Isaiah 23:13 - Tedim Bible

¹³ Tai-ar khuapi, gamsate’ phualpi a suaksate in; Assiria mite hi lo a, Babilon mite ahi hi. Babilon mite in khuapi luh nading panmun bawl uh a, Tai-ar khuapi kulhte susia-in, khuapi sung khempeuh a sia suah uh hi.

Tedim Bible Revision 2017

¹³ Taia khuapi, gamsateʼ phualpi a suaksakte pen Assiria mite hi lo a, Babylon mite ahi hi. Babylon mite in khuapi luhna ding panmun bawl uh a, Taia khuapi kulhte susia-in, khuapi sung khempeuh a sia a suaksak uh hi.

Isaiah 23:13 Referans Kwoze

Sawltak 7:4

Tua lai takin Abraham in Khaldea gam pan paikhia a, Haran khua tung a, a teeng hi. A pa a sih khit ciangin Pasian in tu-a a omna uh hih gamah tua khua panin a lalsak hi.

Habakkuk 1:6

A om khong thei lo, a kihtak-huai, Khaldea mite ka vang liansak ding a, leitung khempeuh ah amaute pai-in, gam khempeuh zo mang khin ding uh hi.

Daniel 4:30

“Babilon khua bang zah takin lian ahi hiam! Kumpi ding leh, ka vangliatna ka thahatna kilat nadinga ka lam ahi hi,” a ci hi.

Ezekiel 29:18

“Ezekiel aw, Babilon kumpipa Nebukhadnezzar in, Tai-ar khuapi sim hi. A galkapte, nakpi takin hanciam sak lua ahih manin a sam nangawn uh pulhmangin a liangkote uh a sa nangawn lengkhia gawp a, ahi zongin tua bangin amau’ gim thamanin kumpipa leh a galkapte in bangmah phattuamna ngah lo uh hi.

Isaiah 13:19

Khaldel mite’ vangliatna leh kiphatsakpih, kumpigam a minthang bel Babilon khua pen Pasian in Sodom leh Gomorrah a siatsak lai hun bang ding hi.

Isaiah 10:7

Ahih hangin amah in tua bang bek sawm lo a, a lungsim in zong tua bang bek ngaihsun lo hi; ama lungsim sungah minam tampi suksiat nopna thu om hi;

Isaiah 10:5

Assiria-te in gimna ngah hen, keima hehna molhtum leh ka lungdamna ciangkhut ahi uh hi.

Late 72:9

Ama galte a mai-ah kunsuk uh hen la, amah langpangte in leivui liak ta uh hen!

JOB (Job) 1:17

Tuapa in thugen a khit ma-in kamtai dang khat hong tung leuleu-in, “Khaldea mite honthum in kalaohte hong sut a, namsau tawh kalaoh tung tuangte khempeuh that hi; hih thu nang kiangah a ko thei dingin kei bek kong suakta hi,” a ci hi.

2 KHANG TANGTHU NIHNATE 33:11

Tua ciangin Topa in Assiria kumpipa’ galkap ukte amau kiangah paipih a, amaute in sikkawite tawh Manasseh manin sumngo khau tawh khihin Babilon ah paipih uh hi.

2 KUMPI NIHNATE 20:12

Tua hun lai takin Babilon kumpipa, Baladan’ tapa Melodak-baladan in Hezekiah kiangah laikhakte leh letsong khat tawh kamtaite sawl hi; bang hang hiam cih leh Hezekiah cina, ci-in amah in za hi.

2 KUMPI NIHNATE 17:24

Tua ciangin Assiria kumpipa in Babilon, Kuthah, Avva, Hamath, leh Sefarvaim panin mite paipih a, Israel mite’ tangin Samaria khuapite ah amaute koih hi; amaute in Samaria gam luahin a khuapite-ah teeng uh hi.

Piancilna 11:31

Terah in ama' tapa Abram leh Haran’ tapa Lot, ama' tupa leh a tapa Abram’ zi ahi a monu Sarai la-in, Kanaan gamsungah pai dingin Khaldea gam Ur khua panin amaute paikhia khawm uh hi; ahih hangin amaute Haran a tun’ uh ciangin tua munah teng uh hi.

Piancilna 11:28

Ama' pa Terah’ a sih ma-in ama suahna gam ahi Khaldea gam Ur khua-ah Haran si hi.

Piancilna 11:9

Tua ahih ciangin a min Babel kici hi, bang hang hiam cih leh Topa in tua munah leitung khempeuh kampau kitukalhsak hi; tua lai mun panin Topa in leitung maitang khempeuh' tungah amaute thehthang hi.

Piancilna 2:14

Assiria gam nisuahna lama a luang a thumna gun min in Tigris ahi hi. A lina gun in Eufrates gun ahi hi.

Isaiah 13:21

Ahih hangin tua munah gamsate lum ding uh a, tua mun a, innte pen se-alte tawh kidim ding hi; tua munah kalaoh-vasa golpite teengin, tua munah gamkeelte laam ding uh hi.

Isaiah 18:6

Tuate khempeuh pen mual tunga vasate’ nek ding leh leitunga ganhingte’ nek dingin kinusia ding hi. Khuakhal hun ciangin vasate in ne ding a, phalbi hun ciangin leitunga ganhingte in ne ding uh hi.

Isaiah 43:14

Israelte’ Siangtho Pa, note hong Honpa, Topa in hih bangin ci hi: “Note’ hangin Babilon ah puakin, Babilon mite galtaite bangin a kisak theihpih a teembawte sungah Khaldea mite’ kikona ka guangsuk ding hi.

Ezekiel 23:23

Babilon mite, Khaldea mite, Pekod mite, Shoa mite, Koa mite, leh Assiria mite khempeuh kong paipih ding hi. Amaute a vekpi-in tangval mel hoih ngaihbaang gam ukte leh galkapmangte hi a, a vekpi-un ulianpipi, sakol tung tuang galkap mang liante vive ahi uh hi.