Isaiah 20:2 - Tedim Bible

² Tua hun ma kum thum lai takin Topa in Amoz’ tapa Isaiah tung tawnin thu genin, “Na puanhampi suah in la, na khe panin na khedapte suah in,” a ci hi. Amah zong tua mah bangin gamta-in, tangguak leh kheguak tawh lam pai hi.

Tedim Bible Revision 2017

² Tua hun ma kum thum laitakin Topa in Amozʼ tapa Isaiah tungtawnin thu genin, “Na puanhampi suah inla, na khe panin na khedapte suah in,” a ci hi. Amah zong tua mah bangin gamta-in, tangguak le kheguak tawh lam a pai hi.

Isaiah 20:2 Referans Kwoze

Mattiu 3:4

Johan in kalaoh mul kigan puan silh a, savun kawnggakin a kawng a gak hi. Kauphe leh gampa lak khuaizu in a kivak hi.

Micah 1:8

Tua ahih manin kei kapin ka thuum ding a, ka dahna thu ka lah nadingin khe guak leh guaktangin ka vak ding hi. Gam-ui bangin ka ham ding a, kalaoh-vasa bangin ka tau ding hi.

1 SAMUEL MASA 19:24

Amah in zong a puante suahkhia-in, Samuel’ mai-ah zong mailam thu genin, tua sun tawntung leh tua zan tawntung a guaktangin om hi. Tua huna kipanin, “Saul zong kamsang suak khin ahi hiam?” kici hi.

Zekhariah 13:4

Tua ni hong tun’ ciangin, kamsangte in a mangmuh theihna uh kisialhpih ngam loin, kamsangte bangin zong puansilh ngam loin, kamsang zong kineih ngam lo ding uh hi.

Ezekiel 24:23

Lukhu khu-in khedap na bulh ding uh a, thuum lo, tau loin na om ding uh hi. Note’ gitlohna hangin note maimangin, a tau khawm litlit ding na hi uh hi.

Ezekiel 24:17

Mite’ zak dingin zong na kidiik kei ding a, dahna limin lukhu khu lo, khedap bulh lo, cih bangin na om kei ding hi. Na mai zong na khuh kei ding a, a dahte’ annekte pawl zong na ne kei ding hi,” hong ci hi.

Micah 1:11

Shafir khua-a teeng mite aw, guaktangin maizumna tawh salin pai un. Za-anan khua-a teeng mite, a hingin paikhia ngei lo ding hi. Beth-ezel khuamite kahna leh thuumna na zak uh ciangin, tua khua sungah belh ding munmuanhuai a om lohna na thei ding uh hi.

Isaiah 13:1

Amoz’ tapa Isaiah in Babilon siatna ding tawh kisai a muhnate a genna:

Mangmuhna 11:3

Ka teci nihte zong thu ka pia ding a, amaute in khautang puan silhin ni tul khat, zanih leh sawmguk dongin kamsangte bangin thu a hilh ding uh hi,” hong ci hi.

Sawltak 19:16

dawigilo lutpa in tuate tungah diangin amah in zo zaw a, amaute in puan nei loin, liamin, inn pan a taikhia uh hi.

Johan 21:7

Tua lai takin Zeisu’ it nungzuipa in Piter kiangah, “Topa ahi hi,” a ci hi. Topa ahih lam Simon Piter in a theih ciangin, puanak tungsilh guak tawh tuili sungah a tuaksuk hi.

Mattiu 16:24

Tua ciangin Zeisu in, “Mi khatpeuh in kei hong zuih nop leh, a pumpi nial a, ama singlamteh pua-in hong zui ta hen.

Ezekiel 4:5

ni zathum leh ni sawmkua sung na thuak ding hi. Bang hang hiam cih leh amau’ daan thuak ding kum khat sung tang dingin ni khat, amau’ thuak ding kum zah nangmah in a ni-in na thuak ding hi.

2 KUMPI NIHNATE 1:8

Amaute in amah dawngin, “Amah in samul puan khat silh a, a kawngah savun kawnggak gak hi,” a ci uh hi. Tua ciangin amah in, “Amah in Tishbe mi Elijah ahi hi,” a ci hi.

2 SAMUEL NIHNA 6:20

Tua ciangin a innkuan thupha pia dingin David ciah hi. Ahih hangin David dawn dingin Saul’ tanu Mikhal hong paikhia a, “Tu ni-in Israel kumpipa, mi mawkmawkte khat maizum lo a, a guak om bangin, a nasemte, numeite’ muhna-ah a guak tangin omin, amahmah bangci kipahtawi ahi hiam?” a ci hi.

Joshua 5:15

Tua ciangin Topa’ galkapte a ukpa in Joshua kiangah, “Na khe panin na khedapte suah in; bang hang hiam cih leh na din’na mun in a siangtho leitang ahi hi,” a ci hi. Tua mah bangin Joshua gamta hi.

Paikhiatna 3:5

Tua ciangin amah in, “A nai-ah hong pai kei in; na khe panin na khedapte suahkhia in, bang hang hiam cih leh nangma' din’na mun in lei siangtho ahi hi,” ci hi.

Sawltak 21:11

Tua pa in kote kiangah hong tung a, Paul’ kawnggak la-in, a khut a khe a hen khit ciangin, “Hih kawnggak neipa Jerusalem khua-ah a om Judah mite in hih bangin henin, Gentailte’ khut tungah a pia ding uh hi,’ ci-in Kha Siangtho in hong ci hi,” a ci hi.

2 SAMUEL NIHNA 15:30

Ahih hangin Oliv Mual tung kahtohna-ah David paito-in, khe guak leh lu tuamsa-in a pai kawmin kap hi; amah tawh a om mi khempeuh in a lu uh khuhin paito uh a, a pai kawmun kap uh hi.

Late 30:11

Topa ka Pasian aw, nangma tungah lungdamna kong koh tawntung theih nading, ka lungsim in nang hong phat theih nading, a dai om mawk loh nadingin, ka thuumna ka taunate lamna tawh nong heisak a, dahna lim ahi ka puanhampi hong suahsakin nuamna nong guan hi.

Isaiah 1:1

Judah gam kumpite ahi Uzziah, Jotham, Ahaz leh Hezekiahte’ hun lai in, Amoz’ tapa Isaiah in Judah gam leh Jerusalem khua tawh kisai a muh mangmuhnate in:

Isaiah 37:2

Tua ciangin amah in, inn sung saipa Eliakim, lai-atpa Shebna leh siampi khangham teng dahna limin puanhampi silh kawmin Amoz’ tapa kamsangpa Isaiah kiangah sawl hi.

Jeremiah 48:37

“Mi khempeuh in a lu uh met tol uh a, a khamul uh kiatsiang uh hi. A khutte uh kui kek uh a, a kawng uhah ippi puan a teeng uh hi.

Ezekiel 4:1

Tua khit ciangin, “Ezekiel aw, leisek khat la-in na mai-ah koih in la, Jerusalem khuapi lahna-in tua leitsek tung git in.