Isaiah 21:2 - Tedim Bible

² A kihtak huai mangmuhna khat kei tungah hong kigen hi; A lehheekpa in lehheekin a sut thei mipa in sut hi, a susia thei mipa in susia hi. Elam galkapte aw, kuan to un, Media galkapte aw, umcih un; Babilon’ pian’sak ahi, khuisatnate khempeuh Pasian in beisak ta hi.

Tedim Bible Revision 2017

² A kihtakhuai maangmuhna khat kei tungah hong kigen hi. A sut zo mipa in sut a, a susia zo mipa in susia hi. Elam galkapte aw, kuan to un. Media galkapte aw, umcih un. Babylonʼ piansak khuisatnate khempeuh Pasian in beisak ta hi.

Isaiah 21:2 Referans Kwoze

Jeremiah 49:34

Judah gamah Zedekiah kumpi a suah tungin Elam gam tawh kisai-in Topa in kamsangpa Jeremiah a hopih hi.

Isaiah 33:1

Hong kisusia nai lo, mi a susiapa aw, gimna a ngah ding na hi ta hi. Kuamah in hong khem nai loh mi khempa aw, gimna a ngah ding na hi ta hi. Na suksiat nawn loh ciangin nang hong kisusia ding a, na khem nawn loh ciangin nang hong kikhem ding hi.

Isaiah 24:16

Lei mong a gamla pen pek pan nangawnin “a thuman Pa in vanglian ta hen’ cih la i za ding hi. Ahih hangin keimah in, “Ka lungkham hi, ka lungkham hi. Gimna ngah hi ta ing! Bang hang hiam cih leh mi khemte in khemkhem lai-in sia semsem uh a, khem zawh thu ciam lailai uh hi,” ka ci hi.

Late 60:3

Nangmah in na mite haksatna na thuaksak khin hi; ka dawn dingun nangmah in ko hong hoisak leenggahzu nong piakhin hi.

Mangmuhna 13:10

A kiman dingte a kiman ding hi. Mi khatpeuh in namsau tawh midang a thah leh, tua in zong namsau tawh thahna a thuak ding hi. Hih thu-ah misiangthote’ thuakna leh upna a om hi.

Daniel 5:28

PARSIN: na gam kikhen kham a, Media leh Persiate a kipia zo hi,” ci-in a dawng kik hi.

Daniel 8:20

Na muh ki nih a nei tuutal in Media leh Persia gam kumpite a cih nopna ahi hi.

Kah la 1:22

A gitlohna hangun amau tungah thukhen in. Ka mawhna hanga daan nong piak mah bangin amaute zong daan pia in. Gimna ka thuak manin ka tau a, ka lungtang a gim hi.

Jeremiah 51:53

Babilon khua vantung-ah a kahtoh theih a, a sangpi-ah kip takin gal dalna a bawl theih hangin, Topa in kong cih-inah, kei’ kiang panin amah susia ding mi a hong pai teitei ding hi.

Jeremiah 51:44

Babilon khuate’ pasian Bel zong ka daantat ding a, a na guksa teng ka lak khiatsak kik ding hi. Gamdangte in amah a bia nuam kei ding uh hi; Babilon khua kulhpi a cim ta hi.

Jeremiah 51:11

“Thaltangte hiam un! Lumte la un! Topa in Babilon khua susia nuam ahih manin Media kumpite a hanthawn hi. Bang hang hiam cih leh hih in a biakinnpi hanga Topa’ thuhkikna ahi hi.

Jeremiah 50:34

Ahih hangin amaute a Tankhiapa hat a, a vanglian Topa kici hi. Amah in leitungah kilemna a om nading leh Babilon mite in gimna a ngah nadingin, amaute adingin a sem ding hi.

Jeremiah 50:14

No thal tawite khempeuh aw, Babilon khua sim dingin a kimkotah gal pang un. Thaltang khat beek siit kei un la, kap un; bang hang hiam cih leh Topa’ tungah a mawh zo uh hi.

Jeremiah 45:3

Nangmah in, ‘Gimna ka thuak hi! Bang hang hiam cih leh Topa in ka dahna leh ka natna hong behlap hi. Ka tautauna-in ka gim khin zo a, ka tawlnga thei kei hi,’ na ci hi.

