Isaiah 24:13 - Tedim Bible

¹³ Hih in leitung a, om minam khempeuh tungah a tung ding thu ahi hi. Oliv kung a kisin’ khit ciang, leenggah kilo khinin a sangh a kikaih khop khit ciangin a kinusia lo hawmte tawh kibang ding hi.

Tedim Bible Revision 2017

¹³ Hih bangmahin leitungah a om mi khempeuh tungah a hong tung ding ahi hi. Oliv kung a kisin khit ciang, leenggah kilo khinin a sangte a kikaihkhop khit ciangin a kinusia lo hawmte tawh kibang ding hi.

Isaiah 24:13 Referans Kwoze

Isaiah 1:9

Vanglianpen Topa in eite tawmno khat a nungta-in hong siit hi kei leh, eite pen Sodom khua bang khinin, Gomorrah khua bang i suak khin ta ding hi.

Mangmuhna 3:4

Ahih hangin nang in amau puanza a ninsak lo mi neukha Sardis khua-ah na nei hi. Tua mite in a kilawm ahih manunah puanpaak silhin kei tawh a paikhawm ding uh hi.

Mattiu 24:22

Tua nite a kitomsak kei leh kuamah suakta zo lo ding hi. Ahih hangin a teelsate adingin a kitomsak ding hi.

Micah 2:12

Ahi zongin no Israel mi a om laite khempeuh pel loin kong kaikhawm kik taktak ding hi. Tuubuk sunga tuu khum bangin, gankhawk sunga tuuhon kaihkhop bangin, note kong kaikhawm kik ding a, na gam sung uh, mi tampite’ husa tawh kidim kik ding hi, ci hi.

Ezekiel 7:16

Mi pawl khatte in vakhu lau bangin mualtung tuh ding uh a, ahi zongin amau’ mawhna hangin si veve ding uh hi.

Jeremiah 44:28

Namsau tawh thahna a thuak kha lo, mi tawmkhate in Izipt gam panin Judah gama teeng dingin a pai a nungta lai sunte in kei’ kammal leh amau’ kammal koi zaw, a manin tung cih a thei ding uh hi.

Isaiah 6:13

Mi, seh sawmsuah seh khat bang a om lai hangin, taak kung leh tawsaw kungte a kiphuk khit ciangin a bulsum om laite mei tawh a kihal kik bangin amaute zong kisusia ding hi. A siangtho khaici pen, tua a bulsum ahi hi, ci hi.

Siampi Laibu 19:9

“Na leitang tung panun an na lak uh ciangin, na lo uh a nawl dongin an na la kei ding uh a, an na lak khit uh ciangin a sang zong na khawm kei ding uh hi.

Isaiah 27:12

Israel mite aw, tua ni ciangin Eufrates gunpi panin Izipt Luipi dongin Topa in tuancil ding a, note khat khatin hong kikaikhawm ding hi.

Micah 7:1

Kei a kamsia hi’ng! Singgah leh leenggah a heu laitak, a gilkial mipa tawh ka kibang hi. Leenggah nek ding om nawn lo a, ka lunggulh theigah beita hi.

Isaiah 17:4

Tua ni ciangin Jakob’ liatna bei ding a, ama hauhna mangthang ding hi.