Isaiah 23:12 - Tedim Bible

¹² Amah in, “Sidon Tanu Siangtho aw, na lungdamna teng bei khin ta hi. Na mite in nenniamna thuak uh a, Saipras tuikulh ah a va tai uh hangin, tua lai nangawnah lungnopna hun nei lo ding uh hi,” ci hi.

Tedim Bible Revision 2017

¹² Amah in, “Sidon khuapi aw, na lungdamna teng bei khinta hi. Na mite in nenniamna thuak uh a, Saipras tuikulh ah a va tai uh hangin, tua lai nangawn ah lungnopna hun nei lo ding uh hi,” ci hi.

Isaiah 23:12 Referans Kwoze

Mangmuhna 18:22

Gawsem tumte, la siamte, tamngai tumte, peengkul tumte tumna’ aw nang sungah a nung ciangin cikmah hunin kiza nawn lo ding hi. Khutsiam pilna pawlte cikmah hunin nang sungah kimu nawn lo ding hi. An gawina ging nang sungah cikmah hunin kiza nawn lo ding hi.

Isaiah 47:1

Nungak a bang Babilon aw, hong paisuk in la, leivui lakah tu in; nungak a bang Khaldea aw, tokhom om lohna lei lakah hong tusuk in! Bang hang hiam cih leh nang pen, a moi milmel, a ngeek dikdek, hong kici nawn lo ding hi.

Ezekiel 27:6

Nangmah hawh nadingin Bashan-a tawsaw singte la uh a, Grik tuikulh pana kila taaksante tawh, na sual ding bawl uh a, saiha pak tawh zem uh hi.

Kah la 4:15

Mite in “Paikhia un mi ninte aw, hong lawng kha kei un” ci-in a kiko uh hi. Tua bangin minam khat khit nam khat kiangah pai kawikawi uh a, ahih hangin kuamah in amaute a ngai kei uh hi.

Kah la 1:15

Topa in ka galkap thahatpente nuihsan lel a, Amah in kei do ding leh ka khangnote susia dingin, galkap honpi a hong kuansak hi. Amah in ka mi thahatpente lenggah gawi zan bangin a hong gawizan sak hi.

Kah la 1:3

Judahmite, a huh ding nei lo silate bangin a inn panun a kihawl khia hi. Amaute gamdang ah teeng uh a, amau gam ding a om kei hi. Galte in umcih uh a, a suahtak theih na’ng uh lampi a om kei hi.

Jeremiah 46:11

Gilead gamah pai un la, damna zatui va la un, Izipt-te’ nungakte aw! Zatui tampi na zat khit uh hangin, damna na ngah kei uh hi.

Jeremiah 14:17

“Jeremiah aw, amaute’ kiangah hih bangin va ci in: ‘Sun-le-zanin ka khitui luangluang hen la, kang ngei kei ta hen; bang hang hiam cih leh ka mite in nakpi-in liamna a thuak uh a, nakpi takin a kisat hi.

Isaiah 47:5

Babilon aw, gamdai takin tu in la, khuamialna sungah pai in; bang hang hiam cih leh nang pen, kumpi gamte’ kumpinu hong kici nawn lo ding hi.

Isaiah 37:22

amah tawh kisai-in Topa’ thugen in hih ahi hi: ‘Sennakherib aw, Zion tanungak siangtho in nang hong simmawh in hong zahko uh hi; Jerusalem mite in na nungah a lu hong peisan lel uh hi.

Isaiah 23:7

Taang lai pek pan a, a piang, gamlapi pek panin a kiphut hih khuapi pen nomau’ lungdampih pen mah ahi hiam?

Joshua 11:8

Topa in Israelte khut sungah amaute pia a, amaute in vat gawpin a Lian Sidon leh Misrefothmaim ciang dong, leh nisuahna lamah Mizpah kuam ciang dong delh uh hi; amaute kuamah a om nawn lo dongin vatgawp uh hi.

Gamlak-vakna 24:24

Ahih hangin Kittim panin teembawte hong pai-in Ashur leh Eber gimsak ding hi; amah in zong siatna tuak ding hi,” a ci hi.

Piancilna 49:13

Zebulun in tuipi gei-ah teeng ding hi; amah in teembaw khawlmun suak ding a, Sidon ciangah a gamgi om ding hi.

Jeremiah 2:10

Bang hang hiam na cih uh leh nitumna lamah Saipras tuikulh mong dong kantan un la, va en dih un. Nisuahna lam Kedar gamah mi sawl un la, limtak kan dih un; tua bang na a piang ngei peuhmah hiam, en dih un.

Daniel 11:30

Nitumna tuipi gei a, gamte in teembaw tawh hong pai-in amah do ding uh ahih manin a lau ding hi. Tua ciangin amah kileh kik ding a, a thangpaihna tawh Pasian’ mite biakna suksiat ding a hanciam ding hi. Amah in tua biakna a nusia mite’ zol simna a mang ding hi.

Piancilna 10:4

Javan’ tapate: Eilishah, Tarshish, Kittim, leh Rodanim ahi hi.