Isaiah 24:5 - Tedim Bible

⁵ Ama tunga teengte in leitung ninsak uh hi; bang hang hiam cih leh amaute in thukhamte mang loin, ngeina kipte palsat uh a, tawntung thuciamna peel uh hi.

Tedim Bible Revision 2017

⁵ Ama tunga a teengte in leitung ninsak uh hi. Bang hang hiam cih leh amaute in thukhamte khialin ngeina kipte palsat uh a, tawntung thuciamna peel uh hi.

Isaiah 24:5 Referans Kwoze

Hebru 13:20

A tawntung kiciamna sisan hangin Tuucing lianpa ahi, i Topa Zeisu sihna pan a thokiksak nopna Pasian in,

Hebru 9:1

Lam khat panin, thuciamna masa in biakna ngeina ahi zongin, hih leitung tawh kipawl siangtho mun ahi zongin a nei hi.

Daniel 7:25

Amah in Sangpen Pasian langpan’ in thu gen ding a, Pasian’ mite a bawlsia ding hi. Amah in amaute’ biakna tawh kipawl thukham leh pawi bawlna hunte kheel sak ding hanciam ding a, Pasian’ mite in ama khut sungah kumthum leh a lang a om ding uh hi.

Luka 1:6

Tua tegel in Pasian’ thukham khempeuh leh Pasian’ ngeina khempeuh zui uh a, mawhsak na’ng om loin Pasian mai-ah mipha ahi uh hi.

Micah 2:10

Tu-in ding un la paikhia un. Na khialhna hangun a lauhuai suksiatna tuak ding na hih manun, hih lai mun in note adingin tawlngakna mun hi lo hi.

Daniel 9:10

Topa Pasian aw, na nasem kamsangte tung tawna kote zuih dinga thukhamte nong piak hangin, tua thu ka mang tuan kei uh hi.

Ezekiel 20:24

Hih bangin kiciamna ka bawlna pen, amaute in ka thupiaknate nialin, ka thukhamte zui lo uh a, ka sabbathte siasak uh hi. Tua banah a pu pate un a biak milimte mah a biakna hang uh ahi hi.

Ezekiel 20:13

Ahi zongin Israel mite in gamlak nangawn-ah kei hong dem uh a, a zui peuhpeuh in nuntakna a ngah nading uh ahi keima thukhamte leh ka thupiaknate nial uh hi. Ka sabbathte zong nakpi takin siasak uh hi. Tua ahih manin amaute a maiman’ nadingin ka hehna teng gamlakah a thuaksak gawp dingin ka kithawi hi.

Jeremiah 50:5

Zion khua lampi a dong ding uh a, tua khua lam maingat-in, ‘Hong pai un. A kimangngilh ngei nawn lo ding tawntung thuciamna khat Topa’ tungah ciam khawm dih ni,’ a ci ding uh hi.

Isaiah 50:1

Topa in: “Amah ka ciahsakna, na nu a kimakna lai koi-ah om ahi hiam? Tua ahih kei leh, nang kong zuakna ka lei batnate koi pen ahi hiam? En un, nomau’ mawhna hangin note hong kizuak a, nomau’ khialhna hangin na nu uh kipaikhiasak hi.

Isaiah 10:6

Pasian thu a ngaihsun lo minam leh keimah hong hehsak mite’ neihsa sutin lak sakin, amaute pen konglak buannawng bangin a tuancil dingin amaute sawlin thu ka pia hi.

Late 55:5

Launa leh liin’na ka tung hong tung a, launa in kei hong vukcip hi.

2 KHANG TANGTHU NIHNATE 33:9

Manasseh in Judah leh Jerusalem a, tengte zol ahih manin, Israel mite’ mai-ah Topa in a suksiat minamte sangin amaute in a sia tamzaw gamta uh hi.

2 SAMUEL NIHNA 23:5

Hi hi, ka innkuan zong Pasian tawh tua bangmah hilo ahi hiam? Bang hang hiam cih leh amah in tawntung thuciamna kei tawh hong bawl a, na khempeuh a hoih a kipin hih hi. Bang hang hiam cih leh keimah hong huhin, ka deihna khempeuh tangtungsak ding hilo ahi hiam?

