Isaiah 21:8 - Tedim Bible

⁸ Tua ciangin a mu-pa kiko a: “Topa aw, tausang tungah sun tawntung ka ding a, ka vilna munnah zankhuavak ka om hi.

Tedim Bible Revision 2017

⁸ Tua ciangin a mu pa kiko a, “Topa aw, tausang tungah sun tawntung ka dinga, ka vilna munah zan khuavak ka om hi.

Isaiah 21:8 Referans Kwoze

1 PETER MASA 5:8

Kipin kikeem un. Kikepna tawh na ngak un. Bang hang hiam na cih uh leh, na gal uh ahi Dawimangpa in a hawk thei humpinelkai bangin kua mi ka ne ding hiam ci-in zong kawikawi-in a om hi.

Jeremiah 50:44

“En un, lo nona-a nuam taka om tuute, Jordan gam tuulak pana hong paito humpi in a delh mang bangin keimah in amaute, a gam uh nusia-in thakhat thu-in ka taimang sak ding a, a gam uh a uk dingin ka deih peuhpeuh ka seh ding hi. Bang hang hiam cih leh kei bang mi kua om ahi hiam? Ka to ding kua om lai ahi hiam? Ka mai-ah kua kumpi hong ding ngam ding ahi hiam?

Jeremiah 49:19

En un, lonona a, nuam taka om tuute, Jordan gam tuulak pan a, a hong paito humpi in a delhmang bangin keimah in amaute a gam uh nusia-in thakhat thu-in ka tai mangsak ding a, a gam uh a uk dingin ka deih peuhpeuh ka seh ding hi. Bang hang hiam cih leh kei bang mi kua om ahi hiam? Ka to ding kua om lai ahi hiam?

Jeremiah 25:38

Topa’ namsau hangin ahi zongin a lauhuai ama’ hehna hangin ahi zongin, amau’ gam in gam simtham suak khin ahih manin humpi in a kua a nusiat bangin Topa in a mite a nusia zo hi.

Jeremiah 4:7

Humpi khat a bukna sawl kawm lak pan hong kuankhia zo a, gamte susia dingpa hong paikhia khin zo hi. Na gam uh a kisia sak ding leh na khuapite uhah kuamah a teen’ loh nadingin a susia dingin ama’ omna panin hong kuankhia khin zo hi.

Isaiah 62:6

Jerusalem aw, na kulhte tungah galvilte ka koih khin hi; sun tawntung leh zan tawntungin amaute tawlnga ngei lo ding uh hi. Amaute in a thuciamna Topa phawksak ding uh a, amah in Jerusalem kipsakin leitungah phatna-in a bawl kik matengin amaute tawlnga lo ding uh hi.

Isaiah 56:10

Ama galvilte mit taw uh a, amaute khempeuh in bangmah thei lo uh hi, amaute khempeuh ui a ham thei lote hi uh a, amaute in tawng thei lo uh hi, mot paupau, lum lum, lu su-su-in om nuam sa uh hi.

Isaiah 5:29

Amaute’ kikona pen humpinelkai hawk tawh kibang a, humpinelkai khanglaite bangin amaute hawk uh hi; amaute humhamin a sa nek ding uh man uh a, amaute in puakhia-in kuamah in honkhia zo lo hi.

Late 127:1

Topa in inn lam kei leh, a lam mite’ nasepna in a mawkna ahi hi. Topa in khuapi hu kei leh, khuapi cingte’ cin’na in a mawkna ahi hi.

2 KHANG TANGTHU NIHNATE 20:24

Gamlak-a galvilna tausang ah Judahte hong tun’ ciangin mihonpite’ omna lam en uh hi; en in, amaute in lei lakah a puk mi si luanghawm vive na hi hi; a suakta kuamah om lo hi.