Isaiah 22:22 - Tedim Bible

²² David suan leh khakte’ khut nuai-ah aana neihna tawhtang pen ama liangko tungah ka pia ding hi; amah in hong-in, kuamah in khak lo ding hi; amah in khak-in, kuamah in hong lo ding hi.

Tedim Bible Revision 2017

²² Davidʼ suanlekhakteʼ khutnuai ah aana neihna tawhtang, ama tungah ka pia ding hi. Amah in hongin, kuamah in khak zo lo ding hi. Amah in khakin, kuamah in hong zo lo ding hi.

Isaiah 22:22 Referans Kwoze

Mangmuhna 3:7

“Filadelfia khua-ah a om pawlpi’ vantungmi kiangah hih bangin gelh in. ‘A siangtho mi, a thuman mi, David’ konghon’na a nei mi, kuama khak theih loh dingin hongin, kuama hon’ theih loh dingin a khak thei mi’ thupiakna in:

JOB (Job) 12:14

Pasian in phelkeek leh kuamah in lamkik zo lo a, Pasian in thong-ah mi koih leh kuamah in suaktasak zo lo hi.

Mangmuhna 1:18

Nidang lai-in ka sih ngei hangin tu-in en in, a tawntungin ka nungta a,! sihna leh sihna gam konghon’na ka nei hi.

Isaiah 7:2

“Siriate pen Efraim mite tawh kikop,” ci-a David’ innkuante’ tungah a kigen ciangin, huih in gamlak-a singte a mut bangin amah leh a mihingte’ lungsim kiliing hi.

Isaiah 7:13

Tua ciangin Isaiah in, “David innkuan aw, ngai un! Mite na lunggim sakna uh thu neu sa a, ka Pasian zong lunggim sak na hi uh hiam?

Isaiah 9:6

Bang hang hiam cih leh eite adingin naungek khat hong suak a, eite tungah tapa khat hong kipia hi; ama liangko tungah ukna om ding a, ama min pen, “Lamdang, Thulakpa, Vanglian Pasian, Tawntung Pa, Nopsakna Kumpi,” kici ding hi.

JOB (Job) 31:36

tua mawhsaknate kisialhna tawh ka ngawng-ah ka ok ding a, mi khempeuh in a muh dingin ka sangsak ding hi.