Isaiah 26:14 - Tedim Bible

¹⁴ Amaute si a, hingkik lo ding uh hi; amaute mangthang ta uh a, omkik nawn lo ding uh hi; tua bang a pian’ theih nadingin nangmah in amaute tungah siatna na tung sak a, amaute a kiphawkna khempeuh na beisak hi.

Tedim Bible Revision 2017

¹⁴ Amaute si a, hingkik lo ding uh hi. Amaute mangthang ta uh a, omkik nawn lo ding uh hi. Tua bang a pian theih nadingin nangmah in amaute tungah siatna na tungsak a, amaute a kiphawkna khempeuh na beisak hi.

Isaiah 26:14 Referans Kwoze

Paunak 10:7

Mihoihte kiphawkphawk a, migilote kimangngilh pah hi.

Isaiah 8:19

Amaute in note kiangah, “Phun suau-suau-in a pau mualmual vankah theite leh aisan theite kiangah thu dong un. Mite in amaute’ pasian thu dongin, mihingte’ thu pen misite dot ding mah hilo ahi hiam?” hong ci ding uh hi.

Late 106:28

Tua ciangin amaute in Peor mun-a Baal pasian beel uh a, nuntakna a nei lote tunga biakna kipiate a ne uh hi;

Mangmuhna 20:5

A om lai a si mite in kum tul a cin’ ma-in a nungta kei uh hi. Hih thawhkikna in a masa thawhkikna ahi hi.

Mattiu 2:20

“Tho in la, naupang leh a nu sam in la, Israel gamah na ciahpih in. Naupang that nuama a zongte in a si zo uh hi,” a ci hi.

Isaiah 10:3

Dan piak ni hun, gamlapi panin siatna hong pai ciangin note in bang cih ding na hi uh hiam! Huhna ngenin kua kiangah tai ding a, na neihsa uh koi-ah koih ding na hi uh hiam?

Late 109:13

Ama suan-le-khakte bei hen la, khang khat sungin ama min maimang ta hen!

Late 9:6

Siat denna sungah galte beimang hi; a khuate uh na zunglot hi; amau kiphawk kha nawn lo hi.

Thu-hilhkikna 4:28

Note in tua lai munah mite’ khut in a bawl, khua mu thei lo, khua za thei lo, a ne thei lo, a nam thei lo sing leh suang pasiante’ na na sem ding uh hi.

Paikhiatna 14:30

Topa in tua bangin Izipt mite’ khut sung panin tua ni-in Israelte honkhia hi; tuipi gei-ah Izipt mi a site Israel mite in mu uh hi.

Isaiah 26:19

Nangma mi a site hingkik ding a, amaute’ pumpi tho ding hi. Han sunga a lum mite aw, tho un la, lungdamin la sa un! Bang hang hiam cih leh zing daitui in leitung a nosak kik bangin, sawtpi a, a si mite, Topa in hingkik sak ding hi.

Late 36:12

Hia lai-ah siatna bawlte cimawh-in kun uh a, amaute kisuncip sukin, tho zo lo uh hi.

Late 59:5

Nang, Vanglianpen Topa Pasian in, Israel’ Pasian na hi hi. Minam khempeuh daantat dingin tho in la, khemna tawh siat gamtat ding a sawmte kuamah siit kei in.

Late 135:17

amaute in bil nei uh a, ahih hangin amaute in khua za thei lo uh hi, amaute’ kam sungah naksuk naktohna theihna nei lo uh hi.

Thuhilh-sia 9:5

A hing laite in a si ding ahih lam thei thei uh a, a sisate in bangmah thei nawn lo hi. A sisate in thaman bangmah nei nawn lo uh a, amaute kiphawk kha nawn lo hi.

Isaiah 29:6

Vanglianpen Topa in vanging, zinliing, a ging lianpi, pingpei leh huihpi, leh a kangtum thei meikuang tawh hong pai ding hi.

Isaiah 37:19

amaute’ pasiante pen meikhuk sungah paihsakin susia khin hi; bang hang hiam cih leh tuate pen pasian hi loin, mite’ khut tawh a kibawl sing leh suangte ahi hi; tua ahih ciangin tuate kisusia hi.

JOB (Job) 7:9

Meiilum kaite bei-in a man’than’ bangin Leinuai-a paisukpa hong ciahkik ngei nawn lo ding hi.

JOB (Job) 18:17

Inn leh gam-ah a minthan’na bei ta a, kuamah in amah phawk kha nawn lo hi.

JOB (Job) 24:20

Amah kiphawk kha nawn lo a, a nu nangawn in zong mangngilh ta hi; thante in amah ne tum a, amah maimang ta hi.