Isaiah 24:18 - Tedim Bible

¹⁸ Lauhuaina panin a tai mipa gum sungah kia ding a, gum sung panin a taikhiat ciangin thangzak sungah awk ding hi. Bang hang hiam cih leh van panin guahpi hong bua ding a, leitung bulpite kiling ding hi.

Tedim Bible Revision 2017

¹⁸ Lauhuaina panin a tai mipa gum sungah kia dinga, gum sung panin a taikhiat ciangin thangzak sungah awk ding hi. Bang hang hiam cih leh van panin guahpi hong bua sukin leitung bulpite kiliing ding hi.

Isaiah 24:18 Referans Kwoze

Late 18:7

Ama hehna hangin leitung kipumpei in, kiveei a, mual bulpite zong lingin kising damdam hi.

Piancilna 7:11

Noah’ nuntak kum zaguk kum, a kha nihna, tua kha ni sawm-le-sagih ni-in van-a om a thuk mahmah tuikhukte puakkhamin, vantung kongvangneute kihong hi.

Amos 5:19

Humpinelkai kihta-in a taikhiat hang, vompi a tuakpa tawh kibang ding hi. Tua ahih kei leh, mi khat inn-ah hong tai a, a kawm-ah a khut a ngak ciangin gul in a tuk tawh kibang ding hi.

Late 18:15

Topa aw, nangma mawhsakna, na nakging tawh tuipi taw kimu a, leibulpite a guakin om hi.

JOB (Job) 20:24

Amah in namsau pelhin a taina-ah sumngo thal in kaptuk ding hi.

2 KUMPI NIHNATE 7:2

Tua ciangin a ban tungah kumpipa a kingapna galkap ukpa in Pasian’ mipa kiangah, “Topa mahmah in vantungah kongvangneute hong bawl leh zong, hih bang thu hi thei ding ahi hiam?” a ci hi. Ahih hangin amah in, “Nangma mit mahmah tawh hih thu na mu ding a, ahih hangin nang in na ne kha kei ding hi,” a ci hi.

Piancilna 19:24

Tua ciangin Topa in vantung panin Sodom leh Gomorrah tungah kaat leh meikuang zusak hi;

Thuhilh-sia 9:12

Mihing in ama hun ding thei ngei lo hi. Thang-ah a awk vasate, ngen-ah a awk ngasate tawh i kibang hi. Lam-et loh hun laitak keekin, hun sia sungah mihingte i tung hi.

Isaiah 2:19

Leitung liingsak gawp dingin Topa a thawh ciangin, amah kihtakna leh alian ama minthan’na panin, suanghawm sung leh leihawm sungah mite bu ding uh hi.

Isaiah 8:14

Amah pen, bukna hi ding a, a siangtho’ luatna hangin mite’ kitukna leh puk theihna suangtum tawh kibang hi. Judah leh Israel kumpigam mite leh Jerusalem khua-a teeng mite a awk nading thangzak tawh kibang ding hi.

Isaiah 13:13

Tua ahih ciangin ama sinso ni-in Vanglianpen Topa’ hehna hangin vantung lau-in ka liingsak ding a, ama omna panin leitung kisingkhia ding hi.

Isaiah 42:22

Ahih hangin ama mite pen a kiluh, a kisut mite hi a, leihawm sungah amaute khempeuh kikiasak a, thonginn sungah kiseel hi; amaute pen, a hon ding om lo, nek ding-a kiman ganhing suak khin uh a, kuamah in “Hong pia kik in,” a cih loh vankisutte suak khin ta uh hi.

Jeremiah 48:43

Moab gama teeng mite aw, Topa in kong cih-inah, launa, dum leh thangte in no hong pang hi!

Jeremiah 48:44

Lauhuaina pana a taisim mite dum sungah a kia ding hi. Dum sung pan a, a hong kah khia mite, thang ah a awk veve ding hi. Bang hang hiam cih leh Moab ka daantah ni-in hih nate ka tung sak ding hi, Topa in kong ci hi.

Kah la 3:47

Siatna bekbek tawh kidimin, kihtakna leh launa tawh ka nungta uh hi.

Ezekiel 11:8

Note in namsau na kihta uh hi. Ahi zongin namsau tawh note a hong sat ding mi kong paisak ding hi.

Ezekiel 12:13

Ama pai nading munah ka ngenthang ka zak ding a, amah awk ding hi. Tua ciangin Babilon khuapi-ah amah ka paipih ding a, a khuapi mu lopi-in tua lai-ah si ding hi.

Ezekiel 15:7

daan ka pia ding hi. Mei panin khat vei a suahtak khit hangin, tu-in mei in amaute kangtum ding hi. Amaute daan ka piak ciangin Topa ka hihna thu na thei ding hi.

Late 18:8

Ama nakvangte panin meikhu pusuak a, a kam panin mei husia pusuak hi; ama tung panin mei-am san kuangkhia hi.

Amos 5:18

Topa’ ni hong tun’ ding a ngaklah note’ adingin, bangzahin lauhuai ding hiam? Note’ adingin tua ni a hoihna bang om ding hiam? Tua ni in lungzin’ ni hi a, lungtaii ni hi lo hi.