansak ding a, nang in thupha na hi ding hi.

Luka 21:24

Amaute in tem tawh sihna a thuak ding uh a, gam khempeuh ah salin kipaipihna a thuak ding uh hi. Gentailte’ hun a cin’ matengin, Gentailte in Jerusalem khuapi khe tawh a tuancil ding uh hi.”

Isaiah 10:22

Na mi Israelte pen tuipi sehnel zah bang ahih hangin, amaute a om lai tawm khat bek hong ciahkik ding hi. Thuman mahmahna tawh siatna thu kikhen ahi hi.

Isaiah 6:12

Topa in gamlapi-ah mite khinkhia-in, leitungah a kinusia mun tampi a om dong, tua tan hong sawt ding hi, hong ci hi.

2 KUMPI NIHNATE 23:27

Topa in, “Israel ka khinkhiat bangin ka muhna panin Judah zong ka khinkhia ding a, keimah in ka teelsa khuapi Jerusalem, leh ka min om ding hi, ka cihna inn ka paaikhia ding hi,” a ci hi.

2 KUMPI NIHNATE 17:6

Hoshea’ kum kua-na kumin Assiria kumpipa in Samaria la a, amah in Assiria ah Israel mite ciahpih a, Halah gam sung, leh Gozan gam a, gun om Habor, leh Media khuapite sungah amaute koih hi.

1 KUMPI MASATE 8:46

“Amaute nang tungah hong khialin – bang hang hiam cih leh mi a khial lo kuamah om lo hi–amaute tungah nang heh a, galte tungah amaute pia-in, amaute kimanin a galte’ gam a gamla ahi a, a nai-ah ahi zongin kipuakhia a,

Thu-hilhkikna 28:64

Topa in leimong khat panin mong khat, minamte’ lakah note hong thehthang ding hi; tua lai-ah note leh na pu na pate un a theih nai loh sing leh suang tawh a kibawl pasian dangte’ na na sem ding uh hi.

Thu-hilhkikna 28:25

“Topa in na galte uh mai-ah note hong lel sak ding hi; amaute do dingin lam khatah na kuan ding uh a, amau mai-ah lam sagih ah na taikeek ding uh hi; leitung kumpi gamte khempeuh muhna ah note in a cikzet-huai na hi ding uh hi.

Piancilna 13:16

Na suan-le-khakte leitung leivui zahin ka bawl ding hi; mi khatpeuh in leitung leivui a sim theih leh na suan-le-khakte zong kisim thei ding hi.

JOB (Job) 12:23

Amah in minamte thahatsakin liansak a, ahi zongin amah in tuate zo gawpin susia hi.

Isaiah 40:5

Topa’ kam in gen khin ahih manin, Topa’ minthan’na hong kilang ding a, mi khempeuh in mu khawm ding uh hi,” a ci hi.