Isaiah 22:15 - Tedim Bible

¹⁵ Tua ahih ciangin Vanglianpen Topa Pasian in, “Hong pai in, innsung na teng a uk, neihsa kempa Shebna kiangah pai in la, ama tungah hih bangin gen in:

Tedim Bible Revision 2017

¹⁵ Tua ahih ciangin Vanglian Topa Pasian in, “Hong pai in. Inn sung na teng a uk, neihsa kem pa Shebna kiangah pai inla ama tungah hih bangin gen in:

Isaiah 22:15 Referans Kwoze

Isaiah 36:3

Tua ciangin amah tawh kimu dingin Hilkiah’ tapa ahi kumpi inn sung saipa Eliakim leh lai-atpa Shebna leh Asaf tapa ahi thuciamtehpa Joah hong paikhia uh hi.

2 KUMPI NIHNATE 18:18

Amaute in kumpipa a sap uh ciangin, amaute kiangah inn sung ukpa ahi, Hilkiah’ tapa Eliakim, leh lai-at Shebnah, leh thuciamtehpa ahi, Asaf tapa Joah hong pai uh hi.

Isaiah 37:2

Tua ciangin amah in, inn sung saipa Eliakim, lai-atpa Shebna leh siampi khangham teng dahna limin puanhampi silh kawmin Amoz’ tapa kamsangpa Isaiah kiangah sawl hi.

2 KUMPI NIHNATE 19:2

Tua ciangin amah in inn sung a ukpa Eliakim, leh lai-atpa Shebna, leh siampi luite puanhampi silhsakin Amoz’ tapa kamsangpa Isaiah kiangah sawl hi.

2 KUMPI NIHNATE 18:37

Tua ciangin inn sung a ukpa, Hilkiah’ tapa Eliakim, leh lai-atpa Shebna, leh thuciamtehpa, Asaf tapa Joahte a puan uh balkeksa-in Hezekiah kiangah hong pai uh a, a ulianpa’ kammalte ama kiangah gen uh hi.

Sawltak 8:27

Tua lai takin Ethiopia gam a uk Kandake kumpinu nuai-ah a vanglian, a vaihawm mang, ama sum khempeuh a uk, Ethiopia mi khat in Pasian bia dingin Jerusalem khua-ah a pai khit ciangin,

Isaiah 36:22

Tua ciangin Hilkiah’ tapa ahi kumpi-inn sung a sai Eliakim leh a lai-at Shebna leh Asaf tapa ahi thuciamtehpa Joah in a puan uh balkeekin Hezekiah’ kiangah pai uh a, a ulianpa’ thugen teng va gen uh hi.

Isaiah 36:11

Tua ciangin Eliakim, Shebna leh Joah in a ulianpa kiangah, “Kote in thei ngawn ka hih manun na nasemte tungah Aram pau tawh hong gen hoh in; kulh tunga om mite’ zakna-ah Judah pau tawh thu nong gen loh nadingin kong thuum uh hi,” ci uh hi.

1 KHANG TANGTHU MASATE 27:25

Kumpipa’ van manpha a ukte in: Kumpipa’ van manpha koihnate ah Adiel’ tapa Azmaveth ahi hi; tua ciangin gam sunga van manpha koihnate, khuapi sungate, khuaneute leh tausangte, sunga omte tungah Uzziah’ tapa Jonathan ahi hi;

2 KUMPI NIHNATE 18:26

Tua ciangin Hilkiah’ tapa Eliakim, leh Shebnah, leh Joah in a ulianpa kiangah, “Kong thum uh hi, kote in thei ka hih manun Aram pau-in na nasemte tungah thu hong gen in; kulh tunga om mite’ zakin Judah pau-in kote tungah hong gen kei in,” a ci uh hi.

2 KUMPI NIHNATE 10:5

Tua ahih ciangin kumpi inn a ukte leh khuapi a ukte in upate leh a kemte tawh kigawmin Jehu kiangah mi sawl uh a, “Kote in nangma nasemte ka hi uh a, nong sawl khempeuh ka hih ding uh hi. Khat zong kumpi-in ka bawl kei ding uh hi; hoih na sak bang bangin hong hih in,” a ci uh hi.

1 KUMPI MASATE 4:6

Ahishar in kumpipa inn uk ahi hi; Abda’ tapa Adoniram in aana tawh na a semte a uk ahi hi.