Isaiah 24:1 - Tedim Bible

¹ En un, Topa in leitung hawmsuak sakin gamkhing suaksak ding a, amah in lei maitang huiheek gawpin, a tunga teeng mite thehthang ding hi.

Tedim Bible Revision 2017

¹ En un, Topa in leitung hawmsuak sakin gamkhing suaksak dinga, amah in lei maitang huiheek gawpin, a tunga a teeng mite thehthang gawp ding hi.

Isaiah 24:1 Referans Kwoze

Nahum 2:10

Nineveh khuapi kisusia-in kinusiacip a, gamkhing suak hi. Launa lungsim tawh kidimin khukte liing kelkel a, mi khempeuh lunggimin a mai-ah si teeng lo hi.

Isaiah 2:19

Leitung liingsak gawp dingin Topa a thawh ciangin, amah kihtakna leh alian ama minthan’na panin, suanghawm sung leh leihawm sungah mite bu ding uh hi.

Isaiah 42:15

Mual liante leh mual neute ka susia ding a, a po kungte khempeuh ka keusak ding hi; gunte pen tuikulh ka suaksak ding a, bualtuite ka kangsak ding hi.

Isaiah 24:20

Leitung pumpi zukham bangin hoi ding a, huihpi in a mut buk bangin awn ding hi. Ama mawhnate in nengcip gawp ding a, amah pukin thokik zo nawn ngei lo ding hi.

Ezekiel 35:14

Tua ahih ciangin Topa Pasian in hih bangin ka ci hi: Leitung buppi a lungdam theih nadingin nang a gamkhing pha mahmah-in kong bawl ding a,

Ezekiel 12:20

Mihing a dimna khuapite kisusia ding a, gamsung khempeuh gamkhing suak ding hi. Tua ciangin Topa ka hihna thu hong thei ding uh hi,” hong ci hi.

Luka 21:24

Amaute in tem tawh sihna a thuak ding uh a, gam khempeuh ah salin kipaipihna a thuak ding uh hi. Gentailte’ hun a cin’ matengin, Gentailte in Jerusalem khuapi khe tawh a tuancil ding uh hi.”

Ezekiel 6:6

Israel khuapite khempeuh beimang ding a, milim a biakna uh mun khempeuh kisusia ding hi. Tua ahih manin a biakna taute uh leh a milimte uh vut-le-vai suakin, a paknamtui taute uh kisatvui gawp ding ahih manin milim biak nadinga a bawlsa khempeuh uh maimang ding hi.

Ezekiel 5:14

Na kiim uh a, om minamte in note hong muh khak uh ciangin hong phitsanin hong pelh ding uh hi.

Ezekiel 5:2

Umcihna lim na man ciangin khuapi lim sungah seh khat haltum in. Tua ciangin seh khat la leuleu in la, khuapi kiim-ah na pai kawmin na namsau tawh satnen in. A om lai seh khat pen huih lakah lawn in. Keimah in namsau tawh ka sat ding hi.

Jeremiah 9:16

Amaute le a pute a pate’ theih ngei lohna gamdangah ka kithehthang sak ding a, a sih khit dong uh namsau ka nungdelh sak ding hi,” a ci hi.

Isaiah 33:9

Leitang kinusia cipin ommawk hi. Lebanon mual-a tulak singte vulgawp a, Sharon gam leihoih pen sehnel gam bang ta hi; Bashan mual leh Karmel mual-a singtehte pulh mang khin ta uh hi.

Isaiah 29:16

Note in na khempeuh a leh lamin na koih uh hi. Beel seekpa pen tungman bangin kingaihsun ding a, a kibawlsa na in a bawlpa tawh kisai-in, “Amah in kei hong bawl lo hi,” cihna ahi zongin, a beel in a sekpa tungah, “Amah in theihna nei kei,” ci ding ahi hiam?

Isaiah 27:10

Bang hang hiam cih leh a muanhuai khuapi pen gamlak bangin amah guakin omin, mite’ teen’na mun pen kitaisan-in kinusia hi; tua lai-ah bawngno gamta-in, lum a, a hiangte kheuh hi.

Isaiah 5:6

Lo khul-in ka bawl ding hi; kipuah loin, kikho lo ding a, lingkung leh lingte khang ding hi; ama tungah meiite in zong guah a zuksak loh nadingin thu ka pia ding hi.

Late 146:9

Topa in peemtate kem a, meigong numei leh pa nei lote a huh hi; ahih hangin amah in migilote’ vaihawmna suksiatsak hi.

Nehemiah 1:8

Na nasem Moses tungah, ‘Na cihtak kei uh leh mi namdangte lakah kong thehthang ding hi;

2 KUMPI NIHNATE 21:13

Keimah in Jerusalem tungah Samaria a kitehna khau leh Ahab’ innkuan khaukhai sikbawk ka khai ding hi; tua ciangin mi khat in pakan a nul bangin keimah in Jerusalem nulin ka lumlet ding hi.

Thu-hilhkikna 32:26

Keimah in, “Amaute gamlapi ah ka thehthang ding a, mite lakah amaute a kiphawkna ka beisak ding hi,” ka ci thei ding hi,

Thu-hilhkikna 28:64

Topa in leimong khat panin mong khat, minamte’ lakah note hong thehthang ding hi; tua lai-ah note leh na pu na pate un a theih nai loh sing leh suang tawh a kibawl pasian dangte’ na na sem ding uh hi.

