Isaiah 2:7 - Tedim Bible

⁷ Amau gam in ngun leh kham tawh kidim a, amau sumte in bei hun cih nei lo hi; amau gam in sakolte tawh kidim a, amau leengte in bei hun cih nei lo hi.

Tedim Bible Revision 2017

⁷ Amauʼ gamah ngun le kham kidim a, amauʼ sumte in bei hun cih nei lo hi. Amauʼ gam pen sakolte tawh kidim a, amauʼ leengte in bei hun cih nei lo hi.

Isaiah 2:7 Referans Kwoze

Isaiah 31:1

Izipt gamah huhna ngen dingin paisuk a, sakolte suan’ in a nei, leengte a tam manin muang a, sakol tuangte a hat mahmah manin a suang, ahih hangin Israelte’ Siangtho Pa a suang lo, Topa thu a dong lote in gimna ngah ta hen!

Isaiah 30:16

“Hi lo! Sakol tungah manlang takin i tai ding hi,” ci na hih uh ciangin note na taikhia ding uh a; “Sakol zaptel tungah i tuang ding hi,” ci na hih uh ciangin note hong delh mite zong zaptel ding hi.

Late 20:7

Pawlkhat in leengte kihihsak pih-a, pawlkhat in sakolte kihihsak pih hi; ahih hangin eite in Topa i Pasian’ min i kihihsak pih hi.

Micah 5:10

Topa in hih bangin ci hi: Tua hun ciangin na sakolte uh hong paihkhiatsakin, na leengte uh ka susia ding hi.

Mangmuhna 18:3

Bang hang hiam na cih uh leh, tua khuapi in a bawl nu leh pa mawhna bawlna leenggahzu hangin mipawl khempeuh kipukin a kisia uh hi. Leitung kumpite in zong amah tawh a mawh uh a, ama hauh luat-na hangin leitungah a om sumbukte in a hauh lawh uh hi,” ci-in nakpi aw tawh a kiko hi.

Hosea 14:3

Assiria mite in hong honkhia zo ngei lo ding a, sakol galkapte zong suan’in, ka nei kei ding uh hi. Kote’ bawlsa milimte pen Pasian hi, ka ci nawn kei ding uh hi. A cimawh mite in nangma tung panin hehpihna a ngah theih lam ka thei uh hi,” ci-in thu ngen un.

1 KUMPI MASATE 4:26

Solomon in a leengte adingin buk a nei ciat sakol tul sawmli leh sakol tung tuang mi tulsawm leh tulnih zong nei hi.

Isaiah 57:17

Amau’ huaiham-mawhna hangin ka heh a, ka heh lungsim tawh amaute daan pia-in ka mai ka sel hi. Ahih hangin amaute a lungsim khauhin, a gamtat ngei bangun gamta veve uh hi.

JOB (Job) 3:15

a inn uh ngun leh kham tawh a kidim a hau uliante tawh han-ah ka tawlnga khin ta ding hi.