Isaiah 2:4 - Tedim Bible

⁴ Amah in minamte khat leh khat kikal ah thukhenin, mi tampite’ thu khentat sak ding hi; amaute in a namsaute uh lo khawh na tu, a teipite uh singhiang heuhna temkawi-in seek ding uh hi; Minam khat leh minam khat kido nawn lo ding a, galdo dingin kithawi nawn lo ding uh hi.

Tedim Bible Revision 2017

⁴ Amah in minamte khatlekhat kikalah thu khenin, mi tampiteʼ thu khensak ding hi. Amaute in a namsaute uh lokhawhna tu, a teipite uh singhiang heuhna temkawi-in a seek ding uh hi. Minam khat le minam khat kido nawn lo ding uh a, galdo dingin kithawi nawn lo ding uh hi.

Isaiah 2:4 Referans Kwoze

Micah 4:3

Amah in minam tampite’ thu khensak ding a, Israel gam panin a gamla peka om, minam vangliante’ thu khensak ding hi. Amaute in a namsaute uh lo khawhna tu-in seek ding uh a, a teipite uh singhiang heuhna temkawi-in seek ding uh hi. Minam khat leh khat kido nawn lo ding uh a, gal kidona thei kha nawn lo ding uh hi.

Hosea 2:18

Tua ciangin, ka mite a suksiat loh nadingun gamlaka om gamsate, huih laka leeng vasate, leh leitung a bokvak ganhingte tawh thuciamna ka bawl ding a, thalte, namsaute, galhiam khempeuh, leitung panin ka phiat khia ding hi. A lungnuam, lungmuang hithiatin ka mite ka om sak ding hi.

Zekhariah 9:10

Gal kidona leengte, Israel gam pan beisakin, sakol galkapte, Judah gam pan ka la khia ding a, galdona-a kizang thalte, kisusia ding hi. Na kumpipa un, minamte lakah kilemna thu gen ding a, amah in, tuipi mong khat pan tuipi mong khat dong, Eufrates gunpi panin leimong dongin uk ding hi.

Isaiah 32:18

Ka mihingte pen kilem tak-a teen’na lungmuang tak-a omna inn, daii tak-a tawlngakna munah om ding uh hi.

Late 46:9

Amah in leimong dong ah gal beisak hi; amah in thalpi kuaitanin, teipi susia a, leengte mei tawh haltum hi.

Isaiah 9:7

Tua huna kipanin a tawntungin David kumpi tokhom tungah maangin ama gam sungah thutan’na leh thumanna phutin a kipsak nadingin, alian semsem ama ukna leh nopsakna in mong nei lo ding hi. Vanglianpen Topa’ deih luatna in hih thu hong tungsak ding hi.

Joel 3:10

Lo khawhna tuute namsau-in seek un la, singhiang heuhna temkawite teipi-in seek un. A thanemte in “Ka tha a hat hi” ci ta uh hen.

1 SAMUEL MASA 2:10

Topa’ langte tamkham ding a, amah in amaute do-in vantungah van gingsak ding hi. Topa in lei mong dongah thukhen ding hi; amah in ama kumpipa tungah thahatna pia ding a, a sathau nilhpa’ vangliatna sangsak ding hi,” a ci hi.

Late 82:8

Pasian aw, tho in, leitung thu khen in; bang hang hiam cih leh minam khempeuh nangma’ aa ahi hi.

Mangmuhna 19:11

Tua khit ciangin vantung kihongin ka et leh, sakol kaang khat ka mu hi. Tua sakol tung tuang mi in Dikna leh Thuman kici hi. Tua mi in dik takin thu a khen thei, gal a do thei hi.

Sawltak 17:31

Bang hang hiam na cih uh leh, amah in a sehkholhpa tawh leitung mite, thuman tawh thukhen nading ni a genkhol zo hi. Tua pa sihna pan a thawhkik ciangin a kitel zo hi ci-in mi khempeuh a thei sak zo hi,” ci-in Paul in a gen hi.

Isaiah 9:5

Gal kikapna sunga gal hangte’ khedap khempeuh leh si a baang puan khempeuh mei-in kicih ding hi.

Late 110:6

Kumpipa in minamte lakah thukhen ding a, tua munte misi luang tawh dimsak ding hi; amah in a zai mahmah leitungah ukpite susia ding hi.

Isaiah 32:17

Tua ciangin thumanna hangin nopna om ding a, thumanna hangin daihna leh lungmuan’ tawntungna om ding hi.

Isaiah 33:22

Bang hang hiam cih leh Topa pen eite’ thukhen, Topa pen eite thukham hong piapa, Topa pen eite’ kumpi ahi hi; amah in eite hong honkhia ding hi.

Isaiah 42:1

Keimah in ka huh, keima teel, ama sungah ka lungkimna ka nasempa en un; ka Kha tawh amah ka kidimsak a, amah in minam khempeuh tungah thuman tungsak ding hi.

Joel 3:12

Minamte hong kithawi hen la, Jehoshafat Kuam-ah hong kuansuk uh hen. Kiimkot-a om minam khempeuhte’ thu khen dingin, Topa ahi keimah, tua munah ka tu ding hi.

Late 46:10

“Om hit-hiat un la, Pasian ka hihna thei un. Minamte lakah keimah hong kisangsak a, leitungah ka min hong kithangsak hi!”

Isaiah 42:3

amah in a kisunimsa pumpeng sukham lo ding a, a khu suak mei khau sumit lo ding hi. Amah in thumanna tawh mi khempeuh tungah thutang thu sem khia ding hi.

Hosea 2:20

Kei’ aa ahi tawntung dingin nang kong la ding hi. Tua ciangin Topa ka hih lam tak nong thei ding hi.