Joshua 24:25

Tua ahih ciangin Joshua in Shekhem-ah tua ni-in mite tawh thuciamna bawl a, amaute adingin thukhamte leh biakna ngeina kipte a bawl hi.

Thu-hilhkikna 32:20

Amah in, ‘Amaute kiang panin ka mai ka seel ding a, amaute’ tawpna bang hong hi hiam ka en ding hi; bang hang hiam cih leh amaute in a lampial khang mite hi a, cihtakna a nei lo tate ahi uh hi.

Thu-hilhkikna 32:15

“Israel mite thau mahmah uh a, a lehdo thei mi suak uh hi; note thau-in, lianpi pha-in, na zol uh hi; tua ciangin amaute a bawl Pasian amaute in nusia-in, amau’ a Honkhiapa thusim lo uh hi.

Siampi Laibu 20:22

“Tua ahih ciangin note in ka thukham khempeuh leh ka biakna ngeina kipte khempeuh zui-in, tuate na sem ding uh hi; tua in note na ten’ nading uh kong paipih nading leitang in note hong luakkhiat loh nading ahi hi.

Daniel 9:5

Kote ka hih uh leh ka gi kei uh a, ka mawh khin uh a, ka khial khin uh hi. Na hong sawlna bang ka mang kei uh a, na thupiakna leh na thukhamte ka taisan khin uh hi.

Ezekiel 37:26

Amaute lungmuangin a om tawntung nading uh thuciamna khat ka bawl ding a, amaute thupha pia-in a mi ka pungsak ding hi. Amaute lakah a om tawntung dingin ka biakinnpi ka phut ding hi.

Isaiah 9:17

Tua ahih ciangin amau’ tangvalte tungah Topa lungdam lo a, pa nei lote leh a meigong numeite uh tungah hehpihna nei lo hi; bang hang hiam cih leh mi khempeuh in Pasian’ thu khual loin siatna a bawl vive hi a, kam khempeuh in haina thu gen uh hi. Hih thute khempeuh hangin ama hehna dam zo nai lo a, ama khut kilamto lai hi.

Isaiah 30:9

Bang hang hiam cih leh amaute pen, a lehdo mite, a zuau thei tapate, Topa’ hilhna thu a ngai nuam lo mite ahi uh hi;

Isaiah 33:8

Lam lianpite gambulak suak a, lampi ah kuamah khualzin ngam nawn lo hi. Thuciamnate kipeksat-in, thukimnasate kipalsat a, khat leh khat kizahtakna om nawn lo hi.

Ezekiel 16:59

“Topa Pasian in hih bangin ci hi. Nang in i kamciamna leh i thuciamna don lo na hih manin nangma gamtatna bangin nang tungah kong gamta hi.

Siampi Laibu 26:35

Ama tungah na ten’ lai takun a ngah loh tawlngakna ahi na sabbath-te uh, gamkhing a, a om sung teng a tawlnga hi ding hi.

2 KUMPI NIHNATE 21:12

tua ahih ciangin Israel Pasian Topa in hih bangin ci hi: En un, a za mite khempeuh’ bilte a vut ding siatna Jerusalem leh Judah tungah ka tungsak ding hi.

2 KUMPI NIHNATE 21:15

bang hang hiam cih leh amaute in a pu a pate uh Izipt panin hong paikhiat akipan tu ni dongin keima muhna ah a sia gamta-in kei hong hehsak uh hi,” a ci hi.

Jeremiah 11:10

Ka thu a ngai nuam lo a pu a pate uh’ mawhna lamah a kileh hei khin zo uh a, pasian dangte’ na sem dingin a zui khin zo uh hi. Israel mite leh Judah mite in a pu a pate uh tawh ka bawlsa uh ka thuciamna a palsat khin zo uh hi.

Hosea 6:7

Ahi zongin ka ciamna gam a tun’ uh ciangin amaute in Adam khua-ah ka thuciamna palsat uh a, kei tungah hong thuman lo uh hi.