Isaiah 23:9 - Tedim Bible

⁹ Topa’ vaihawm ahi hi. Mi liante’ kiphasaknate a beisak nading, leh a kipahtawi uliante a niamkhiat nadingin a bawl ahi hi.

Tedim Bible Revision 2017

⁹ A Vanglian Topa’ vaihawm ahi hi. Mi lianteʼ kiphatsaknate a beisak nading le a kipahtawi uliante a niamkhiat nadingin a bawl ahi hi.

Isaiah 23:9 Referans Kwoze

Jeim 4:6

Topa in thupha hehpihna a tamzaw hong pia hi. Tua ahih ciangin Lai Siangtho sungah a gen-inah, “A kisatheite Pasian in kham a, ahih hangin lung kiniamkhiat mite thupha hehpihna a pia hi,” ci-in a gen hi.

Isaiah 13:11

Leitung mite a tatsiatna hangin, migilote a mawhna hangin daan ka pia ding hi; mi kihisakte’ kiphatsakna bei sakin, a kisatheite’ kiliatsakna ka niamkhiat ding hi.

Isaiah 2:11

Mite’ kiliatsakna pen kiniam koih ding a, mihingte’ kiphatsakna pen kiniam khiat ding hi; tua ni ciangin Topa bek a lianin kikoih ding hi.

Daniel 4:37

Tu in keimah Nebukhadnezzar in Vantung Kumpipa phatin, zahtakin a min ka thangsak hi. A bawlna khempeuh a man hi. Amah a tawntungin thuman a, kiphasak-a gamtate a neusak hi.”

Efesa 1:11

Ama deihna tawh kipawl hanciamna bangin tanglai peka eite hong ciamtehsa bangin eite in tua Khazih sungah luahna na i hi hi.

Sawltak 4:28

sathau na nilhsa na Sila siangtho Zeisu tungah hih ding a kikhawm takpi uh hi.

Malakhi 4:1

Vanglianpen Topa in hih bangin ci hi: “En un, mi kiphasak khempeuh leh migilo khempeuh, a zung a hiang cih om loin buhtu bangin a kattum ding hun hong tung ding hi. Tua ni ciangin khat zong suakta loin a vekpi-in kangtum khin ding uh hi.

Jeremiah 51:62

tua ciangin, ‘Topa aw, hih munah mihing hi taleh, ganhing hi taleh bangmah teeng lo a, a tawntunga a kinusia gam a suah nadingin na suksiat nading na genkhia khin zo hi,’ ci-in thu gen in.

Isaiah 14:27

Vanglianpen Topa in ngim khin ahih manin kua in phiat zo ding ahi hiam? Ama khut kizan khin hi, kua in kaiton kik zo ding ahi hiam?

Isaiah 14:24

Vanglianpen Topa kiciam khin a: “Ka geelsa bangin piang ding a, ka ngimsa bangin kip ding hi,

Isaiah 10:33

En un, Topa, Vanglianpen Topa in a kihtak huai vangliatna tawh sing hiangte heuh ding hi; a kung sangte kiphuk ding a, a kisangsakte a niam-in kikoih ding hi.

Isaiah 9:15

Upate leh a zahtak huai mite pen a lutang hi a, zuauthu a hilh kamsangte pen a mei ahi hi;

Isaiah 5:13

Tua ahih ciangin thu theihlohna hangin ka mite sal suak uh hi; amau’ mi liante gilkialin si dek uh a, a mihonte uh dangtakin keu uh hi.

Isaiah 2:17

Mite’ kiliatsakna kiniamkhiat ding a, mite’ kiphatsakna a niamin kikoih suk ding hi; tua ni ciangin Topa bek a lianin kikoih ding hi.

Late 107:40

amah in, uliante tungah simmawhna buaksukin, lampi om lohna gam sungah vakvai sak hi;

JOB (Job) 12:21

Amah in mi vangliante mindaisak a, mi thupite’ kihihsakna beisak hi.

Isaiah 14:26

Hih ngimna pen leitung buppi’ adinga a kingim ahi hi, hih ka khut pen minam khempeuh daanpiak nadingin a kizan ahi hi.

Isaiah 23:10

Tarshish mite aw, tu-in kuankhia un la, lo kho un. Na sum bawlna teng uh maimang khin ta hi.

Jeremiah 13:9

“Topa in kong cih-inah, hih mah bangin Judah mite’ kisaktheihna leh Jerusalem khua mite’ ki-uatsaknate ka susia ding hi.

Obadiah 1:2

En in, minamte lakah note kong neusak ding a, nakpi takin a hong kisimmawh ding hi.

Paikhiatna 8:4

uiphukte in nang' tung leh na mite leh na nasemte khempeuh' tungah hong pai ding hi,” ci hi,’ ci-in gen in,” a ci hi.

Isaiah 2:12

Bang hang hiam cih leh Vanglianpen Topa in a sehsa ni nei hi, a kiphasak leh a kiliansak khempeuh, a kisangsak leh a sangte khempeuh niamkhiat suk ding hi;