Isaiah 24:9 - Tedim Bible

⁹ Zu phungah lungdam a, la sakna om nawn lo a, zu khempeuh sia-in kha gawp hi.

Tedim Bible Revision 2017

⁹ Zu phung ah lungdam a lasakna om nawn lo a, zu khempeuh kisia-in kha gawp ta hi.

Isaiah 24:9 Referans Kwoze

Isaiah 5:22

Leenggahzu tampi a dawnte, kham theih zu nek a hatte,

Thuhilh-sia 9:7

An ne-in lungdam in la, zu ne-in lungnuam in: na gamtatna peuhpeuh, Pasian in hoih a sa hi.

Amos 8:10

Na lungdam pawite uh dahna ka suaksak ding a, na lasaknate uh kahna awging ka suaksak ding hi. Dahna limin puanhampi na silh ding uh a, na sam uh zong na mettol ding uh hi. A tapa khat neihsun a sihsuah nupa na bang ding uh hi. Tua hun in a tawp dongin nasia semsem ding hi.

Amos 8:3

Tua ni ciangin kumpi inn sunga lungdam lasakna awgingte, kahna awging suak ding hi. Mun khempeuhah mi siluang dim ding a, mun citengah kipaithangin gamdai ding hi,” Topa in ci hi.

Isaiah 5:20

A phate sia ci-in, a siate pha ci a, khuavak dingin khuamial koihin, khuamial dingin khuavak koih a, a khum dingin a kha koihin, a kha dingin a khum a koihte in gimna ngah ta hen!

Late 69:12

Khua kongpi sung a tu mite’ gengen ka hi a, zukhamte in keimah la-in hong sa uh hi.

Zekhariah 9:15

Vanglianpen Topa in ama mite hu ding a, ama mite in a galte uh susia ding hi. Galdona sungah, zukham bangin awng gawp ding uh a, a galte uh’ sisan luangsak gawp ding uh hi. Biakna site, biakna tau tungah, hai-a sun tawh kibangin luangsak ding uh hi.

Ezekiel 26:13

Khuapi sungah lasakna awging ka beisak ding a, tum theih awgingte khempeuh zong kiza nawn lo ding hi.