Isaiah 22:1 - Tedim Bible

^1-2 Kuam sunga mangmuhna tawh kisai thu: Kikona tawh a kidim, a gamlum khuapi, lungdam a, a diang khua aw, note khempeuh, innkhum zangah na kahtoh uh bang na cihnopna uh ahi hiam? A kithat nangma mite pen namsau tawh kithat lo a, galsunga si hi lo uh hi.

Tedim Bible Revision 2017

^1-2 Maangmuhna Kuam tawh kisai thu hih bangin gen hi: Kikona tawh a kidim, a gamlum khuapi, lungdamin a diang khua aw, note khempeuh, innkhum zang ah na kah toh uh bang na cihnopna uh ahi hiam? A kithat nangma mite pen namsau tawh a kithat hi lo a, gal sung a si hi lo uh hi.

Isaiah 22:1 Referans Kwoze

Jeremiah 21:13

“Mualkuam zang pan kilam to a, zanglei laka suangtum banga sang to Jerusalem aw, Topa in kong cih-inah, nang’ lang khatah ka pang hi. Nangmah in, ‘Kua in kei hong simsuk ding a, i omna-ah kua hong lut ding hiam?’ na ci hi.

Late 125:2

Mualte in Jerusalem kimkotah a om mah bangin, Topa in ama mite’ kimkotah tu-a kipanin a tawntungin om ding hi.

Joel 3:14

Thukhenna Kuam-ah, a tul a thenin om uh hi. Bang hang hiam cih leh, tua lai munah Topa’ ni hong tung baih ding hi.

Joel 3:12

Minamte hong kithawi hen la, Jehoshafat Kuam-ah hong kuansuk uh hen. Kiimkot-a om minam khempeuhte’ thu khen dingin, Topa ahi keimah, tua munah ka tu ding hi.

Isaiah 15:3

kongzing lakah amaute in puanhampi teng uh hi; innkhumzang leh kongzing lampi kituahnate ah mi khempeuh nakpi-in kapin khitui tawh kawt uh hi.

ROM (Romans) 3:2

A pawlpawl phattuamna tampi a om hi. A lianbel phattuamna ahih leh, amaute kiangah Pasian’ thu a kipia zo hi.

Micah 3:6

“Ka mite lam khialsak na hih manun, mailam thugen theihna maang na mu nawn kei ding uh a, bangmah na genkhol thei nawn kei ding uh hi. Kamsangte aw, note’ hun bei ta ding a, ni in hong tumsan ta ding hi,” ci hi.

Jeremiah 48:38

Moab gam innkhum khempeuh leh lam lianpi khempeuh ah kahna bekbek a om hi. Bang hang hiam cih leh Topa in kong cih-inah, leibeel suktap bangin Moab gam ka sutam a, kuamah in phamawh a sa kei hi.

Isaiah 13:1

Amoz’ tapa Isaiah in Babilon siatna ding tawh kisai a muhnate a genna:

Paunak 29:18

Pasian’ lamlahna a kizuih lohna gam-ah, gamsung mite phengtat uh a, Pasian’ thukham a zui mite a lungdam hi.

Late 114:5

Tuipi aw, na taikhiat nading, Jordan gun aw, na nungkik nading,

2 KUMPI NIHNATE 6:28

Tua ciangin kumpipa in tua nu dongin, “Na lungkhamna bang ahi hiam?” a ci hi. Amah in dawngin, “Hih numei in kei kiangah, ‘Tu ni-in amah i nek theih nadingin na tapa hong pia in, zing ciangin keima tapa i ne ding hi,’ hong ci hi.

2 SAMUEL NIHNA 14:5

Tua ciangin kumpipa in ama kiangah, “Na lungkhamna bang ahi hiam?” a ci hi. Amah in dawngin, “Kalai, meigong numei khat ka hi hi; ka pasal si hi.

1 SAMUEL MASA 11:5

Tu-in Saul a bawngtalte nung zui-in lo panin hong ciah hi; tua ciangin Saul in, “Amaute a kah nadingin bang in mite na sak ahi hiam?” a ci hi. Tua ahih ciangin amaute in Jabesh mite’ thute ama kiangah gen uh hi.

1 SAMUEL MASA 3:1

Tu-in Eli’ khut nuai ah naupang Samuel in Topa’ na sem hi. Tua hun lai-in Topa’ kammal manpha mahmah hi; mangmuh muhna om lo hi.

Thukhente 18:23

Amaute in Dan mite otsan uh a, tua ciangin amaute hong kihei-in Mikah kiangah, “Hih bang mihon tawh nong pai nading bang thu om ahi hiam?” a ci uh hi.

Thu-hilhkikna 22:8

“Na inn tung panin mi kia-in mi sihna hanga mawhna na inn sungah na tun’sak khak loh nadingin inn thak na lam ciangin na innkhum zangah tangban na khung ding hi.

Piancilna 21:17

Pasian in tangvalpa’ aw za hi; Pasian’ vantungmi in vantung panin Hagar sam a, ama kiangah, “Hagar aw, bang in hong lungkhamsak hiam? Lau kei in; bang hang hiam cih leh tangvalpa a omna mun-a a kahna awging Pasian in za hi.

Mattiu 10:27

Khuamial lakah no kiangah ka gennate, khuavak lakah na gen un. Na bil sung uhah kong gennate, innkhum vumah kiko-in na gen un.

Isaiah 22:5

Bang hang hiam cih leh Vanglianpen Topa Pasian in mangmuhna kuam sungah buaina leh tuatcil gawpna leh kitawhzauna, kulhte suksiat gawpna leh launa mualte tungah kikona ni hong tungsak hi.

Jeremiah 19:13

Jerusalem khua-a innte leh Judah kumpite’ innte—inn khum tung pan vantunga aksite khempeuh tungah paknamtui hal biakna kipiakna innte leh pasian dangte tunga dawn ding biakna a kibuakna innte khempeuh a vek-in Tofeth mun bangin a nin a suak ding hi, a ci hi,’ va ci in,” hong ci hi.

Jeremiah 32:29

Hih khuapi a sim Khaldea mite hong pai-in khuapi mei tawh a hal ding uh a, ka heh nading-a inn khum tunga Baal milimte paknamtui halna tawh a biakna innte uh leh pasian dangte’ kianga tuidawn biakna a piakna uh innte zong a haltum ding uh hi.

Jeremiah 32:32

Bang hang hiam cih leh Israel mite leh Judah mite, a kumpite uh leh a kumpi uliante uh, a siampite uh leh a kamsangte uh akipan Judah mite leh Jeursalem khua mite khempeuh in kei hong heh sak nadingin siatna a bawl uh hi.

Zefaniah 1:5

Innkhumzang ah kahto-in, ni, kha leh aksi a bia mi khempeuh ka susia ding a, keimah hong bia-in, keima tungah thuman ding gen napi-in, Milkom pasian’ min tawh a kiciam teiteite zong, ka susia ding hi.