Isaiah 26:12 - Tedim Bible

¹² Topa aw, kote’ tungah daihna hong pia in. Kote’ matut zawhna khempeuh, nangma hong sepsakna hang ahi hi.

Tedim Bible Revision 2017

¹² Topa aw, kote tungah maavanna hong pia in. Koteʼ matut zawhna khempeuh nangmah in na hong sepsakna hang ahi hi.

Isaiah 26:12 Referans Kwoze

Efesa 2:10

Bang hang hiam na cih uh leh, eite in gamtat hoih i gamtat nadingin Khazih Zeisu sungah a pian’sak ama bawlsa i hi hi. Tua gamtatna pha eite in i gamtat nadingin Pasian in tua gamtatna a na siam khol zo hi.

Late 57:2

A Sang Penpa Pasian’ tung, kei’ Pasian’ tung, kei’ adingin ama deihna a tungsak Pasian’ tungah ka ko hi.

Late 29:11

Topa in a mite hatna pia ta hen! Topa in a mite nopna thupha pia ta hen!

Ezekiel 20:14

Ahi zongin Izipt gam panin amaute ka pai khiatpihna minam dangte in hong mu khin ahih manin tua bangin gamta leng, keimah mindai nading mah hi zel ahih manin amaute bangmah ka cih kei hi.

Hebru 13:20

A tawntung kiciamna sisan hangin Tuucing lianpa ahi, i Topa Zeisu sihna pan a thokiksak nopna Pasian in,

Jeremiah 33:6

Ahih hangin en in, keimah in hih khuapi ka damsak ding a, cidamin ka om sak ding hi. A mite cidam sakin nopna leh lungmuan’na a kicing ka lak ding hi.

Thu-hilhkikna 30:6

Note in na lungsim khempeuh uh leh na nuntakna khempeuh uh tawh Topa na Pasian uh itin na hin’ theih nadingun, Topa na Pasian un note leh na suan leh khakte uh tungah thuman’ nopna lungsim hong guan ding hi.

Johan 14:27

Nopna note kong pia hi; keima nopna kong pia hi. Leitung mite in a piak bangin kong pia kei hi. Na lungmang kei un la, na lau kei un.

Ezekiel 36:25

Note tungah tui siangtho kong theh ding a, na milim biakna uh leh note hong ninsak na dang khempeuh panin kong siangsak ding hi.

Ezekiel 20:22

Ahi zongin tua bangin hih leng, Izipt gam panin Israel mite ka pai khiatpih hong mu mite lakah ka min dai ding ahih manin amaute ka susia kei hi.

Ezekiel 20:9

Ahi zongin, Izipt gam panin no Israel mite kong paikhiatpih ding hi, ci-in amau’ ompih mite’ zakin gen khin ka hih manin, tua bangin daan thuaksak leng, keima min a kidaisak suak ding cih ngaihsutna hangin daan ka pia kei hi.

Isaiah 57:10

A gamla na khualzinna tawh nang na gim a, ahih hangin nangmah in, “Lametna om kei,” na ci kei hi; nangmah in thahatna thak na ngah a, tua ahih manin na gim kei hi.

Late 68:28

Pasian aw, na vangliatna thu pia in; kote’ adinga hong bawlsak Pasian aw, na thahatna lak in.

Late 90:17

Kote’ Topa Pasian’ maipha, komau tungah hong om sak in la, kote’ nasepna khempeuh hong tangtung sak in, hi hi, ka nasepna khempeuh uh-ah hong mavang sak in.

Isaiah 9:6

Bang hang hiam cih leh eite adingin naungek khat hong suak a, eite tungah tapa khat hong kipia hi; ama liangko tungah ukna om ding a, ama min pen, “Lamdang, Thulakpa, Vanglian Pasian, Tawntung Pa, Nopsakna Kumpi,” kici ding hi.

Isaiah 26:3

Topa aw, nang hong muang a, nangma tungah a lungsim kip mipa, lungnopna kicing na pia ding hi.

Isaiah 27:5

Tua ahih kei leh keima hutna sungah amaute om hen la, amaute in kei tawh kilemna bawl-in, amaute kei tawh kilem ta uh hen.”

Isaiah 29:23

Bang hang hiam cih leh keima khut tawh ka bawlsa ahi amau’ tate a muh ciangin, amaute in keima min siangthosak ding uh hi; amaute in Jakob’ Siangtho Pa, a siangtho ahihna phawk ding uh a, Israel’ Pasian zaktakin kihta ding uh hi.

Isaiah 32:18

Ka mihingte pen kilem tak-a teen’na lungmuang tak-a omna inn, daii tak-a tawlngakna munah om ding uh hi.

Isaiah 57:19

Nopsakna, nopsakna, a gamla leh a nai mi khempeuh tungah om ta hen; keimah in amaute ka damsak ding hi, Topa in ci hi.

Gamlak-vakna 6:26

Topa in note tungah ama maipha hong pia hen la, note nopsakna hong pia ta hen, ci-in thupha pia uh hen.

Late 57:3

Amah in vantung panin hong dawngin keimah hong hon ding a, amah in kei hong tuancilte maizumin koih ding hi. Pasian in a itna kip leh a thumanna hong lak ding hi.