Isaiah 22:13 - Tedim Bible

¹³ ahih hangin note in lungdamna leh kipahna, bawngtalte leh tuute gawhna, sa nekna leh leenggahzu nekna na nei zawsop uh a, “Zing ciangin si ding i hih ciangin ne-in dawn ni” na ci uh hi.

Tedim Bible Revision 2017

¹³ Ahih hangin note in lungdamna le kipahna, bawngtalte le tuute gawhna, sa nekna le leenggahzu nekna na nei zawsop uh a, “Zing ciangin si ding ihih ciangin nene-in dawndawn ni,” na ci zawsop uh hi.

Isaiah 22:13 Referans Kwoze

Isaiah 56:12

Amaute in, “Hong pai un leenggahzu la ni, kham theih zu ne-in gilvah ni; zing ciangin zong tu ni mah bangin gen zawh lohin nuam ding hi,” ci uh hi.

1 KORIN MASA 15:32

Leitung ngeina bangin Efesa khua ah sahangte tawh ka kitot hangin bang lawhtak ka hi hiam? Mi sisate thokik lo ding ahih leh, ‘Ne ni, dawn ni, zing ciangin i si ding hi.’

Jeim 5:5

Note in leitungah lungdam nopsakna ngahin na om zo uh hi. Kithah ni adingin na lungsim uh na vaak thau zo uh hi.

Isaiah 5:22

Leenggahzu tampi a dawnte, kham theih zu nek a hatte,

Isaiah 5:12

Amaute in a pawi sung uhah laiza la sakna leh harp la sakna, khuang, tamngai leh leenggahzu tampi nei uh hi; ahih hangin amaute in Topa’ sepnate don lo uh a, a khut tawh a bawlte zong mu lo uh hi.

Isaiah 5:11

Zingsang tungin tho-in, kham theih zu delhin, leenggah zu in amaute a satsak pialpual matengin nitakin a tut kho mite in gimna ngah ta hen!

Isaiah 26:10

Mi gilote tungah na migit hangin a maanin gamtat ding thei thei tuan lo uh a, lungsim thutang mite’ gam sungah khialhna bawl lai veve uh hi. Amaute in Topa’ min liatna hong phawk nuam lo uh hi.

Isaiah 29:1

Pasian’ biakna tau ahi Jerusalem khuapi, David in a sat khuapi in gim ngah ta hen. Kumte, a ban banin paipai sak un la, pawite a ngeina bangin kot paipai sak un.

Isaiah 47:8

Tua ahih ciangin tu-in, a nuam bek a ut, lungmuang tak-a a tu hit-hiat, na lungsim sungah, “Keimah hi’ng, kei sim loh midang om kei’ meigongin om kei ning, ta-khuai cih zong sin kei ning,” a ci khuapi aw, hih thu za in:

Isaiah 58:3

“Kote in an tang napi-in bang hangin hong mu lo na hi hiam? Kote kiniamkhiatin om napi-in bang hangin hong thei kha lo na hi hiam? ci uh hi. En un, note in an na tan’ ni-un nomau’ deihna na zong uh a, na nasemte uh na nengniam uh hi.

Ezekiel 16:49

Na sanggamnu’ mawhna in: Amah leh a tanute in nek ding tampi nei-in nuamsa mahmahin dai takin om uh ahih manin amaute kiphasak uh a, a zawng a cimawhte don lo uh hi.

Hosea 9:1

Israel mite aw, mi dangte bangin lungdamin kipak kei un. Na Pasian uh na nusia uh a, ama tungah na citak kei uh hi. Numei paktatte bangin mun citeng ah Baal tungah na kizuak uh a, a hong leina ante hangin na lungdam uh hi.