Isaiah 23:18 - Tedim Bible

¹⁸ Ama sumbuk vante leh ama sepna panin a ngah nate pen Topa tungah kipia ding hi; ahih hangin tuate kikholcip mawk loin, Topa a bia mite’ an ding leh puan hoih nono leina-in kizang ding hi.

Tedim Bible Revision 2017

¹⁸ Ama sumbuk vante le ama sepna panin a ngah nate pen Topa’ tungah kipia ding hi. Ahih hangin tuate kikholcip mawk loin, Topa a bia miteʼ an ding le puan hoih nono leina-in kizang ding hi.

Isaiah 23:18 Referans Kwoze

Late 72:10

Tarshis kumpite leh tuikulh neu-a kumpite in ama tungah siah pia uh hen la, Sheba leh Seba kumpite in letsong puak ta uh hen!

Galati 6:6

Pasian’ Thu a sin mi in a hilhpa tungah a hoihna a om khempeuh hawmsawn ta hen.

Paikhiatna 28:36

“Nangmah in kham citak tawh a peek khat na bawl ding a, min gelhna a kibawlte mah bangin tua tungah, ‘Topa ading siangtho’ ci-in na gelh ding hi.

Sawltak 9:39

Piter tho a, amaute tawh paikhawm hi. A tun’ ciangin dei tungnung sungah a paipihto uh hi. Meigong khempeuh a kiangah a ding uh a, kapin, Dorkas in amaute tawh a omkhawm lai taka a bawlsa puan-akte leh puante a lak uh hi.

Luka 12:33

Na neihsa teng zuak un la, hehpihna na pia un. A lui thei lo dangka-ip na bawl un. Gutate’n naih zo lo a, nget in a suksiat theih lohna vantungah a bei thei lo sum na khol un.

Luka 8:3

Herod’ nasempa Khuza’ zi Joanna leh Susanna a kipan adang tampite in zong amau sum tawh amaute kivakin a zui uh hi.

Marka 3:8

Judah gam pan, Jerusalem khuapi pan, Idumia gam pan, Jordan gun gal khat pan, Tai-ar leh Sidon khua kim pan kipan mi tampite in Zeisu’ bawlna thu khempeuh a zak uh ciangin a kiangah a pai uh hi.

Malakhi 3:10

Ka biakinn ah an a om theih nadingin sawm-ah khat a kimin hong paipih un. Kei hong ze-et dih un; vantung kongkhakte hongin, note’ adingin na hoih tampi kong piakna na mu ding uh hi.

Micah 4:13

Topa in hih bangin ci hi: Jerusalem khuamite aw, kipan un la, na galte uh sugawp un. Sumngo khe leh sik ki a nei bawngtal bangin note kong thahatsak ding hi. Minam tampite’ na sugawp zo ding uh a, amau’ neihsa teng keima aa na suaksak ding uh a, amau’ hauhna teng, leitung khempeuhte’ Topa’ neihsa na suaksak ding uh hi.

Thuhilh-sia 2:26

Pasian in amah a lungdamsakte tungah pilna, theihna, leh lungdamna pia a, ahi zongin a hehpihhuai mi mawhte ahih leh a sep bek sisakin, amau’ thalawhsa khempeuh, amah a lungdamsakte tungah piaksak hi. Hih in a mawknapi taktak, huihpi nung delh bang bek ahi hi.

Paunak 28:8

A meet a pung lakna tawh a hau mipa in, mizawngte a hehpih thei mipa’ adingin sum zong hi lel hi.

Paunak 13:22

Midikte in a tu a tate’ luah ding gamh nei a, mawhneite neihsate ahih leh midikte’ ading hi lel hi.

Late 45:12

mihau pente ahi Tai-ar mite in na manpha namkim letsong tawh nang hong maivil ding uh hi. Kumpi tanu a inndei sungah kham kigan puantualpi tawh kizem a,

Late 72:11

Kumpi khempeuh ama mai-ah boksuk uh hen la, minam khempeuh in ama na sem ta uh hen!

Ezekiel 26:12

Note’ neihsa na hoih khempeuh, na galte un a ut ut-un zang ding uh hi. Kulhte supai-in inn hoihpipite satthang gawp ding uh hi. Inn-a kizang sing leh suang, leh na khempeuh la-in tuipi sung den’ nading uh hi.

Zekhariah 14:14

Judah mite in Jerusalem khuapi hutna-in galsim ding uh a, minam dang khempeuhte’ neihsa, kham, ngun, leh puante tampi tak laksak ding uh hi.

Mattiu 25:16

Talen nga a sangpa in a metbawl leh, adang amet talen nga a ngah hi.