Isaiah 24:10 - Tedim Bible

¹⁰ Khuapi hawm suak pen kisiacip suk a, kuamah a tum theih loh nadingin inn khempeuh kikhakcip hi.

Tedim Bible Revision 2017

¹⁰ Khuapi hawmsuak pen kisiacip ta a, kuamah a tum theih loh nadingin inn khempeuh kikhakcip hi.

Isaiah 24:10 Referans Kwoze

Mangmuhna 18:2

Amah in, “Babilon khuapi a cim hi, a cim hi! Dawigilote’ omna, kihhuai kha khempeuh kikhumna, kihhuai leh gilo vasate kikhumna a suak zo hi.

Luka 21:24

Amaute in tem tawh sihna a thuak ding uh a, gam khempeuh ah salin kipaipihna a thuak ding uh hi. Gentailte’ hun a cin’ matengin, Gentailte in Jerusalem khuapi khe tawh a tuancil ding uh hi.”

Luka 19:43

Bang hang hiam na cih leh, na galte in na kimkot ah kan bawlin hong uumcip a, mun khempeuh panin hong khakcip ding uh hi.

Micah 3:12

Tua ahih manin note hangin, lo khawh bangin Zion kikho-in, Jerusalem, nin kipaihna phualpi suak ding a, biakinn omna mual, gamlak suak ding hi.

Micah 2:13

Pasian in lampi hong hon’sakin, na maiah hong paikhiatpih ding hi, Salsuahna khuapi kulh kongpi panin paikhia-in na suakta ding uh hi. Kumpi ahi Topa mahmah in hong makaih ding hi.

Jeremiah 52:7

Tua ciangin khua kulhpi kiphutlet a, khuapi kimkotah Khaldea mite om napi-in, galkapte in zan laitak-in kumpipa’ huan gei-a kulh tegel kikal-a kongpi tawnin a taikhia sim uh a, Arabah leizang lam a manawh uh hi.

Jeremiah 39:8

Khadea mite in kumpipa’ inn leh midangte’ innte a hal uh a, Jerusalem khua kulhpi a susia uh hi.

Jeremiah 39:4

Judah kumpipa Zedekiah leh galkap khempeuh in amaute a muh uh ciangin a tai sim uh hi. Zan laitakin kumpipa’ huan sung tawnin kulh tegel kikal-a kongpi kan tan-in khuapi sung pan a paikhia uh a, Arabah leizang lam a manawh uh hi.

Isaiah 34:11

Ahih hangin gamlak simbu leh leh a ham zalzal simbu in, gamsung teng luah ding uh a, simbupi leh muu om ding uh hi. Pasian in Edom gam tungah buaina a khaukhai khai sukin kisiatna khaukhai sikbawk khia ding hi.

Isaiah 32:14

Munmuanhuaite kinusia-in, mi tampi a omna kumpi khuapi kilawi ding hi. Mual leh tausangte zong kisia gawp ding a, late leh tuuhonte in gamtatna munin nei ding uh hi.

Isaiah 27:10

Bang hang hiam cih leh a muanhuai khuapi pen gamlak bangin amah guakin omin, mite’ teen’na mun pen kitaisan-in kinusia hi; tua lai-ah bawngno gamta-in, lum a, a hiangte kheuh hi.

Isaiah 25:2

Bang hang hiam cih leh nang in khuapi pen ninbulomtang na suah a, a muanhuai khuapi a sia na suaksak hi; mi kiphasakte’ mun muanhuai pen khua hi nawn lo a, cik mah hunin kilam nawn lo ding hi.

Isaiah 24:12

Khuapi sungah gamkhin’na bek om a, kongpite kisat khamin kisia hi.

Isaiah 23:1

Tai-ar khua tawh kisai thu: Tarshish teembaw hawlte aw, Tai-ar khua kisia a, inn leh khawlmunte om nawn lo ahih manin, kap un! Saipras gam panin hih thu amaute in za uh hi.

2 KUMPI NIHNATE 25:4

Tua ciangin khuapi kulh sulet uh hi; Khaldea mite khuapi kiimah a ompi mahin, kumpipa’ huan kiang lam kulhpi nih kikal kulh kongpi lampi zui-in kumpipa leh a galhang mi khempeuh zanin tai uh hi. Amaute Arabah lam manawhin pai uh hi.

Piancilna 11:9

Tua ahih ciangin a min Babel kici hi, bang hang hiam cih leh Topa in tua munah leitung khempeuh kampau kitukalhsak hi; tua lai mun panin Topa in leitung maitang khempeuh' tungah amaute thehthang hi.

Isaiah 32:19

(Tua ciangin gial in tulak kolh siangsak ding a, a khuapi pen cimzan ding hi.)

Isaiah 26:5

Bang hang hiam cih leh amah in a kiphasak mite niamkhiat hi. Amau’ teen’na khuapi muanhuai suksiat sak a, a kulhpite den’ khapsakin leivui suah hi.