Thu-hilhkikna 4:27

Topa in mite lakah note hong thehthang ding a, Topa in note hong hawlna minamte lakah mi tawmcik bek na om lai ding uh hi.

Ezekiel 24:11

Tua ciangin a taubeel hawm mei-am tungah suang un la, sansak veva un. Tua hi leh a kang-op nin teng kangtumin hong siang kik ding hi.

Jeremiah 40:15

Tua ciangin Kareah’ tapa Johanan in Mizpah khua-a Gedaliah kiangah, “Nethaniah’ tapa Ishmael hong that sak in. Kuamah in hong thei lo ding uh hi. Nang hong kithat leh nang hong beel Judah mite kikhenthang ding a, Judah mi a om lai sun teng in zong bei lawh ding uh ahih manin bang hangin amah in nang hong that laizang ding ahi hiam?” ci-in a hopih sim hi.

Jeim 1:1

Pasian leh Topa Zeisu Khazih’ sila ahi keimah Jeim in mun khempeuh ah kikhen thangin a om, pawl sawm leh pawl nihte kong hopih hi.

Sawltak 17:6

A muh loh uh ciangin Jason leh ute naute kimkhat khua ukte kiangah a paipih uh a, “Leitung gam khempeuh a kilumletsak hih mite in hih san dongin hong tung zo uh a, Jason in ama innah a tung sak hi.

Jeremiah 50:17

“Israel mite humpi in a delhmang tuu tawh a kibang uh hi. A masa-in Assiria kumpipa in a ne a, tu-in a tawpna ah Babilon kumpipa Nebukhadnezzar in a guh dongin a teep tum hi.

Jeremiah 4:7

Humpi khat a bukna sawl kawm lak pan hong kuankhia zo a, gamte susia dingpa hong paikhia khin zo hi. Na gam uh a kisia sak ding leh na khuapite uhah kuamah a teen’ loh nadingin a susia dingin ama’ omna panin hong kuankhia khin zo hi.

Isaiah 13:5

Leitung buppi susia dingin Topa leh ama hehna galhiamte gamlapi van mong panin hong pai hi.

Isaiah 13:13

Tua ahih ciangin ama sinso ni-in Vanglianpen Topa’ hehna hangin vantung lau-in ka liingsak ding a, ama omna panin leitung kisingkhia ding hi.

Isaiah 24:19

Leitung khang kham-in, kilok gawp ding a, kiphelkham ding hi.

Isaiah 30:32

Topa in amaute daan pia-in ciang tawh a satna a gingte tawh kituakin khuang leh laiza lasaknate tumin na gingsak ding uh hi. Amah in a khut viik-in amaute do ding hi.

Isaiah 34:2

Bang hang hiam cih leh minamte khempeuh tungah Topa lungham-in, amaute khempeuh tungah heh mahmah a, a siamang dingin amaute koih-in, thah dingin pia khin ta hi.

Isaiah 34:10

Sun leh zanin mit lo ding a, vanah a khu kahto ngitnget ding hi. Khang khat pan khang khat, a hawm guakin om ding hi; kuamah in nawk ngei nawn het lo ding hi.

Jeremiah 51:34

“Babilon kumpipa Nebukhadznezzar in Jerusalem khua hong valhtum a, hong sukham gawp hi. Beel hawm bangin a hawmin hong koih a, gulpi bangin hong nawm valh hi. Ka neihsa a lim nono tawh amah kivak kham a, kei a hong hawlkhia hi.

Nahum 1:5

Ama mai-ah mualliante liing a, Mualneute tuisuak hi. Ama mai-ah leitang kicim a, leitung leh a tunga om khempeuh liing uh hi.

Isaiah 29:2

Ahih hangin keimah in ‘Pasian’ biakna tau, a kici tungah gimna ka tungsak ding hi. Thuumna leh tauna om ding a, tua khuapi pen, biakna halna biakna tau suak ding hi.

Isaiah 32:12

A hoih mahmah lote leh tampi a gah leengguite a siatna, keima mite’ leitangah ling leh lingkungte a pona, leh lungdamna khuapi sunga lungdamna a omna innte a siatna hangin dahin na awm uh beng un.

Ezekiel 6:14

Keimah in ka khut zanin a gam khempeuh uh ka susia ding hi. Leitaw lam gamlak pana kipanin leilu lam Riblah khuapi dongin, Israel mite’ omna mun khempeuh, siit nei loin ka vatmai ding hi. Tua ciangin Topa ka hih lamtak mi khempeuh in thei ding uh hi,” hong ci hi.

Ezekiel 7:12

A hun hong tung ta a, a ni hong nai zo hi. Mi khempeuh tungah ka hehna hong tung ta ding ahih manin sumlei sumzuak nasepna in a kiman’na om nawn lo hi.

Ezekiel 7:14

“Amaute in gal peengkul tum uh a, a vekpi-in kiging uh hi. Ahi zongin mi khempeuh tungah ka hehna tung kim ding ahih manin galsim dingin kuamah kuan khia lo ding hi.