Isaiah 23:2 - Tedim Bible

² Tuikulh-a teeng mite aw, thuumin tau un, Sidon sumbukte aw, na sawltakte un tuipi kantanin tui lianpite tungah om uh hi;

Tedim Bible Revision 2017

² Tuipi gei-a teeng mite aw, thumin tau un. Sidon sumbukte aw, na sawltakte un tuipi kantanin tui lianpite tungah om uh hi.

Isaiah 23:2 Referans Kwoze

Isaiah 47:5

Babilon aw, gamdai takin tu in la, khuamialna sungah pai in; bang hang hiam cih leh nang pen, kumpi gamte’ kumpinu hong kici nawn lo ding hi.

Habakkuk 2:20

Topa, a biakinn siangtho sungah om hi; leitung mi khempeuh, ama mai-ah dai dide-in om ta hen.

Ezekiel 28:2

“Ezekiel aw, Tai-ar khuapi a ukpa kiangah Topa Pasian keimah in ka gen nop thu, ama tungah hih bangin gen in: Kisak theihna lungsim lianpi nei-in tuipite’ laizang ah pasian’ tokhom tungah tu-in, kei in pasian khat ka hi hi, na ci hi. Nang in pasian bangin pil na kisak hangin, mihing khat na hi lel bek hi.

Isaiah 41:1

Tuikulh gamte aw, gamdai takin ka thu ngai un; na mite a tha uh dimsak un la, amaute a mai-ah hong paisak un. Amaute thugen theihna ding hun ngah ding uh hi. Thukhen zumah kei tawh kisi nung.

Late 46:10

“Om hit-hiat un la, Pasian ka hihna thei un. Minamte lakah keimah hong kisangsak a, leitungah ka min hong kithangsak hi!”

Ezekiel 28:21

“Ezekiel aw, Sidon lam nga in la, a siat nading thu genkhol in.