Isaiah 21:3 - Tedim Bible

³ Tua ahih ciangin ka pumpi na hi; nausuak numei in na a sak bangin na ka sa hi; khuaza thei lo zah dongin a kuncip-in ka om a, ka muh nate hangin lamdang sa in ka om hi. khua mu thei lo zah dongin lungkia-in ka om hi.

Tedim Bible Revision 2017

³ Tua ahih ciangin ka kawng na a, nausuak numei in na a sak bangin na ka sa hi. Khua a za thei lo zah dongin a kuncipin ka om a, khua a mu thei lo zah dongin lungkia-in ka om hi.

Isaiah 21:3 Referans Kwoze

Isaiah 13:8

amaute lau ding uh hi. Amaute in gim mahmahna leh nat velvalna thuak ding uh a, numei nausuak ding bangin na sa ding uh hi. Amaute khat leh khat lamdang sakna tawh ki-en ding uh a, a maitangte uh meikuang bang ding hi.

Isaiah 26:17

Topa aw, nangma hangin kote pen naupaii numei a hun a nai ciangin na sa-in kiheek a, a kap tawh ka kibang uh hi;

Late 48:6

numei nausuak na a sa bangin amaute liinggawp uh hi.

1 THESALONIKA MASA 5:3

Amaute in, “Nopsakna a om hi, launa om lo hi,” ci-in a gen lai takun, ta gai numei tungah ta suah hun gimna a tun’ bangin amaute tungah kisiatna gal in thakhatin tung ding a, suahtakna neukha beek a ngah kei ding uh hi.

Jeremiah 48:41

Khuapite kila-in kulhpite zong kila ding hi. Tua ni ciangin Moab galkapte in nupi nausuak dingte bangin a lau ding uh hi.

Isaiah 16:11

Tua ahih ciangin Moab gam hangin laiza la sakna bangin ka lungsim kisat gaihgaih a, Kirhareseth khuapi hangin keimahmah zong ka kisat gaihgaih hi.

Habakkuk 3:16

Hih thute khempeuh ka zak ciangin ka liing gawp a, lau lua-in ka muk liing sapsap hi. Ka guh ka taang hong zen a, guh nei lo bangin ka pukcip suk hi. Ko hong simgawp mite Pasian in a daan piak ding hun, dai takin ka ngak khikhe ding hi.

Jeremiah 50:43

“Babilon kumpipa in tua thu a za khin zo a, bangmah a cih thei kei hi. Lungkhamin lumcip a, nupi nausuak ding bangin na a sa hi.

Jeremiah 49:22

En un, galte in muvanlai bangin manlang takin hong leengin Bozrah khua tungah a sim dingin a kha hong zal ding uh hi. Tua ni ciangin Edom galkapte in nupi nausuak dingte bangin a lau ding uh hi,” a ci hi.

Isaiah 16:9

Tua ahih ciangin Jazer khuamite a kah bangin Sibmah leengguite’ hangin kei ka kap hi; Heshbon leh Elealeh khuate aw, ka khitui tawh note kong kawtsak hi; na singgahte uh minta a, na anlakna uh hangin lungdamna tawh kikonate dai ta hi.

Isaiah 15:5

Moab gam adingin ka lungsim kiko hi; a galtai ama mite Zoar khua, Eglath-shelishiah khuate ah tai uh hi. Bang hang hiam cih leh Luhith lampi-ah amaute kapsa-in paito uh hi; Horonaim khua zuatna lampi ah amaute in siatna a thuakna uh hangin nakpi-in kiko uh hi;

Thu-hilhkikna 28:67

Na lungsim un a kihtak launa leh na mit un a muh ding nate hangin, zingsangin, ‘Nitak hi leh! na ci ding uh a, nitakin, ‘Zingsang hi leh!’ na ci ding uh hi.

Johan 16:21

Numei in ta a suah lai takin a hun tung ahih ciangin a dah hi. Ahih hangin ta a suah khit ciangin leitungah mi khat suak ahih ciangin lungdam a, a gimna a phawk nawn kei hi.

Jeremiah 4:19

Aw, ka lungtang, ka lungtang! Na ka sa mahmah hi! Ka lungtang kisai vanvan a, ka om hithiat thei kei hi; bang hang hiam cih leh peengkul mutna aw, gal kisimna aw ka za hi.

Jeremiah 6:24

Tua thu i za khin zo a, bangmah i cih thei kei hi. Lungkhamna in hong hencip a, nupi nau suak ding bangin na i sa hi.