Isaiah 21:1 - Tedim Bible

¹ Babilon gam tawh kisai thu: Pingpeite leitaw lam panin hong kipat mah bangin, a lauhuai gam panin siatna hong pai hi.

Tedim Bible Revision 2017

¹ Babylon gam tawh kisai thu hih bangin gen hi: Leitaw lam panin pingpei hong kipat mah bangin, a lauhuai gam panin siatna hong pai hi.

Isaiah 21:1 Referans Kwoze

Isaiah 14:23

Simbute’ om nadingin tua khuapi bawlin, bualtui ka suaksak ding a, siatna munphiah tawh ka phiat khia siang ding hi,” Vanglianpen Topa in ci hi.

Jeremiah 51:42

Babilon gamah tuipi hong kahto a, tuihual lauhuaite in tuam ta hi.

Isaiah 13:1

Amoz’ tapa Isaiah in Babilon siatna ding tawh kisai a muhnate a genna:

Zekhariah 9:14

Ama mite tungah Topa kilang ding a, a thaltang lot khuaphia bang ding hi. Topa Pasian in peengkul tum ding a, leitaw lam pan-a hong nung huihpi tawh va kuankhia ding hi.

Isaiah 17:1

Damaskas tawh kisai thu:— En in, Damaskas in khuapi hi nawn loin, ninbulomtang suak ding hi.

Daniel 11:40

Siria kumpipa hun a bei dektak ciangin, Izipt kumpipa in amah a sim ding hi. Siria kumpipa in a tha neih teng siit loin tuikhang bangin, sakol tawh, sakol galkapte tawh, teembaw tampi tawh Izipt a do ding hi.

Ezekiel 31:12

Thu khualna a nei lo gamdang mite in tua singkung phukin nusia cip ding uh hi. Mual khempeuh leh guam khempeuh ah, a hiang kitante kia ding uh hi. A liim a beel minam khempeuh in taisan ta ding uh hi.

Ezekiel 30:11

Amah leh a kihtakhuaipen minam a galkapte hong pai ding a, gamsung khempeuh susia ding hi. Namsau tawh Izipt mite vatlum ding uh a, gamsung khempeuh ah misi luanghawm dim ding hi.

JOB (Job) 37:9

Leitaw lam pan guahpi hong zu a, leilu lam pan huihpi hong nung hi.

Isaiah 5:28

amau’ thaltangte hiam a, a thal khempeuh uh a kikeeksa ahi hi, amau sakolte’ khecinte pen meisuang bangin sak a, a leengpeite uh pingpei bangin manlang hi.

Ezekiel 1:4

Ka khuadak leh, leilu lam panin huihpi hong nung ka mu hi. Tua huihpi tawh a hong ton meiipi lak panin khua hong phia a, a kimkot teng taang pempam hi. Tua khua phiatna mun pen sumngo tawh kibangin taang hi.

Ezekiel 38:9

Nang leh na galkap honpite leh nang hong pawlpih minam tampite in khuapi huih bangin na sim gawp ding uh a, meiipi bangin a gam sung khempeuh na tuamcip ding uh hi.

Isaiah 13:13

Tua ahih ciangin ama sinso ni-in Vanglianpen Topa’ hehna hangin vantung lau-in ka liingsak ding a, ama omna panin leitung kisingkhia ding hi.

Isaiah 14:1

Topa in Jakob hehpihin Israel teel kik ding a, amaute pen a gam uhah koih kik ding hi, khual mite in amaute pawlin Jakob innkuan beel ding uh hi.

Isaiah 14:14

meiite’ tung pekah ka kahto ding a, Sang Penpa bangin ka kibawl ding hi,’ na ci hi.

Isaiah 47:1

Nungak a bang Babilon aw, hong paisuk in la, leivui lakah tu in; nungak a bang Khaldea aw, tokhom om lohna lei lakah hong tusuk in! Bang hang hiam cih leh nang pen, a moi milmel, a ngeek dikdek, hong kici nawn lo ding hi.

Jeremiah 51:1

Topa in a cih-inah: “En un, Babilon khuapi leh Khaldea gama teengte susia dingin keimah in huih ka nungsak ding hi.

Jeremiah 51:51

Note in, ‘Kote in maizumna ka thuak uh a, simmawhna kam ka za khin uh hi. Minsiatna in ka maitang uh hong tuam khin hi; bang hang hiam cih leh Topa’ biakinn siangtho, gamdang mite in a hong lak sak uh hi,’ na ci uh hi.