Isaiah 25:3 - Tedim Bible

³ Tua ahih ciangin mi thahatte in nang hong minthang sak ding a, thukhual lo minamte’ khuapite in nang hong zahtak ding uh hi.

Tedim Bible Revision 2017

³ Tua ahih ciangin mi thahatte in nangma min hong thangsak dinga, thu khual lo minamteʼ khuapite in nang hong zahtak ding uh hi.

Isaiah 25:3 Referans Kwoze

Zekhariah 14:16

Tua bangin galte a kizawh gawp khit ciangin, galte sung panin a nungta lai mite in Vanglianpen Topa, kumpi ahihna hangin a bia ding, leh ama gualzawhna pawi a bawl dingin kum simin Jerusalem ah pai tawntung ding uh hi.

Zekhariah 14:9

Tua ciangin Topa pen leitung khempeuh’ kumpi suak ding a, mi khempeuh in amah bek thei-in bia ding uh hi.

Mangmuhna 11:13

Tua hun lai takin zin nakpi liingin khuapi seh sawm suah seh khat cimin, mi tulsagih a si uh hi. A om lai mite lau-in liingin, vantung Pasian’ vangliatna a phat uh hi.

Ezekiel 38:23

Hih bangin hihna tawh keimah in a lian a siangtho ka hihna thu, minam khempeuh tungah ka langsak ding a, tua ciangin Topa ka hihna thu amaute in hong thei ding uh hi,” hong ci hi.

Isaiah 13:11

Leitung mite a tatsiatna hangin, migilote a mawhna hangin daan ka pia ding hi; mi kihisakte’ kiphatsakna bei sakin, a kisatheite’ kiliatsakna ka niamkhiat ding hi.

Late 66:3

Pasian’ tungah hih bang ci un, “Nangma bawlnate bangzah takin dipkuat huai! Na vanglian mahmah ahih manin na mai-ah na galte in nang hong mai-et uh hi.

Isaiah 24:15

Nisuahna lama, om mite in Topa phat ding uh hi. Tuipi dunga a teeng mite in Topa, Israelte’ Pasian’ min phat ding uh hi.

Isaiah 29:5

Ahih hangin nangma gal honpite leivui neel leeng bang ding uh a, thukhual lo mi honpite ansi leeng bang ding uh hi. Tua ciangin tomkha sungin thakhat thu-in,

Micah 7:17

Amaute in gul bangin leivui liakin, a bokvak ganhing bangin hong awmtal ding uh a, a bukna uh mun muanhuaite panin lau-in a lingsa-in hong pusuak ding uh a, Topa Pasian hong kihta ding uh hi.