Isaiah 20:1 - Tedim Bible

¹ Assiria kumpipa Sargon in a sawl galkap mang lian penpa in Filistia khuapi Ashdod-ah pai-in, tua khua va do hi.

Tedim Bible Revision 2017

¹ Assiria kumpipa Sargon in a sawl galkap maang lianpen pa, Filistia khuapi Ashdod ah pai-in, tua khua va sim hi.

Isaiah 20:1 Referans Kwoze

2 KUMPI NIHNATE 18:17

Tua ciangin Assiria kumpipa in Lakhish panin Kumpi Hezekiah kiang Jerusalem ah galkap hon lianpi khat tawh a galkapmang lian penpa, a innsung mang lianpenpa, leh a ulian khat a sawl hi. Amaute paito-in Jerusalem tung uh hi. Amaute a tun’ uh ciangin amaute hong pai-in puansawppa’ nasepna phual zuatna lampi a, om bual tungnung tuilakna gei-ah hong ding uh hi.

Amos 1:8

Ashdod khuapi-a teeng mite ka lakhia ding a, Ashkelon khuapi ukte ka beisak ding hi. Ekron khuapi ka sugawp ding a, Filistia mi a om laite si ding uh hi.

Jeremiah 25:20

amau’ lak-a teeng gamdang mite khempeuh; Uz gam sunga kumpite khempeuh leh Filistia gam sunga Ashkelon, Gaza, Ekron khuapite leh Ashdod khuapi-a om lai sunte’ kumpite khempeuh;

1 SAMUEL MASA 6:17

Filistiate in mawhna hanga biakna-in Topa tungah a piak uilut lim khamte in: Ashdod ading khat, Gaza ading khat, Ashkelon ading khat, Gath ading khat, Ekron ading khat ahi hi;

1 SAMUEL MASA 5:1

Filistiate in Pasian’ thuciamna singkuang a mat uh ciangin Ebenezer panin Ashdod-ah pua uh hi,

Joshua 11:22

Israel mite’ leitangah Anak mite khat zong om nawn lo hi; Gaza, Gath, leh Ashdod sung bekah pawlkhat om lai hi.

2 KHANG TANGTHU NIHNATE 26:6

Amah kuankhia-in Filistiate va sim a, Gath khuapi kulh, Jabneh khuapi kulh leh Ashdod khuapi kulh sucim hi; tua ciangin amah in Ashdod gam sung leh Filistiate gam sung mun dangte ah khuapite lam hi.

Isaiah 14:31

Filistia khuapi kongpite aw, nakpi-in kap un; khuapite aw, kiko un; Filistia mi khempeuh aw, lau-in liing un! Bang hang hiam cih leh leilu lam panin galkap honte’ hong paina leivui khu hong kitung a, tua galkapte lakah a meidawi khat beek om lo hi.”