Isaiah 24:2 - Tedim Bible

² Mi khempeuhte’ thuakna kibang kim ding hi. Siampite leh mi mawkmawkte, silate leh a tote, vanleite leh van zuakte, sum neite leh leibate, ahau azawng, a thuakna uh kibang ding hi.

Tedim Bible Revision 2017

² Mi khempeuhteʼ thuakna kibang kim ding hi. Siampite le mi mawkmawkte silate le a tote, van leite le van zuakte, sumneite le leibate, a hau a zawng, a thuakna uh kibang ding hi.

Isaiah 24:2 Referans Kwoze

Hosea 4:9

Mite’ thuak dinga kilawm daantahna mah siampite in zong thuak ding uh a, amau’ gamtatna bangin daan pia-in amau’ siatna bangin ka thukkik ding hi.

Kah la 4:13

Hih thu a hong piang hi. Kamsangte leh siampite in mawhna a bawl manun mi siangtho midikte’ sihna a hong piang hi.

Jeremiah 42:18

“Bang hang hiam na cih uh leh a vanglian Topa, Israel mite’ Pasian in kong cih-inah: Jerusalem khua-a teeng mite’ tungah ka hehna leh ka thangpaihna a kibuak mah bangin Izipt gam na pai uh leh note tungah ka hehna hong kibua ding hi. Mite in note hong lipkhap ding a, kihaamsiatna-in hong zangin hong zahko ding uh hi. Note in hih mun na mu kik nawn kei ding uh hi, ci-in a gen hi,” a ci hi.

Jeremiah 41:2

Nethaniah’ tapa Ishmael leh tua mi sawmte in, Babilon kumpipa in gam uk ding a, a koih Ahikam’ tapa, Shafan’ tupa Gedaliah pen namsau tawh a sat uh a, a thatlum uh hi.

Isaiah 5:15

Mite a niamin kikoih suak a, mite kiniamkhiat suk hi, a kiphasakte kiniamkhiat suk hi.

Isaiah 2:9

Tua ahih ciangin mite kiniamkhiat sukin, mite a niamin kikoih suk hi. Amaute’ mawhna maisak kei in:

2 KHANG TANGTHU NIHNATE 36:20

Amah in namsau panin a suakta mite Babilon ah salin la a, Persia kumpi in a uk hun mateng amah leh a suan leh khakte’ nasem a suak uh hi.

Piancilna 41:50

Kialpi kum hong tun’ ma-in Josef in On khua siampipa Potifera’ tanu Asenath tawh tapa nih nei hi.

Isaiah 24:3

Leitung kihawmsuak sakin kisiacip ding hi; bang hang hiam cih leh Topa in hih thu genkhin zo hi.

Isaiah 28:7

Hih mite zong leenggahzu tawh hoi-in kham theih zu tawh awn uh hi: siampite leh kamsangte nangawn zu khamin hoi uh hi. Kamsangte in zu kham lua ahih manin Pasian’ muhsak mangmuhnate thei thei lo uh a, siampite in zong zu kham lua uh ahih manin a thukhen dingte uh khen thei lo uh hi.

Kah la 4:6

Jerusalem’ mawhna in Sodom khuapi mawhna sangin lianzaw ahih manin, thakhatin Pasian khut sungpan kisiatna a ngah uh hi.

Kah la 4:16

Topa in amaute a zat nopna om nawn lo ahih manin a thehthang hi. Amah in i makaite leh i siampite a awlmawh nawn kei hi.