Isaiah 22:12 - Tedim Bible

¹² Tua ni ciangin Vanglianpen Topa Pasian in kahna leh thuumna, sam mettolna leh puanhampi silh ding thu hong pia hi;

Tedim Bible Revision 2017

¹² Tua ni ciangin Vanglian Topa Pasian in kahna le thumna, sam mettolna le puanhampi silhna a zang dingin thu hong pia hi.

Isaiah 22:12 Referans Kwoze

Joel 2:17

Topa’ na a sem siampite, biakinn sung innlim leh biakna tau kikal-ah, kapin thu ngen uh hen la, “Topa aw, na mite hong hehpih in. Minam dangte in, ‘Na Pasian uh koi-ah om hiam?’ ci-in kote hong simmawhsak kei in la, amaute’ nuihsatin hong omsak kei in,” ci uh hen.

Joel 1:13

Siampite aw, puanhampi silhin kap un la, biakna tau-a nasemte aw, thum un. Ka Pasian’ na a semte aw, biakinn sungah tum un la, zan thapai-in dahna lim puanhampi silh un. Note’ Pasian’ inn sungah piak ding, an leh leenggahzu om nawn lo hi.

Micah 1:16

Judah mite aw, na it mahmah uh na tate uh, sal-in hong kilaksak ding ahih manin, amaute hangin na dahna lim-un na sam uh met un la, musane bangin na lu uh tolsak un.

Jeim 5:1

Sum haute aw, tu-in hong pai un; note tungah hong tung ding gimna tawlna hangin kiko-in kap un.

Amos 8:10

Na lungdam pawite uh dahna ka suaksak ding a, na lasaknate uh kahna awging ka suaksak ding hi. Dahna limin puanhampi na silh ding uh a, na sam uh zong na mettol ding uh hi. A tapa khat neihsun a sihsuah nupa na bang ding uh hi. Tua hun in a tawp dongin nasia semsem ding hi.

Jonah 3:6

Nineveh khua kumpipa in tua thu a zak ciangin a kumpi tokhom tung pan ding khia-in, a kumpi puan suah khia-a, ippi puan silhin vut lakah a tu hi.

Isaiah 15:2

A sangna munte ah a kap dingin Dibon khuamite pai to uh hi; Nebo leh Medeba khuate’ hangin Moab mite nakpi takin kap uh hi. Dahna limin lu khempeuh kimettol a, khamul khempeuh kimetmai hi;

Thuhilh-sia 3:11

Amah in na khempeuh ama hun tawh a kituak dingin bawl hi. Amah in mai lam thu theih nopna lungsim eite sungah hong guan’ a, ahi zongin ama sepnate a cing-a theih zawh nading hong guan lo hi.

Thuhilh-sia 3:4

Kah hun om a, nuih hun om hi. Dah hun om a, lam hun om hi.

JOB (Job) 1:20

Hih thu a zak ciangin Job dah lua-in a puan balkek a, tua ciangin a sam met khia-in lei lakah bok sukin Pasian bia hi.

Nehemiah 9:9

“ ‘Nangmah in Izipt gamsunga ka pute ka pate uh gimna mu-in huhna ngenin San Tuipi-ah hong kikona uh na za a,

Ezra 9:3

Hih thu ka zak ciangin dah mahmahin ka puante balkekin, ka sam leh ka khamul botin, cih nading thei loin ka om hi.

2 KHANG TANGTHU NIHNATE 35:25

Jeremiah in zong Josiah hangin kah la phuak hi; pasal lasate leh numei lasate khempeuh in tu ni dongin amau’ kahna ah Josiah tamlawh uh hi. Amaute in Israel sungah hih thu biakna ngeina kipin bawl uh hi; en in, Kah La sungah tuate kikhum hi.

Isaiah 3:24

Paknamtui tangin uihna; kawnggak tangin khauhualpi; lim tak-a kizem sam tangin lu kolhna; puan hoih tangin puanhampi; mel hoihna tangin maizumna hun hong tung ding hi.

Isaiah 26:10

Mi gilote tungah na migit hangin a maanin gamtat ding thei thei tuan lo uh a, lungsim thutang mite’ gam sungah khialhna bawl lai veve uh hi. Amaute in Topa’ min liatna hong phawk nuam lo uh hi.

Isaiah 29:1

Pasian’ biakna tau ahi Jerusalem khuapi, David in a sat khuapi in gim ngah ta hen. Kumte, a ban banin paipai sak un la, pawite a ngeina bangin kot paipai sak un.

Isaiah 32:11

Nuam tak-a om hithiat numeite aw, liing un, nomau tum tak-a a lungmuangte aw, liinglawng un; na puan uh hawkkhia-in na tangguakun om un la, na kawng uhah puanhampi teeng un.

Isaiah 58:3

“Kote in an tang napi-in bang hangin hong mu lo na hi hiam? Kote kiniamkhiatin om napi-in bang hangin hong thei kha lo na hi hiam? ci uh hi. En un, note in an na tan’ ni-un nomau’ deihna na zong uh a, na nasemte uh na nengniam uh hi.

Jeremiah 4:8

Tua ahih manin ippi puan silh un la, tau-in kap un; bang hang hiam cih leh Topa’ hehna lauhuaipi eite’ kiang pan kiheikhia nai lo hi.

Jeremiah 7:29

Jerusalem mite aw, na lu uh mettol un la, na sam uh paaimang un; mual tungah va kap un. Bang hang hiam cih leh Topa in hih a gilo khang mite ka nial zo a, ka taisan khin zo hi.

Jeremiah 16:6

Hih gamah miliante leh mineute a si ding uh a, kivui loin, amau adingin kuamah kap loin, kuamah in a pumpi uh kui liam loin, a sam uh a met kei ding uh hi.

Jeremiah 16:8

Pawi kibawlna innah na pai kei ding a, amau tawh nekhawm dawnkhawm dingin na tu kei ding hi.

Ezekiel 27:31

Nangma hangin a lu uh mettol uh a, dahna limin puanhampi silh uh a, na sa lua-in kap uh hi.

Daniel 5:1

Belshazzar in kumpi a suah ciangin pawi lianpi bawl a, u liante tulkhat samin amaute tawh zu a dawn uh hi.

Hosea 9:1

Israel mite aw, mi dangte bangin lungdamin kipak kei un. Na Pasian uh na nusia uh a, ama tungah na citak kei uh hi. Numei paktatte bangin mun citeng ah Baal tungah na kizuak uh a, a hong leina ante hangin na lungdam uh hi.

Joel 1:8

Nungak khat, a ten’pih ding a lawmpa in a sihsan ciangin puanhampi silh a, a kah bangin, note zong kapin thuum un.

Isaiah 37:1

Hezekiah Kumpipa in a zak ciangin dahin ama puante balkeek a, puanhampi silhin Topa’ inn sungah pai hi.

Isaiah 37:2

Tua ciangin amah in, inn sung saipa Eliakim, lai-atpa Shebna leh siampi khangham teng dahna limin puanhampi silh kawmin Amoz’ tapa kamsangpa Isaiah kiangah sawl hi.

Joel 2:12

Topa in hih bangin ci hi, “Tu mahmah nangawnin, lungsim tak tawh kisik kikin, an tangin, kapin, thuumna tawh kei kiangah hong paikik un.