Isaiah 22:11 - Tedim Bible

¹¹ Nangmah in, bual lui pan a, tuite khol nadingin kulhpi nih kikal ah tui beempi khat na bawl hi. Ahih hangin nangmah in, tua na a na bawlpa phawk loin, sawt pek a, a na geelpa na don kei hi.

Tedim Bible Revision 2017

¹¹ Nangmah in, bual lui pan a tuite khol nadingin kulhpi nih kikalah tuibeem pi khat na bawl hi. Ahih hangin nangmah in, tua na a na bawlpa phawk loin, sawtpekin a na geel pa na don kei hi.

Isaiah 22:11 Referans Kwoze

Micah 7:7

Ahi zongin kei ka hih leh Topa ka en ding a, kei hong suaktasak Pasian ka ngak ding hi. Ka Pasian in ka thu hong ngai ding hi.

Isaiah 31:1

Izipt gamah huhna ngen dingin paisuk a, sakolte suan’ in a nei, leengte a tam manin muang a, sakol tuangte a hat mahmah manin a suang, ahih hangin Israelte’ Siangtho Pa a suang lo, Topa thu a dong lote in gimna ngah ta hen!

Isaiah 17:7

Tua ni ciangin mite in amaute a Bawlpa pi ngaihsut ding uh a, amaute’ mit in Israelte’ Siangtho Pa en ding uh hi;

2 KUMPI NIHNATE 25:4

Tua ciangin khuapi kulh sulet uh hi; Khaldea mite khuapi kiimah a ompi mahin, kumpipa’ huan kiang lam kulhpi nih kikal kulh kongpi lampi zui-in kumpipa leh a galhang mi khempeuh zanin tai uh hi. Amaute Arabah lam manawhin pai uh hi.

Jeremiah 39:4

Judah kumpipa Zedekiah leh galkap khempeuh in amaute a muh uh ciangin a tai sim uh hi. Zan laitakin kumpipa’ huan sung tawnin kulh tegel kikal-a kongpi kan tan-in khuapi sung pan a paikhia uh a, Arabah leizang lam a manawh uh hi.

Isaiah 37:26

‘Sawt pek-a kipan ka sehsa hi a, ka geelsa ahih lamtak za lo na hi hiam? Nang in khuapi muanhuaite siasakin suang kiciang bang na suahsak nading, a sunga teeng mite a thahatna uh bei-in, lungkia-in a om mawk nading leh amaute pen, lo lai-a kungnote leh lopa ngeekte, innkhum zang a, a po, a khan’khit ma-a a keutum lopate tawh a kibat nading, tu huna ka tun’sak thute pen tang lai pek pan-a ka ngaihsutna ahi hi.

Isaiah 8:17

Jakob innkuante’ kiang panin a maitang a seel Topa ngakin amah ka muang ding hi.

Nehemiah 3:16

Ama zomah Bethzur gam phel khat a uk, Azbuk’ tapa Nehemiah in David’ han san ciang, a kibawltawm bual leh Galkap Inn ciang dong puah hi.

2 KUMPI NIHNATE 20:20

Hezekiah’ sepna a om laite, leh a vangliatna, leh tuili leh tuilakna bawlin khuapi sungah tui a tutna, Judah Kumpite Khang Tangthu Laibu sungah kigelh hilo ahi hiam?

Isaiah 22:10

nangmah in Jerusalem innte a phazah simin, kulhpi siate puah nadingin innte na phel hi.

Isaiah 7:3

Topa in Isaiah’ tungah, “Ahaz tawh kimu dingin Puansawppa’ nasepna phual zuatna-a lampi kianga a om, bual tungnung tui lakna mongah nang leh na tapa Shearjashub pai un la,