Isaiah 22:25 - Tedim Bible

²⁵ Vanglianpen Topa in, tua ni ciangin mun hoihna a, a kikheen vankhai in lel ding hi; Topa in gen khin ahih ciangin, amah pen kitanin kia ding a, ama tunga vangik teng kisia ding hi,” hong ci hi.

Tedim Bible Revision 2017

²⁵ Tua ni ciangin mun hoihna a a kikhen vankhai in lel ding hi. Topa in gen khin ahih ciangin, amah pen kitanin kia dinga, ama tunga van gik kikhai teng kisia ding hi,” Vanglian Topa in hong ci hi.

Isaiah 22:25 Referans Kwoze

Isaiah 46:11

Nisuahna gam panin sasialne vasa khat samin, keima thu a sem khia dingin gamlapi panin mi khat ka sam hi. Thu ka gen khin a, ka tungsak ding hi; ka geel khin a, ka sem ding hi.

Micah 4:4

A kuamah peuh lungnuamin, a leenggui phung leh a theikung nuai-ah ta hithiat ding a, kuamah in patausak nawn lo ding hi. Bang hang hiam cih leh Topa’ kam mahmah in hih thu gen khin ta hi.

Isaiah 22:23

Amah pen a kician mun khatah vankhaina bangin ka khenkip ding a, ama phung sungah pahtawi ngahna phungpi suak ding hi.

Late 146:3

Huhna hong pia thei lo uliante ahi a, mihing’ tapa ahi zongin muang kei un.

Ezekiel 5:17

Na tate uh a sisak dingin kialpi hong tungsakin, a that dingin gamsate kong paisak ding a, natna, gal kidona leh gal kikapnate in note hong sisak ding hi. Topa ahi keimah in hih thu kong gen khin hi,” hong ci hi.

Ezekiel 5:15

Note tungah hehin sinsona tawh daan kong piak ciangin na kiim uh a, om minam dangte khempeuh lau ding uh hi. Amaute in note hong muhdah etin hong simmawh bawl ding uh hi.

Ezekiel 5:13

“Ka lung a kim dongin kong hih ding a, ka hehna leh ka sinsona teng na thuak ding uh hi. Note tungah hih thute hong tun’ ciangin, note cihtaklohna hangin deihsakluatna tawh a hong heh pau ka hihna na phawk ding uh hi.

Jeremiah 4:28

Tua hangin leitung kap ding a, vantung a mial ding hi. Bang hang hiam cih leh ka gensa, ka khensat sa hi-a, ka kisikkik loh bangin ka lungsim zong ka khelkik kei ding hi,” a ci hi.

Isaiah 48:15

Kei, keimah in thu genin amah ka sam a, kei in amah ka paipih a, amah a daupai ding hi.

Late 52:5

Ahih hangin Pasian in nang hong susia paisuak ding hi; amah in nang hong bawhin na buk panin hong kaikhia ding hi; a hingte’ leitang panin nang hong zunglot ding hi.

Isaiah 22:24

Ahi zongin a beh a phung, a suan a khakte khempeuh ama adingin vangikpi hi ding a, um-le-beel, kuang leh keute, hai akipan thawl dongin vankhai ah a kikhai bangin ama tungah kibom ding uh hi.