Isaiah 24:15 - Tedim Bible

¹⁵ Nisuahna lama, om mite in Topa phat ding uh hi. Tuipi dunga a teeng mite in Topa, Israelte’ Pasian’ min phat ding uh hi.

Tedim Bible Revision 2017

¹⁵ Nisuahna lam a om mite in Topa phat ding uh hi. Tuipi dunga teeng mite in Topa, Israel-teʼ Pasian phat ding uh hi.

Isaiah 24:15 Referans Kwoze

Malakhi 1:11

Leitung khempeuh-a om minam khempeuh in kei hong zahtak uh a, kei’ adingin mun khempeuh ah paknamtui halin, a kisang thei ding biak piakna hong pia uh hi. Mi khempeuh in kei hong zahtak uh hi.

Isaiah 60:9

Hih teembawte pen, tuipi gei leh tuikulh-a om teembawte hi a, Tarshish teembaw lianpite in hong makaih hi. Topa in nang hong minthangsak khin ahih manin, gamlapi panin tua teembawte in nangma mite hong puak uh a, a ngun a khamte uh tawh hong puak khawm hi. Topa na Pasian, Israelte’ Siangtho Pa Pahtawina-a hong puak uh ahi hi.

Isaiah 51:5

Manlangin hong pai-in amaute ka honkhia ding hi. Ka gualzawh ding hun hong naita hi. Keimah in minamte ka uk ding hi. Tuipi gei-a gamte in kei hong muang uh a, amaute in keima hotkhiat ding hong ngak uh hi.

Isaiah 49:1

Tuipi kulh gamte aw, ka thu ngai un la, gamlapi-a om mihingte aw, ngai un. Ka suah ma-in Topa in kei hong sam a, ka nu’ sungah ka om lai-in amah in ka min hong phuak hi.

Isaiah 42:10

Topa’ tungah la thak sa un la, leimong panin amah phatna sa un! Tuipi leh a sunga omte, tuikulh gamte leh a tunga teeng mite aw, lasa un.

Isaiah 42:4

Amah in leitungah thutang thu a phuh khit matengin lungsi lo, lungkia lo ding hi; tuikulh gamte in ama thukham sungah lametna nei ding uh hi.

1 PETER MASA 3:15

Na lungsim sung uhah Khazih in Topa ahi ci-in zahtakna nei un. Note’ lametna thu hong dong mi khempeuh kiangah lungnemna tawh, thusimna lungsim tawh na genkik theih nadingun, a kigingsa-in om tawntung un.

Sawltak 16:25

Zan kim lai takin Paul leh Silas in thungenin Pasian’ min phatna la a sa uh a, thongkia mite in a ngaih lai takun,

Zefaniah 2:11

Topa in amaute lausak gawp ding a, leitung pasiante, neu bawl gawp ding hi. Tua ciangin, minam khempeuh in amau’ gam ciat panun amah bia ding uh hi.

Isaiah 66:19

Amaute’ lakah lim khat ka khai ding hi. Amau kiang panin, a suakta lai mite pen, minamte tung, Tarshish mite tung, Put mi leh Lud mite tung, Meshek mite tung, Tubal mi leh Javan mite tung, ka min hoihna a za ngei lo, ka minthan’na a mu ngei lo tuipi gei-a om gammite tungah ka sawl ding hi; amaute in minamte lakah ka minthan’na genthang ding uh hi.

Isaiah 41:5

Tuikulh gamte in mu khinin lau uh a, leimongte liing uh hi; amaute in hong nai-in hong pai uh hi.

Isaiah 25:3

Tua ahih ciangin mi thahatte in nang hong minthang sak ding a, thukhual lo minamte’ khuapite in nang hong zahtak ding uh hi.

2 THESALONIKA NIHNA 1:12

hoihna tawh kipawl deihna khempeuh leh upna tawh kipawl gamtatna khempeuh a vangliatna tawh a kicin’ nadingin kote in note ading thu ka hong ngetsak tawntung uh hi.

Esther 10:1

Kumpipa Ahasu-eras in a ukna gam leitung leh tuikulh tunga teengte tung panin siah kai hi.

Isaiah 12:4

Ni khat ni ciangin mite in, “Topa’ tungah lungdamna ko un la, a min lo-in, ama hong huh ding ngen un; minamte khempeuh lakah ama septe kitheisak un la, ama min kiliansak hi, ci-in gen un.

Isaiah 26:8

Topa aw, nangma thukham deihna kong zui uh a, nang kong ngak uh hi; nangmah in kote’ deih kicin’na na hi hi.

Isaiah 42:12

Topa a minthan’na ama tungah gen un la, tuikulh gamte ah amah phatna gen sak un.