Isaiah 20:4 - Tedim Bible

⁴ Assiria kumpipa in, Izipt gam mite’ maizumna ahi, a moi a hamin, tangguak kheguakin, tawbo dawksa-in, Izipt mite gal-in manin, Ethiopia mite sal-in manin paikhiatpih ding hi.

Tedim Bible Revision 2017

⁴ Assiria kumpipa in, Egypt gam miteʼ maizumna ahi, a moi a hamin, tangguak kheguakin, tawbo dawk sa-in, Egypt mite galin manin, Ethiopia mite salin manin paikhiatpih ding hi.

Isaiah 20:4 Referans Kwoze

Isaiah 19:4

Izipt mite pen a haksa kumpi khut sunga ka pia ding a, a kihtak huai a gilo kumpipa in amaute uk ding hi, Topa ahi Vanglianpen Topa in ci hi.

Jeremiah 13:26

Keimahmah in na nik kong hawksak ding a, kong maizum sak ding hi.

Jeremiah 13:22

‘Bang hang-a hih thute kei’ tungah hong tung ahi hiam?’ ci-a na ngaihsut leh na mawhna a liatluat hang ahi hi. Tua hangin na nik hong kihawk gawp sak a, a hong kibuan gawp hi.

Mangmuhna 3:18

nang in na hauh nadingin mei tawh kisiang saksa kham ahi zongin, puan nei loin omin na zumhuaina a kilat loh nadingin nangma silh ding puanpaak ahi zongin, mit khuamuh nadingin nuh ding mit-za ahi zongin kei kiang pan na lei nading kong hansuah hi.

Micah 1:11

Shafir khua-a teeng mite aw, guaktangin maizumna tawh salin pai un. Za-anan khua-a teeng mite, a hingin paikhia ngei lo ding hi. Beth-ezel khuamite kahna leh thuumna na zak uh ciangin, tua khua sungah belh ding munmuanhuai a om lohna na thei ding uh hi.

Ezekiel 30:18

Izipt’ vangliatna ka suksiat ciangin Tahpanhes khuapi-ah khim zing ding a, a kisaktheihpihna teng uh bei ding hi. Izipt gamsung meiipi in khuhcip ding a, a mi khempeuh sal-in pai ding uh hi.

Jeremiah 46:26

Amaute a that nuam Babilon kumpipa Nebukhadnezzar leh a uliante’ khut sungah amaute ka pia ding hi. Tua khit ciangin Topa in kong cih-inah, nidang lai bangin Izipt gamah mi a teeng kik ding hi.

Isaiah 47:3

Na selsim teng kilang ding a, na maizumna teng kimu ding hi. Keimah in kong thukkik ding a, kuamah ka zah kei ding hi.

Isaiah 3:17

Topa in Jerusalem numeite lutang meima sakin, Topa in amau’ lutang kolhsak ding hi.

2 SAMUEL NIHNA 10:4

Tua ahih ciangin Hanun in David’ nasemte manin a khamul uh a lang ciat kiat khiatsak a, a puan uh a laizang, a kawng ciangah at khiatsakin amaute sawlkhia hi.

Isaiah 47:2

An gawina suangte la in la, an gawi in; na kikhuhna puan lakhia in la, na nik na puan suah-in gunte kantan in.

Jeremiah 46:19

Sal-a hong kipaipih ciang ading na puanlomte uh, zial khol un, no Izipt gama teengte aw! Bang hang hiam cih leh Memfis khua in gamlak suak ding a, kisia-in kuamah teeng lo ding hi.

Amos 9:7

Topa in hih bangin ci hi: Israel mite aw, Ethiopia mite tawh a kibangin note ka hong bawl a, Izipt panin note ka hong paikhiatpih bangin, Kaftor gam panin Filistia mite ka paihkhiatpih a, Kir gam panin Siria mite ka paikhiatpih hi.

Nahum 3:10

Tua bang hi napi-in, Thebes khuamite kipua khia-in sal suak uh hi. Konglak mun citengah a tate uh kisatlum hi. A miliante, sikkol kibulhin kipua khia a, amau a man galte in hawm uh hi.

Zefaniah 2:12

No Ethiopia mite zong, Topa in namsau tawh hong that ding hi.

1 KHANG TANGTHU MASATE 19:4

Tua ahih ciangin Hanun in David’ nasemte manin a khamul uh metsak a, a kawngciang uhah a puante at khiatsakna tawh amaute daisakin sawl khia hi; tua ciangin amaute kihem uh hi.

Isaiah 31:2

Ahih hangin amah pil-in gimna tungsak a, a thu gensate dokkik loin, siatna bawl mite leh mawhna nasep a seppihte daan a pia hi.

Isaiah 31:3

Izipt mite mihing hi a, Pasian hilo hi; amau’ sakolte in sa hi a, kha hilo hi. Topa in a khut a zan ciangin a huhpa puk-in, huhna a ngahpa tuk ding a, amaute khempeuh siakhawm ding uh hi.