Jeremiah 31:25

Bang hang hiam cih leh a gim mite ka tawldam sak ding a, gil kial a, a tha zawm mite khempeuh an ka vak kham ding hi,” a ci hi.

Jeremiah 31:20

Efraim, ka it ka tapa ahi hiam? Amah ka ngaihno ahi hiam? Bang hang hiam cih leh ama’ thu ka gen simin amah ka phawk lailai hi. Tua ahih manin amah ka ngaihsun tawntung a, ka hehpih taktak ding hi, Topa in ka ci hi.

Isaiah 47:6

Ka mite’ tungah ka heh a, keima luah gamh ka ninsak hi; nangma khut sungah amaute kong pia a, nang in amaute na hehpih kei hi; a khangham mite tungah na hakkol na giksak mahmah hi.

Isaiah 35:10

Topa’ tatkhiatsa mite hong ciah kikin, lungdam tawntungna mai pua-in lasa kawmin Jerusalem hong tung ding uh hi; amaute in lungdamna leh kipahna ngah ding uh a, dahna leh khuisatna om nawn lo ding hi.

Isaiah 22:6

Sakol leengte leh sakol tung tuangte tawh Elam galkapte in thallawng pua a, Kir galkapte in a lumte uh a baihsa-in nei uh hi.

Paunak 13:15

Thu ngaihsut theihna in maipha ngahna hi a, zuautatna in lungkhamna bek piangsak hi.

Late 79:11

Thongkiate’ taunate ngai in la, thah dinga a kisehte nangma vangliatna tawh kizui-in suakta sak in!

Late 12:5

Topa in, “Mizawng mi a neihsa kihawkkhia a, mi cimawh mi thuum ahih ciangin, tu’n ding-in, ama lunggulh lungmuan’na munah amah ka koih ding hi,” ci hi.

1 SAMUEL MASA 24:13

Taang-ate’ paunak in, ‘A gilote’ sung panin gitlohna hong piang,’ a cih mah bang ahi hi. Ahih hangin keima khut in nang hong hih lo ding hi.

2 KUMPI NIHNATE 17:6

Hoshea’ kum kua-na kumin Assiria kumpipa in Samaria la a, amah in Assiria ah Israel mite ciahpih a, Halah gam sung, leh Gozan gam a, gun om Habor, leh Media khuapite sungah amaute koih hi.

Late 25:3

Hi hi, nang hong ngakte kuamah zahhuaisak kei in; thu khual lo-a zuau theite zahhuaisak in.

Late 119:158

Thuman lo mite enin ka kih hi, bang hang hiam cih leh amaute in nangma thupiaknate zui lo uh hi.

Daniel 5:9

Tua ciangin Belshazzar kumpipa a lungkham mahmah a, a mel daang semsem a, a u liante in a cih nading meel a thei kei uh hi.

Piancilna 10:22

Shem’ tapate: Elam, Asshur, Arpakshad, Lud, leh Aram ahi hi.

Isaiah 11:11

Tua ni ciangin Topa in, Assiria gam, Izipt gam, Pathros gam, Ethiopia gam, Elam gam, Shinar gam, Hamath gam leh tuipi gei-a gamte panin ama mi a om laite a ngahkik nadingin a vangliatna zang kik ding hi.

Isaiah 14:4

Babilon kumpipa’ tungah hih zahkona kam na zang ding uh hi; “A nengniampa koi ci bei! a hehna koi ci khawl!

Isaiah 14:7

Leitung khempeuh tawlnga-in gamdai takin om ta uh a, amaute la sa-in kiko uh hi.

Jeremiah 25:25

Zimri kumpite khempeuh, Elam kumpite khempeuh, leh Media kumpite khempeuh;

Jeremiah 49:35

A vanglian Topa in a cih-inah: “En in, Elam gam’ hatna bulpi ahi a thalpite ka kuaitan ding hi.

Daniel 8:2

Ka mangmuhna-ah thakhatin Elam gam khen sung Susa khuapi kulh sunga a om-in ka kingaihsun a, Ulai gun gei-ah ka ding hi.