Isaiah 20:6 - Tedim Bible

⁶ Tua ni ciangin hih tuipi gei-a teeng mite in, “En un, eite’ muan Assiria kumpipa’ kiang pan a, eite huhin honkhia dingin i belh mite’ tungah hih bang piang khin ta hi. Eite bangci suahtak ding i hi hiam?’ ci ding uh hi,” a ci hi.

Tedim Bible Revision 2017

⁶ Tua ni ciangin hih tuipi gei-a teeng mite in, ‘En un, eiteʼ lametna, Assiria kumpipaʼ kiang panin eite hong hon khia dingin i belh miteʼ tungah hih bang piang khinta hi. Eite bangci suahtak ding ihi hiam?’ ci ding uh hi,” a ci hi.

Isaiah 20:6 Referans Kwoze

1 THESALONIKA MASA 5:3

Amaute in, “Nopsakna a om hi, launa om lo hi,” ci-in a gen lai takun, ta gai numei tungah ta suah hun gimna a tun’ bangin amaute tungah kisiatna gal in thakhatin tung ding a, suahtakna neukha beek a ngah kei ding uh hi.

Mattiu 23:33

Mualtan’ suante aw, note in hel khua khiat ding thu tan’na bangci na suakta thei ding uh hiam?

Jeremiah 47:4

Filistia mite khempeuh kisia-in, Tai-ar leh Sidon pana huhnate khaktan-in, suksiat ni ding hong tung ta hi. Bang hang hiam cih leh Topa in Filistia mite leh Kaftor tuipi gei-a a om laite ka susia ding hi.

Isaiah 28:17

Keimah in thutan’na pen khau khai bangin ka bawl ding a, thuman’na pen khaukhai sikbawk bangin ka bawl ding hi; gial in na zuau buk uh dengkhia ding a, tui in na bukna mun uh susia ding hi,” ci hi.

Isaiah 10:3

Dan piak ni hun, gamlapi panin siatna hong pai ciangin note in bang cih ding na hi uh hiam! Huhna ngenin kua kiangah tai ding a, na neihsa uh koi-ah koih ding na hi uh hiam?

JOB (Job) 22:30

Nang a mawhbaang lo a, na gamtatna a man ahih nak leh amah in nang hong hon ding hi,” a ci hi.

JOB (Job) 6:20

Ahi zongin tua a lametna uh ah cimawh uh hi; tua tui zuan uh a, a om loh ciangin cih nading thei loin kam ka uh hi.

Jeremiah 4:30

A kisia ding nangmah in bang cih ding na hi hiam? Puan san silh-a kham tawh na kizep liatluat hangin, na mitte zemin na golsak hangin, a mawkna-a kizem na hi ta hi. Na lawm ngaihte in nang hong paaikhia uh a, hong that nuam uh hi.

Jeremiah 30:1

Topa in Jeremiah hopih a,

Jeremiah 30:7

Nu ei! tua ni lianpi hong tung ding a, nidang tawh teh theih hi lo ding hi! Jakob’ suante’ gimna ngah hun hi ding a, ahih hangin amau a suakta veve ding uh hi.

Jeremiah 31:1

“Topa in kong cih-inah, tua hun ciangin keimah in Israel mi khempeuhte’ Pasian ka hi ding a, amaute in ka mite ahi ding uh hi.”